Isaiah 26:20 - De Beebaa Dabu

²⁰ Ogu dangada, goodou hulo ulu gi lodo oodou aabi, ma gi bonodia ange oodou haitoga, ga mmuni ai i dahi masavaa bodobodo, ga dae ai gi de ui de masavaa o de bole.

Isaiah 26:20 Referans Kwoze

Psalm 30:5

Go hiidinga dono lili e dee daulooloa donu, gai dono abodonu e dagodo i taulooloa odaadeu mouli. De dangi e humai i de boo, aagai de malangilangi e humai i taiao.

Psalm 27:5

Gai ia e buibui naa donu au i dono mommee noho i de masavaa hai ngadaa; ia e hagammuni au i lo tono hale malo, ma de dugu age au i honga de baba maolunga.

Matthew 6:6

Gai noo goodou gu dalodalo, aagai goodou ulu gi lodo oodou aabi, ga pono de haitoga, aagai goodou ga dalodalo ange gi doodou Damana e dee gidee laa. Gai doodou Damana e gidee laa mee e dee gidee ga hagao adu goodou.

Psalm 91:4

Ia e haoli naa goe i lalo ono hulu manu ma de buibui goe i lalo luoono bakau; dono hai hegau i de muna abodonu go doo mee hungihungi ma doo buibui.

Proverbs 18:10

De ingoo o Tagi Maolunga e bei de hale buibui makaga; tangada heohi e savini ga hano aagena gai ia gu ola.

Psalm 17:8

Buibuia mai au bei dagodo o tama legalega eidu o doo ganomada, ma de hagammuni au i lalo de malu o luoo bakau,

2 Corinthians 4:17

Go hiidinga odaadeu hai ngadaa e hai donu huu i dahi masavaa bodobodo, e hagadabena ange ai gidaadeu gi de mahamaha laumalie e dee ngado mai laa, e dee maua laa i de hagahedae ange gi dahi mee daudahi,

Isaiah 10:25

E dee mmule naa donu gai gu helui dogu lili i goodou, gai dogu bole gu daa gilaadeu gi maakau.

Psalm 32:7

Go koe dogu mommee e mmuni ai, koe e buibui au i de hai ngadaa; ma de hai au gi daahili i taahili o de hagaola. Selah

Isaiah 51:4

“Ogu dangada, goodou hagalaangona agu muna; dogu huaahenua, nnoho mai hagalaangona: de hainga se mee mai i ogu daha, gai dagu hagamodu heohi e hagamaalama naa denga huaahenua.

Psalm 91:1

Tangada e mmuni i lo te buibui a de Ia Maolunga Mmao laa, ma de noho i lalo de malu o de Ia Mmahi Mmao laa,

Psalm 31:20

Koe e hagammuni gilaadeu i mada luoo mada, mai i hagatau baubau a dangada; koe e buibui gilaadeu i doo mommee mai i dangada e hagabaubau ina gilaadeu.

Ezekiel 11:16

Deenei ai, hai ange gi gilaadeu, ‘E hagadaba de Ia Aamua go Iahweh: E dee galemu donu au ne kave gilaadeu gi denga huaahenua mmao, ma de hai gilaadeu gi mavaevae saele i denga henua, aagai go au donu delaadeu mommee dabu i dahi masavaa bodobodo, i denga henua olaadeu gu hulo aagena.’

Isaiah 51:16

Au gu hhao agu muna gi lo too ngudu, ma de haoli goe i de malu o dogu lima; go au donu ne hagaduulia de langi, ma henua i lalo i olaau mommee, go au ne hagadagodo denga dagelo o henua i lalo, gai go au ne hai ange gi Zion, ‘Go goodou ogu dangada.’ ”

Psalm 143:9

Tagi Maolunga, hagaola ina mai au i ogu hagadaumee, go hiidinga au e mmuni i oo daha.

Psalm 57:1

De Maadua, lodo aloha mai gi de au, lodo aloha mai gi de au, go koe dogu buibui; au e ssala dogu buibui i lalo de malu o luoo bakau, ga dae ai gi de sili de madangi mmahi.

