Isaiah 24:17 - De Beebaa Dabu

¹⁷ Dangada o henua i lalo, de mee hagamadagu, ma geelonga, ma ssele gu paba adu gi goodou.

Isaiah 24:17 Referans Kwoze

Amos 5:19

Gai e bei naa dagodo o tangada e savini laa e hano gee i de laiono, gai ia gu hedae ange gi dahi bea; ia e ulu naa i dono hale ga hannagi ange gi de baasi de hale, gai dahi labodo ga kadi ia.

Ezekiel 14:21

Gai e hagadaba de Ia Aamua go Iahweh: Jerusalem e kii ange naa donu de baubau i de masavaa aagu e gaamai ai denga hai ngadaa e haa nei ga hagaduasala ai gilaadeu — go de gadilaasa, ma de onge, ma denga manu alasala, aama mee hagamaakau — ga daa ai gi maakau dangada aama denga manu!

Jeremiah 8:3

Gai dangada alodahi e doe i de huaabodu baubau nei, i mommee alodahi aagu e alualu gilaadeu gi hulo aagena, e llodo naa i de magau e dee go de mouli, go Tagi o denga hagabuulinga hebagi e hagadaba.

1 Kings 19:17

Jehu e daa naa ga maakau dangada e ola mai i de gadilaasa a Hazael, gai Elisha e daa naa ga maakau gilaadeu e ola mai i de gadilaasa a Jehu.

De Beebaa go Job 18:8

Gai luoono vae gu hai ia ma gu doo ange gi lo te galauna, gai ia ne hano ga lave i ono lodo.

Isaiah 8:14

gai ia e hai naa ga se mommee dabu; aagai ange gi luu hale o Israel ia go de hadu e hagalaavea laa vae o dangada, gai se hadu e haia ga baakuu gilaadeu. Gai ia e bei naa donu dagodo o ssele ange gi dangada o Jerusalem.

Jeremiah 11:11

Deenei ai, e hagadaba Tagi Maolunga: Tilo, au e gaamai naa gi gilaadeu de hai ngadaa e dee maua laa e gilaadeu gi ola mai ai. Gai ga tangi mai naa donu gilaadeu gi de au, gai au e dee hagallongo donu delaadeu tangi.

Lamentations 2:22

Koe ne hagahi gi loomai denga mee hagamaatagu bei dau ssala ange dangada gi taonga; gai e deai naa donu se dangada e maua gi ola aabe e mouli i de laangi o Tagi Maolunga e bole ai. Gilaadeu aagu ne haanau ma de haele gu lava i de daa a ogu hagadaumee ma gu maakau.

Lamentations 3:47

Gimaadeu gu duasala i de mee hagamaatagu ma denga geelinga kelo, ma de oohaa ga ngadi dagodo.”

Ezekiel 11:8

Goodou e maatagu i de gadilaasa, gai au e hebagi adu naa donu gi goodou i de gadilaasa, go de Ia Aamua go Iahweh e hagadaba.

Ezekiel 12:13

Au e maga naa hogi dagu galauna ga hai gi doo ange ai ia gi ono lodo; gai au e kave naa ia gi Babylon, go de henua o de gau Babylon, aagai ia e dee gidee ange naa donu de henua, gai ia e magau naa i kilaa.