Isaiah 26:12 - De Beebaa Dabu

¹² Tagi Maolunga, koe gu hai gi nnoho paba gimaadeu; gai go koe gu hagassula mee alodahi amaadeu gu hai.

Isaiah 26:12 Referans Kwoze

Ephesians 2:10

Go hiidinga gidaadeu ni mee niiana ne hai, ma de hai i lodo o Klisdo Iesu, ange gi denga hegau danuaa a de Maadua gu hagadabena laa i mua, gidaadeu gi hai hegau ai.

Psalm 57:2

Au e hagahi de Maadua Maolunga Mmao, go de Maadua e hagassula ina dana hagatau mai gi de au.

Psalm 29:11

Tagi Maolunga e hagammahi ono dangada; Tagi Maolunga e hagamanuuia ono dangada i de nnoho paba.

Ezekiel 20:14

Aagai au tee hai donu mee nei, i hiidinga o dogu ingoo, gi dee hagangadi mee ina ai dogu ingoo i daho denga huaahenua, go gilaadeu ne gidee dagu hagassao mai de gau Israel i Egypt.

Hebrews 13:20

De Maadua o de baba, go de ia ne hagamouli ina Iesu taadeu Dagi Maolunga, de Ia Hagaloosi Maolunga o denga ssiibi, i dodo o de hagatoo donu hagaheloongoi e deai laa se ngado mai,

Jeremiah 33:6

Aagai au e hai naa gi mmahi ma de hagaieiangi de aduhale nei; au e hagaieiangi naa ogu dangada ga hai gi nnoho paba gilaadeu ma de duadonu.

Deuteronomy 30:6

Gai Tagi Maolunga doodou Maadua e tuu dagaholiage naa oodou lodo ma lodo o oodou hagadiilinga, gi aaloha ai goodou i Tagi Maolunga doodou Maadua, i oodou lodo alodahi aama oodou hagasaalunga alodahi, gai gi mouli ai goodou.

John 14:27

Au e gaavadu gi goodou de baba; gai de baba aagu e gaavadu gi goodou, e dee bei de baba a henua i lalo e gaavadu gi goodou. Goodou aude manavasaa oodou lodo aabe gi maatagu.

Ezekiel 36:25

Au e hagassii adu naa denga vai gilimalali gi goodou, gi gilimalali ai goodou. Au e hagagilimalali naa goodou mai i oodou dahulinga hakino gee alodahi, aama mai i oodou diinonga alodahi.

Ezekiel 20:22

Aagai au tee hai mee nei i hiidinga dogu ingoo, gi dee hagangadi mee ina ai au i daho denga huaahenua, go gilaadeu ne gidee dagu hagassao mai gilaadeu.

Ezekiel 20:9

Aagai au ne hai mee nei i hiidinga o dogu ingoo, gi dee hagangadi mee ina ai dogu ingoo i daho denga huaahenua olaadeu e nnoho laa i olaadeu magavaa. Gai au ne hagaago ange ogu dagodo gi de gau Israel, i dagu hagassao mai gilaadeu i de henua go Egypt.

Isaiah 57:10

Goodou gu daalea i oodou haingaa mee alodahi, aagai goodou tee hagataba, “E deai donu haigamaiana.” Gai oodou mahi ne aahe mai hogi gi goodou, deelaa ai, goodou tee daalea.

Psalm 68:28

De Maadua, hagahai hegau ina oo mahi; De Maadua, hagaagona mai gi gimaadeu doo sauaa, go ssauaa aau ne hagahai hegau laa i omaadeu hiidinga.

Psalm 90:17

De abodonu o de Ia Aamua taadeu Maadua gi dagodo i omaadeu daha, gai hagassula ina amaadeu hegau alodahi; uaa, hagassula ina amaadeu hegau alodahi.

Isaiah 9:6

Gai dahi dama gu haanau mai gi gidaadeu, dahi dama daane e gaamai gi gidaadeu; gai ssauaa e dagi ai e gaavange naa gi de ia. Gai ia e hagaingoo ange naa go de Ia Hagasaele Hagalele Mouli, de Maadua Mmahi, Tamana dee Ngado Mai, aama Tagi o de Baba.

Isaiah 26:3

Koe e hai gi nnoho paba gilaadeu alodahi e maanadu goe i olaadeu lodo, i hiidinga gilaadeu e hagadonusia goe.

Isaiah 27:5

Gai noo gilaadeu e llodo e hai au go delaadeu buibui, gai gilaadeu gi hagadanuaa mai gi de au, gilaadeu gi hagadanuaa mai gi de au.”

Isaiah 29:23

Gai ga gidee naa huu e gilaadeu alaadeu dama, go gilaadeu aagu ne hai i olaadeu magavaa, gai gilaadeu ga hagadabu dogu ingoo; gilaadeu e tala naa bolo de Ia Dabu o Jacob e dabu, gai gilaadeu e maatagu naa i de Maadua o Israel.

Isaiah 32:18

Ogu dangada e nnoho paba naa i olaadeu mommee, gai e dee manavasaa olaadeu lodo.

Isaiah 57:19

ma de hai gilaadeu e hinangalosaa i Israel gi duuhia. De noho baba, de noho baba, ange gi gilaadeu e mmao, ma gilaadeu e paa mai, go Tagi Maolunga e hagadaba. Gai au e hagaieiangi naa gilaadeu.

Numbers 6:26

Tagi Maolunga gi daumada ina goe ma de gaavadu gi de goe de baba.” ’

Psalm 57:3

Ia e basa mai i de langi ga hagaola mai au, ia e hagadogaa tangada e hagamaolunga i de au. Selah De Maadua e hagaago mai dono abodonu ma dono hai hegau i de muna abodonu.