Isaiah 25:11 - De Beebaa Dabu

¹¹ Gai Moab e haalo ange naa luoono lima i de masavaa laa bei de haalo a tangada luoono lima e kau. Gai de Maadua e kave gee naa mee olaadeu e hagamaolunga ai laa ma de hai gi deai haigamaiana hegau e hai i olaadeu lima.

Isaiah 25:11 Referans Kwoze

Isaiah 16:14

Aagai iainei Tagi Maolunga e hagadaba, “E dolu ange naa ngadau, bei taelodo ngadau o tangada hai hegau hagao, gai de mahamaha o Moab e hagangadi mee ina naa, gai e dee galemu donu de soa ono dangada, gai e sogoisi naa donu huu ono dangada e ola, gai e baageaa.”

Isaiah 16:6

Gimaadeu gu langona de hagamaolunga o Moab; ia e kona mmao de hagamaolunga ma de hagaamua donu huu ia, ia e hagamaolunga ma de lodo maolunga mmao, aagai ana muna e tuhi ai donu huu ia ni ngadi muna.

Isaiah 14:26

Deenei de hagatau gu hagamodu ange gi henua i lalo alodahi, gai deenei de lima ne hagaabo ange laa gi honga denga huaahenua alodahi.

Isaiah 5:25

Deelaa ai, Tagi Maolunga gu lili mmao i ono dangada, gai ia ne hagaabo dono lima ga daa gilaadeu gu maakau. Denga mounga gu ngalungaalue; de gau maakau gu daakodo saele i honga denga haiava bei denga gainga. Gai mee nei alodahi tee maua donu i de hagahelui dono lili, gai dono lima goi hagaabo donu huu.

Isaiah 2:11

Tangada lodo maolunga e hagamaolalo ina naa, gai de gau hagamaolunga e hai naa ga maolalo, gai go Tagi Maolunga donu huu e hagaamua i de laangi laa.

James 4:6

Aagai ia e abodonu mmao; deelaa ai, gu sisi e hai ange, “De Maadua e hai baasi ange gi gilaadeu e llodo maolunga, aagai e abodonu ange gi gilaadeu e llodo maolalo.”

Colossians 2:15

Ia ne kave gee ssauaa o denga dagi ma gilaadeu iai ssauaa e dagi ai, ga hagangadi mee gilaadeu i madamada o dangada, ma de hagadee kii gilaadeu i de laagau lui.

Daniel 4:37

Gai au, Nebuchadnezzar, ne tuhi ma de hagaamua, ma de hagadubu de Hodooligi o de langi; go hiidinga ana hegau alodahi e heohi, gai ono haiava alodahi e dee haisala donu. Gai ia e hagamaolalo gilaadeu alodahi e llodo maolunga.

Jeremiah 51:44

Gai au e hagaduasala naa a Bel i Babylon, ga hai ia gi lueia mai mee aana gu holo. Gai denga huaahenua gu dee daga e hulo gi ono daha; de buibui o Babylon gu maoha.

Jeremiah 48:42

Moab e oha naa donu ga dee se huaadangada, go hiidinga ia ne hagamaolunga ange ia i Tagi Maolunga.

Isaiah 65:2

Au ne haalo ange luoogu lima mai i taiao ga boo ai, gi dahi huaadangada e makaga olaadeu lodo, gai ni dangada e seesee i denga haiava dee danuaa, ma de daudali i alaadeu maanadu donu huu.

Isaiah 53:12

Deenei ai, au e vvae ange naa gi de ia dahi duuhanga madali de gau maolunga, gai ia e vaevae naa denga goloa o de hebagi madali denga daane mmahi; go hiidinga ia ne dugu ange dono mouli gi de magau; ia gu dau madali de gau haisala. Ia ne hagauda haisala o dangada soa, aama de dalodalo i hiidinga o de gau haisala.

Isaiah 25:5

gai e bei de hagavvela o de laa i de vao. Koe e hai gi dee langona leo o de gau henua gee; taahili a de gau e vaivai haia dangada gu dee langona, bei de haoli a de hagausinga de vvela o de laa.

Isaiah 13:11

Au e hagaduasala naa henua i lalo, ma de gau baubau i hiidinga olaadeu haisala. Au e hai naa gi dee llodo maolunga de gau hagamaolunga, ma de hai gi maolalo de gau alasala e llodo maolunga laa.

Isaiah 10:33

Tilo, de Ia Aamua, Tagi o denga hagabuulinga hebagi e duuduu iho naa denga laa mmahi ga baakuu. Gai manu lloa e sele iho naa, gai gilaadeu e lodo maolunga e hai naa ga maolalo.

Psalm 2:5

Gai ia e hagasee naa gilaadeu i dono lili, ma de hagamaatagu gilaadeu i dono bole, ga hai ange,

Jeremiah 48:29

Gimaadeu gu langona de hagamaolunga o Moab: ia gu kona donu dono hagamaolunga, ia e lodo maolunga, ma de hagasoenga, ma de lodo gi lunga.

De Beebaa go Job 40:11

Haia gi humai doo lili ma doo bole, gai diiloo hagamaolalo ina tangada hagamaolunga;

Isaiah 2:10

Goodou hulo ulu gi lodo hadu, ma de mmuni i lo te gelegele, i hiidinga doodou maatagu i Tagi Maolunga ma de mahamaha o dono maolunga.

Isaiah 2:15

ma denga hale dagitilo maolunga alodahi, ma denga buibui alodahi;

Jeremiah 48:47

Aagai au e hagaahe ange naa de manuuia o Moab, i denga laangi e loomai,” go Tagi Maolunga e hagadaba. Deenei de odi de hagamodu muna o Moab.