Isaiah 25:4 - De Beebaa Dabu

⁴ Go koe de mommee mmuni o de gau hagaau aloha, gai go de mommee mmuni o dangada e duasala laa; koe se buibui i de masavaa o de madangi mmahi, gai go de malu i de masavaa e mmahi ai de laa. Go hiidinga manava o de gau e vaivai haia dangada e bei de madangi e dau laa i dahi buibui,

Isaiah 25:4 Referans Kwoze

Zephaniah 3:12

Aagai au e dugu naa i oo daha gilaadeu e duasala ma de hagaau aloha, go gilaadeu e hagadonusia de ingoo o Tagi Maolunga.

Isaiah 32:2

Gai dahi ma dahi e bei naa de mommee e buibui ai dangada i de ssau de madangi, gai e bei denga saalingaa vai i de vao, e bei de malu i lalo dahi hadu laumalie i de henua e deai manu e ssomo ai.

James 2:5

Denga daina hagamogomogo, goodou nnoho hagasaelea age! E dee go gilaadeu e hagaau aloha i henua i lalo a de Maadua ne hai laa gi lava i de gai, aama de henua i de nohoanga hodooligi, gu lava laa i dana hagatoo donu ange gi gilaadeu e aaloha i de ia?

Isaiah 33:16

deenei tangada e nnoho i mommee maolunga, gai dono mommee mmuni go lodo hadu o de mounga. Gai ana gai e gaavange naa gi de ia, gai e deai donu se odi ana vai.

Psalm 107:41

Aagai ia e hagaola de gau hagaau aloha mai i olaadeu duasala, ma de hai olaadeu huaabodu gi soa bei dagodo o denga hagabuulingaa ssiibi.

Psalm 12:5

“Go hiidinga de gau hagaau aloha e vaivai haia, gai gilaadeu e duasala e gonogono,” e hagadaba Tagi Maolunga, “Au e hidi age naa. Au e hai naa gilaadeu gi nnoho paba bei olaadeu lodo.”

Isaiah 66:2

E aha, e dee go dogu lima ne haia mee nei alodahi, deenei ai, gu hanu mee nei alodahi? go Tagi Maolunga e hagadaba. Deenei tangada aagu e hagadubu: go tangada e lodo maolalo ma de dahuli abodonu ono lodo, ma de bolebole i dono madagu i agu muna.

Isaiah 49:25

Aagai e hagadaba Tagi Maolunga, “Uaa, de gau dee kii e kave gee naa mai i daho denga daane mmahi, gai denga goloa ne hai gi de mahi e kave gee naa i daho taane alasala; au e hebagi ange naa gi tangada e hebagi adu gi goe, gai au e hagaola naa au dama.

Isaiah 37:36

Gai tangada de langi o Tagi Maolunga ne hano ga daa ga maakau e 185,000 daane, i de mommee nnoho gaainga o de gau Assyria. Gai ga oho age huu denga daane i taiao, gai gilaadeu gu gidee bolo de gau laa alodahi gu maakau.

Isaiah 33:2

Tagi Maolunga, koe gi abodonu mai gi gimaadeu; gimaadeu e tali adu donu huu goe. Go koe omaadeu mmahi i daiao alodahi, ma demaadeu hagaola i de masavaa omaadeu e hai ngadaa ai.

Isaiah 29:19

Gai de gau daudonu e aahe ange naa ga malangilangi i Tagi Maolunga; de gau hagaau aloha e malangilangi naa i de Ia Dabu o Israel.

Isaiah 29:5

Aagai oo hagadaumee soa e bei naa mama o de gelegele, gai de gau daa dangada e loomai nei bei gili grain e ilihia laa ga gaavee gee. Gai e daa hagalele naa donu huu,

Isaiah 27:5

Gai noo gilaadeu e llodo e hai au go delaadeu buibui, gai gilaadeu gi hagadanuaa mai gi de au, gilaadeu gi hagadanuaa mai gi de au.”

Isaiah 17:10

Goodou gu ngalo de Maadua doodou Ia Hagaola; goodou tee manadua de Baba ne buibuia goodou. Deelaa ai, e dee galemu donu doodou doo manu danuaa, ma denga grapevine ne sigi mai i denga henua gee;

Isaiah 14:32

Dee hee dau hai e basa ange ai gi de gau sui o de huaahenua laa? Hai ange, “Tagi Maolunga gu hagaduu gi makaga Zion, gai ono dangada nogo vaivai haia laa e gidee naa delaadeu mommee buibui i ono daha.”

