Isaiah 26:4 - De Beebaa Dabu

⁴ Goodou hagadonusia Tagi Maolunga ga hano ai, i hiidinga Iahweh, Tagi Maolunga, go de Baba makaga e dee ngado mai.

Isaiah 26:4 Referans Kwoze

Isaiah 12:2

Tilo, de Maadua go dogu Ia Hagaola; au e hagadonu ia, deelaa ai, au e dee madagu. De Ia Aamua, Tagi Maolunga, go ogu mahi ma dagu daahili, gai go ia dogu Ia Hagaola.”

Psalm 62:8

Ogu dangada, goodou hagadonusia ia i masavaa alodahi; daalaa ange gi de ia mee i oodou lodo; go hiidinga go de Maadua taadeu buibui. Selah

Psalm 55:22

Hagauda ina ange oo daemaha gi honga o Tagi Maolunga, gai ia ga bale adu goe; ia e dee dugu ange naa donu tangada heohi gi baguu.

Philippians 4:13

Au e maua donu i de hai mee alodahi i ssauaa o Klisdo, go de ia e hagammahi ina ogu lodo.

Psalm 18:2

Tagi Maolunga go dogu baba makaga, ma dogu mommee buibui makaga, ma dogu Ia Hagaola; dogu Maadua go de baba makaga, go ono daha oogu e mmuni ai. Go ia dagu mee hungihungi, ma de hanga manu e hagaola ina mai au, ma dogu mommee buibui makaga.

Psalm 62:11

De Maadua gu tala muna i dahi hanonga; gai au gu langona ana muna i de lua hanonga: bolo koe, de Maadua, e mmahi mmao,

Psalm 46:1

Go de Maadua taadeu buibui ma odaadeu mahi, gai se ia e balea mai i de masavaa hai ngadaa.

1 Samuel 2:2

E deai ange donu se dangada e dabu bei Tagi Maolunga, e deai ange donu e bei oo dagodo; e deai ange donu se baba e bei taadeu Maadua.

Isaiah 50:10

Goai i oodou magavaa e madagu i Tagi Maolunga, ma de hagallongo ange gi muna a dono dangada hai hegau? Tangada e seesee i lo te gohu e deai laa se maalama iai, gi hagadonusia de ingoo o Tagi Maolunga ma de tali hagalodolodo ange gi dono Maadua.

Matthew 6:13

Gai gi dee dagia ange gimaadeu gi de hagatale, aagai hagaola ina gimaadeu mai i de ia baubau laa.’

Isaiah 45:24

Gilaadeu e hagataba naa, ‘Go Tagi Maolunga donu huu e heohi gai e mmahi.’ ” Gilaadeu alodahi e kino i de ia, e loomai naa gi de ia, gilaadeu gu dookaa naa.

Isaiah 32:2

Gai dahi ma dahi e bei naa de mommee e buibui ai dangada i de ssau de madangi, gai e bei denga saalingaa vai i de vao, e bei de malu i lalo dahi hadu laumalie i de henua e deai manu e ssomo ai.

Psalm 125:1

Gilaadeu e hagadonusia Tagi Maolunga e bei de mounga go Zion, e dee maua laa gi baguu gai e duu ga hano ai.

2 Chronicles 20:20

Gai gilaadeu ne oho age i taiao ga hulo gi de vao o Tekoa. De masavaa olaadeu ne daamada ai de seesee e hulo, gai Jehoshaphat ne duu age ga hai ange, “Denga daane o Judah ma Jerusalem, goodou hagalaangona agu muna! Goodou hagadonusia Tagi Maolunga doodou Maadua, gi tuu ai goodou gi makaga. Gai hagadonusia ono pelaabisi gi hagadagadaga age ai goodou.”

Matthew 28:18

Aagai Iesu ne humai ga basa ange gi gilaadeu, ga hai ange, “Ssauaa alodahi i de langi ma henua i lalo gu gaamai gi de au.

Isaiah 63:1

Goai e humai nei i Edom ma Bozrah, ma de gahu malo e mmea? Goai deenei, gu gahu hagadanuaa nei ma de seesee mai i de kona dono mmahi? “Go au donu deenei, au e tala de mee heohi gai e mmahi i de hagaola.”

