Isaiah 25:12 - De Beebaa Dabu

¹² Gai de Maadua e oha naa doo buibui makaga ga hai gi baguu gi honga de gelegele, ga dagodo ai i lodo gelegele.

Isaiah 25:12 Referans Kwoze

Revelation 18:21

Gai dahi dangada de langi mmahi ne poo age dahi hadu, bei de laumalie o dahi hadu mmili ga maga iho gi honga tai, gai ia ga hagadaba, “Deenei hogi de hai o Babylon, de aduhale maolunga laa, e tili iho ai ga maoha, gai e dee gidee ange naa donu.

Isaiah 26:5

Ia gu hagamaolalo gilaadeu e nnoho i de mommee maolunga, ma de hai gi maolalo de aduhale maolunga; ia e oha iho naa ga hai gi dagodo i honga de gelegele, ma de maga iho gi lo te gelegele.

Hebrews 11:30

Go de gai ne maua ai de oha de buibui o Jericho, i dua de seesee o de gau Israel ga holiage de aduhale laa i e hidu laangi.

Jeremiah 51:64

Gai koe ga hai ange, ‘Babylon e abulu naa gu dee hagaahe age ange donu, i hiidinga o de hai ngadaa aagu gu dai gaamai gi de henua. Gai dangada e nnoho ai e deai olaadeu mahi.’ ” Deenei de hagaodi muna a Jeremiah.

Jeremiah 51:58

E hagadaba Tagi o denga hagabuulinga hebagi: “De buibui lahalaha o Babylon e oha iho naa ga dagodo i honga de gelegele, gai ono haitoga maolunga e dudu naa i de ahi; hegau kona a dangada e deai naa donu ono haigamaiana, denga huaahenua ne hagadaalea ange donu huu gi mee e dudu i de ahi.”

Isaiah 15:1

Muna hagadaemaha i dagodo o Moab. De aduhale go Ar o Moab gu odi i de maoha, gai ne dahi donu huu boo ne oha ai. De aduhale go Kir o Moab gu odi i de maoha, gai ne dahi donu huu boo ne oha ai!

Isaiah 14:23

Au e hai naa hogi Babylon gi se mommee e nnoho ai denga owl gai gi se mommee iai bela ma vai; au e tahi naa Babylon i tuaanui,” go Tagi o denga hagabuulinga hebagi e hagadaba.

Isaiah 2:15

ma denga hale dagitilo maolunga alodahi, ma denga buibui alodahi;

Isaiah 25:2

Koe gu hai de aduhale ma gu se hagabuudungaa gainga, gai de aduhale buibui gu se mommee maoha, denga hale buibui makaga o de gau henua gee gu deai donu, gai e dee ahe ange naa donu e hagatuu age ange.

Lamentations 2:2

De Ia Aamua tee lodo aloha ange donu gai ne oha mommee nnoho alodahi o Jacob; ia ne oha mommee buibui makaga o tamaa hine o Judah i dono bole. Ia ne oha iho dono nohoanga hodooligi, ma de hai gi dee hagadubulia ono dagi.

Jeremiah 48:1

Dagodo o Moab. E hagadaba Tagi o denga hagabuulinga hebagi, de Maadua o Israel: “E vakaa naa Nebo, de henua e oha naa! Kiriathaim gu hagadogaa ina, i de hagadee kii ina; de mommee buibui makaga gu hagadogaa ina ma de oohaa ina.

Ezekiel 28:17

Koe ne lodo maolunga i hiidinga doo tilo danuaa, gai koe ne oha doo heiangi i hiidinga doo mahamaha. Gai au ne tili iho goe gi henua i lalo; au ne hai goe gi se mee hagakana niio denga hodooligi.