Isaiah 26:1 - De Beebaa Dabu

¹ De laangi laa gai dangada e hua naa taahili nei i de henua o Judah: Demaadeu aduhale e makaga; de Maadua ne hagatuu ono buibui ma ono mee hagamakaga e hagaola ai.

Isaiah 26:1 Referans Kwoze

Isaiah 60:18

Gu deai naa donu dangada alasala e gidee i doo henua, e deai mommee e ngadi daakodo ma de maoha i doo henua, aagai koe e hagaingoo ange naa doo buibui go de Hagaola, gai e hagaingoo ange oo haitoga go de Tuhi.

Isaiah 62:11

Tilo, Tagi Maolunga gu hagailoo ange gi luu bido o henua i lalo; “Goodou hai ange gi tamaa hine o Zion: Tilo, doodou Ia Hagaola gu humai! Tilo, ia e gaamai ana hagaoanga madali ia, ma mee e hagao ange ai alaadeu hegau.”

Zechariah 2:5

Gai Tagi Maolunga e hagadaba: Au e hai naa ga bei de ahi e duuli ina luu baasi o Jerusalem, gai go de mahamaha i ono lodo.’ ”

Jeremiah 33:11

leo o dangada e malangilangi ai ma de llodo danuaa i kilaa, ma leo o taane ma de hine se goodo hai bodu, ma leo o dangada e daahili, i de masavaa alaadeu e gaamai ai alaadeu sigidaumaha, e hagaahe ange ai de abodonu i de hale o Tagi Maolunga, ga hagataba, ‘Hagaahea ange de abodonu gi Tagi o denga hagabuulinga hebagi, go hiidinga Tagi Maolunga e danuaa, gai dono abodonu e dagodo ga hano ai.’ Gai au e hagaahe ange naa de manuuia o de henua gi bei ono dagodo i mua, go Tagi Maolunga e hagadaba.

Isaiah 25:9

De laangi laa gai gilaadeu e hagataba naa, “Tilo, deenei donu taadeu Maadua; gidaadeu ne tali ange ia gi hagaola ina gilaadeu. Deenei Tagi Maolunga adaadeu ne hagadonusia laa; gidaadeu ga malangilangi ma de lodo danuaa i dana hagaola.”

Psalm 48:12

Hannoo seesee saele i Zion, gai holiagina luu baasi, ga dau taelodo o ono hale dagitilo maolunga;

Psalm 31:21

Hagadegi ina Tagi Maolunga, go hiidinga ia ne lodo aloha mmao i de au, i de masavaa oogu e noho ai i de aduhale gu duuli ina luu baasi.

Matthew 16:18

Au e hai adu, go koe go Peter; go honga de baba nei aagu e hagaduu ai dogu nohoanga dabu, gai ssauaa o Hades e dee maua donu i de hagadee kii.

Isaiah 12:1

De laangi laa gai koe e hagadaba naa: “Tagi Maolunga, au e hagaahe adu de abodonu gi de goe, go hiidinga, e dee galemu koe nogo lili i de au, gai iainei koe gu dee lili, gai gu hagaaneane ogu lodo.

Isaiah 5:1

Au e daahili ange gi de ia oogu e aloha ai i taahili o dagodo o dana veelengaa grape: De ia oogu e aloha ai e dahi ana veelengaa grape, i honga dahi duuduu e ssomo danuaa ai laa denga manu.

Isaiah 2:20

De laangi laa gai dangada e tili ange naa olaadeu diinonga selevaa ma diinonga goolo, e daumaha ange laa aagena, gi denga mole ma gimoo llele.

Isaiah 2:11

Tangada lodo maolunga e hagamaolalo ina naa, gai de gau hagamaolunga e hai naa ga maolalo, gai go Tagi Maolunga donu huu e hagaamua i de laangi laa.

Ezra 3:11

Gai gilaadeu ne daahili ga tuhi ga hagaahe ange de abodonu gi Tagi Maolunga, “Ia e danuaa; dono abodonu ange gi Israel e dee helui donu ga hano ai.” Gai dangada alodahi ga hevaalogi i de leo mmahi ga tuhi ma de hagaahe ange de abodonu gi Tagi Maolunga, go hiidinga tagelo o de hale o Tagi Maolunga gu lava i de hagadagodo.

Numbers 21:17

Gai de gau Israel ne daahili i taahili nei: “De vai geli, sali age! Goodou daahili ange aagena,

Isaiah 4:2

De laangi laa gai de uli a Tagi Maolunga e somo danuaa naa ma de mahamaha, gai hua o de henua e hai naa ga malangilangi ai ma de hagamahamaha ai dangada o Israel e doe.

Isaiah 14:31

De haitoga, koe gi dangi see; de aduhale oo ma gi dangi! De gau Philistia alodahi, goodou gi bolebole ma de maatagu! Go hiidinga dahi hagabuulinga hebagi bei de useahi laumalie gu humai i ngaiho, gai e deai donu se daane iai e doo gi muli.

Isaiah 31:5

Gai e bei hogi denga manu llele e hagamaamaane laa i lo te moana, Tagi o denga hagabuulinga hebagi e buibui naa Jerusalem; ia e buibui naa Jerusalem ma de hagaola de aduhale; ia e hagamaamaane naa i honga Jerusalem e hagaola ai de aduhale.”

Isaiah 31:9

Delaadeu mommee buibui makaga e lilo naa i hiidinga o de mee hagamaatagu; gai olaadeu dagi e maatagu naa i delaadeu gidee de hagailonga o de hebagi,” go Tagi Maolunga e hagadaba, go de ia niiana de ahi i Zion, go de ia niiana de ahi ula mmahi i Jerusalem.

Isaiah 33:5

Tagi Maolunga gu hagaamua, go hiidinga ia e noho i de mommee maolunga; ia e hhao naa Zion i de hagamodu soe ma de mee heohi.

Isaiah 33:6

Gai ia e hai naa go doo dagelo makaga i de laangi laa, ma de hagaola laumalie, ma de heiangi, aama de iloo mee. De madagu i Tagi Maolunga se mee hagamogomogo mmao.

Isaiah 56:5

au e hai naa dahi hagamaanadu ma dahi ingoo moolaadeu i lo te temple ma lodo ono buibui, gi danuaa ange i denga dama daane ma damaa hine; au e gaavange naa gi gilaadeu dahi ingoo e dee ngado mai gai e dee maua donu gi lilo.

Isaiah 62:10

Ulu laa lodo, ulu laa lodo haitoga! Hagadabena ina de haiava o dangada e ulu ai. Hagaduulia age, hagaduulia age de haiava laumalie! Aaua denga hadu; hagaduulia age de hagailonga ange gi denga huaadangada.

Ezekiel 40:5

Gai au ne gidee dahi buibui i luu baasi de temple alodahi. Gai de looloa o de laagau haide i lo te lima o taane laa se ono sugilima (dahi sugilima nei se dahi sugilima ma e dolu inisi). Gai ia ga haide de maadolu o de buibui laa, gai se dahi laagau haide laa de maadolu, gai dono duuduu e dahi hogi laagau haide laa.

Psalm 48:4

Tilo, denga hodooligi gu hagabuni, gilaadeu gu buni ma e loomai ai alodahi.

Zechariah 2:9

tilo, au e hagaabo naa dogu lima e hai baasi ange gi gilaadeu, ga hai olaadeu dangada hai hegau gi haia gi de mahi olaadeu goloa, gi iloo ai e goodou bolo go Tagi o denga hagabuulinga hebagi donu ne haia nei au gi humai.