Isaiah 17:10

Goodou gu ngalo de Maadua doodou Ia Hagaola; goodou tee manadua de Baba ne buibuia goodou. Deelaa ai, e dee galemu donu doodou doo manu danuaa, ma denga grapevine ne sigi mai i denga henua gee;

De Beebaa go Job 9:19

Noo e ssala be goai e mmahi, gai ia e mmahi mmao! Noo e ssala be goai e heohi, gai goai e maua i de aalu ia?

2 Chronicles 32:8

Dono bale go mahi o dangada, aagai taadeu bale go Tagi Maolunga taadeu Maadua, gai go ia e balea mai gidaadeu ga hebagi ai.” Gai dangada gu lodo mmahi i hiidinga muna a Hezekiah, de hodooligi o Judah.

Isaiah 45:17

Aagai Tagi Maolunga e hagaola naa Israel i de hagaola e deai se hagaodi; gai goodou e dee dookaa naa donu aabe e hagangadi mee ina ga hano ai e dee ngado mai.

Psalm 93:1

Go Tagi Maolunga e hodooligi; ia e gahu i de mahamaha. Tagi Maolunga gu gahu; ia e gahu i de mmahi. Henua i lalo gu hagaduu ma gu makaga; gai e dee maua naa donu gi baguu.

Psalm 66:7

e dagina ga hano ai i dono sauaa, gai ia e daumada denga huaahenua. De gau hagamaolunga gi dee hai baasi ange gi de ia. Selah

Deuteronomy 32:15

Aagai Jeshurun ne bedi, ga dagadagahi au; koe gu bedi i de gaimee ma de daemaha, ma de bungubungu. Koe gu tili de Maadua ne haia goe, ma de hagangadi mee de Baba, doo Ia Hagaola.

Deuteronomy 32:4

Ia se baba makaga, ana hegau e hoohonu danuaa, gai ia e hai hegau i de hagamodu heohi. Ia se Maadua e hai hegau i de muna abodonu ma teai se baubau i ono daha, ia e hagamodu i de heohi ma de soe.

Isaiah 30:29

Aagai goodou e daahili naa bei doodou daahili i de boo oodou e hai ai dahi daonga dabu; goodou e malangilangi naa bei de masavaa o dangada e ili ai denga flute, ga daga age ai gi de mounga o Tagi Maolunga, go de Baba makaga o Israel.

Isaiah 44:8

Goodou aude bolebole, goodou aude maatagu. E aha, tee hagailoo ina e au ma de tala mee nei madagidagi loo? Go goodou ogu dangada hagadonu. E aha, e dahi ange maadua bei au? E deai, e deai ange donu se Baba mmahi; au e dee iloo bolo e dahi ange.”

Isaiah 51:5

Dogu heohi e moolau naa donu de dae mai, dagu hagaola gu dae mai donu; ssauaa o dogu lima e hagamodu naa muna o denga huaahenua i de heohi. Mommee i tagudai e kalo mai naa gi de au, ma de tali mai ssauaa o dogu lima mmahi.

Daniel 3:17

Gai noo deenei tagodo, gai de Maadua omaadeu e daumaha ange nei aagena e maua donu i de hagaola gimaadeu mai i de ahi ula mmahi, gai ia e hagaola naa donu gimaadeu mai i doo sauaa, de hodooligi.

Daniel 3:28

Gai Nebuchadnezzar ga hagadaba, “Duuhia de Maadua o Shadrak, ma Meshak, aama Abednego, go de ia ne haia gi humai dono dangada de langi gi hagaola ina ono dangada hai hegau. Gilaadeu ne hagadonusia ia, ma tee daudali i muna a de hodooligi, gai ne dugu ange olaadeu angaanga e dudu i de ahi; gilaadeu tee hai hegau ange aabe ne daumaha ange gi dahi diinonga daudahi, aagai go delaadeu Maadua donu huu.

Deuteronomy 33:27

De Maadua e mouli laa ga hano ai, go doo buibui, gai luoono lima dee ngado mai laa e daohi age goe. Ia e aau gee naa doo hagadaumee i oo mada i mua, ga hagadaba, ‘Daia gilaadeu gi maakau!’

Psalm 62:9

De gau maolalo e bei dagodo o dahi damaa madangi; de gau maolunga e bei dagodo o de mee hagasenga. Gilaadeu e bei denga mee maamaane i honga mee hagahidi; gilaadeu alodahi e maamaane ange i dahi damaa madangi.