Isaiah 11:4

aagai ia e hagamodu muna o dangada e duasala i de heohi, ma de hagamodu muna o de gau hagaau aloha i henua i lalo i de heohi. Ia e hagaduasala naa henua i lalo i ana muna e tala; gai e daa gi maakau de gau baubau i de madangi o dana manava.

Psalm 119:31

Tagi Maolunga, au e daohi au hainga; koe gi dee dugua ange au gi de hagadogaa.

Psalm 72:13

Ia e lodo aloha ange naa gi gilaadeu e baageaa ma de duasala, ma de hagaola gilaadeu e hagaau aloha.

Psalm 72:4

Gai ia gi balea ange gilaadeu e hagaau aloha, ma de hagaola denga gauligi e duasala, aagai gi hagaduasala ina gilaadeu e vaivai haia dangada.

Psalm 35:10

Au e hagadaba naa i ogu lodo alodahi, “Tagi Maolunga, goai e bei oo dagodo? Koe e hagaola tangada hagaau aloha mai i tangada e mmahi ange i de ia, gai tangada hagaau aloha ma de duasala i gilaadeu e gaiaadia alaadeu mee.”

Psalm 55:8

Au e hagamoolau e hano gi dogu mommee buibui, gi mmao gee ai au i de madangi ssau ma de mmahi.”

Psalm 91:1

Tangada e mmuni i lo te buibui a de Ia Maolunga Mmao laa, ma de noho i lalo de malu o de Ia Mmahi Mmao laa,

Psalm 121:5

Go Tagi Maolunga e dagitilo adu goe; Tagi Maolunga go doo mee hagalilo i doo baasi madau;

Isaiah 8:14

gai ia e hai naa ga se mommee dabu; aagai ange gi luu hale o Israel ia go de hadu e hagalaavea laa vae o dangada, gai se hadu e haia ga baakuu gilaadeu. Gai ia e bei naa donu dagodo o ssele ange gi dangada o Jerusalem.

Isaiah 16:3

“Daalaa mai amaadeu mee e hai, hilihilia mai demaadeu mee e hai. Haia doo malu gi bei de boo, i de masavaa e mmahi ai de laa i lo te laangi. Hagamuunia gilaadeu e silivaahea saele, gai koe gi dee hagaahea gilaadeu.

Isaiah 28:6

Ia e gaavange naa gi de ia hagamodu muna de hagasaalunga o de hagamodu heohi, ma de hagammahi gilaadeu e aahe mai i de hebagi gi de haitoga o de aduhale.

Isaiah 29:20

Tangada e vaivai haia dangada e lilo naa donu, gai de gau doo mee e dee maaleva naa hogi, gai dangada alodahi e maanadu de hai de baubau e daa naa gi maakau —

Isaiah 57:13

Gai de masavaa oodou e dangidangi ai i de bale, gai oodou hagabuulingaa diinonga gi hagaola ina goodou! De madangi e ili naa gilaadeu alodahi ga kave gee, gai se damaa madangi naa donu huu e ilihia gilaadeu ga gaavee gee. Aagai tangada e buibui i ogu daha e henua naa i de henua, ma de kave dogu mounga dabu.

Jeremiah 16:19

Tagi Maolunga, go koe ogu mahi ma dogu mommee buibui makaga, gai go dogu mommee mmuni i de masavaa hai ngadaa. Denga huaahenua e loomai naa i luu bido o henua i lalo, ga hagataba: “Omaadeu dubuna ni ngadi diinonga donu huu olaadeu e hanu, gai olaadeu diinonga tee haigamaiana ange donu gi gilaadeu.

Ezekiel 38:9

Gai goodou ma oo daane hebagi ma huaadangada alodahi madali goe e loomai naa bei dagodo o de madangi mmahi; goodou e haoli de henua bei de hagausinga maadolu.

Psalm 9:10

Gilaadeu e iloo doo ingoo e hagadonusia goe; Tagi Maolunga, koe tee tili donu gilaadeu e saalaa goe.