Genesis 7:1

Gai Tagi Maolunga ga hai ange gi Noah, “Hannoo ulu gi lo te vaga hale madali dangada alodahi i doo huaabodu, go hiidinga au gu gidee bolo koe se daane e heohi oo dagodo i de atangada nei.

Jeremiah 31:14

Au e hai naa gi boobosu de gau haimeedabu i gai lagolago, gai ogu dangada e hoohonu naa i agu mee danuaa,” go Tagi Maolunga e hagadaba.

Genesis 7:16

Gai e hanu manu daane ma manu hahine, mai i denga mee e mouli ne ulu gi lodo, bei de hai a de Maadua gu tala ange ai gi Noah. Gai Tagi Maolunga ga pono de haitoga.

Matthew 23:37

“Jerusalem, Jerusalem! De aduhale ne daia ga maakau denga pelaabisi ma de maga i hadu, gilaadeu ne hai gi loomai gi oo daha! Gu dee modu donu dogu lodo e hagabudu mai au dama, bei de hai a de gaagoo hahine e hagabudu ai laa ana dama i lalo luoono bakau, aagai koe e dee lodo!

Jeremiah 7:23

aagai au ne tala ange gi gilaadeu muna nei: ‘Goodou hagallongo mai gi de au, gai au ga hai ai goodou go ogu dangada, gai au go doodou Maadua. Goodou daudali i mee alodahi aagu gu tala adu gi goodou, gi danuaa adu ai gi goodou.’

De Beebaa go Job 14:13

Mee naa koe e hagammuni au i de mommee o de gau maakau, haolia mai au ga dae ai gi de sili doo lili. Mee naa koe e hagailonga dahi masavaa aau e ahe ange ai e maanadu mai au!

Proverbs 22:3

Tangada maanetonu e mmuni i de masavaa aana e gidee ai de mee hagamanavasaa, aagai tangada lodo senga e hagassoe donu huu i dono haiava, gai ia e duasala ai naa donu.

Isaiah 10:5

E vakaa naa Assyria, de laagau aagu ne hagahai hegau i dogu lili, dono lima go togo aagu ne hagahai hegau i dogu bole.

Isaiah 13:5

Gilaadeu e loomai i denga henua mmao, ma mai i mommee alodahi i lalo de langi — go Tagi Maolunga ma denga goloa hebagi o dono lili, gai gilaadeu ga oha ai de henua alodahi.

Isaiah 34:2

Tagi Maolunga gu lili i denga huaahenua alodahi, ma de bole mmao i olaadeu hagabuulinga hebagi. Ia e hai naa gi daia gilaadeu gi odi i de maakau; ia e hai naa gi daia gilaadeu gi maakau.

Isaiah 66:14

Goodou e malangilangi naa i de masavaa oodou e gidee ai mee nei, gai oodou ivi e ssomo danuaa naa bei denga helii; gai Tagi Maolunga e hai naa gi iloo e ono dangada hai hegau dagodo o dono sauaa, aagai ia e hai naa gi iloo e ono hagadaumee dagodo o dono lili.

Daniel 11:36

“Gai de hodooligi laa e hai naa donu huu ono mee e lodo ai. Ia e hagaamua naa donu huu ia, ma de tala bolo ia e maolunga ange i denga maadua alodahi, ma de tala denga mee hagalele mouli e hai baasi ange ai gi de Maadua o denga maadua. Gai ia e sula naa donu ga dae ai gi de odi ange de masavaa o de lili ⌊o de Maadua⌋, go hiidinga mee gu hagamodu laa e hagassula naa donu.

Zephaniah 2:3

Goodou saalaa Tagi Maolunga, alodahi e daudonu i honga de henua, ma de daudali i ana muna. Goodou saalaa de mee heohi, saalaa de lodo maolalo; kana adu ia e buibui naa goodou, i de laangi o Tagi Maolunga e bole ai.

Psalm 57:2

Au e hagahi de Maadua Maolunga Mmao, go de Maadua e hagassula ina dana hagatau mai gi de au.

Psalm 94:13

koe e hai ia gi noho baba i laangi hai ngadaa, ga dae ai gi de geli de haonga ange gi tangada baubau.