Isaiah 23:15 - De Beebaa Dabu

¹⁵ De masavaa laa gai dangada e ngalo naa Tyre i e madahidu ngadau, go ngadau o dahi e hodooligi ai. Aagai ga odi ange naa huu de madahidu ngadau, gai Tyre e hai naa ga bei muna o taahili o de hine hai be se manu:

Isaiah 23:15 Referans Kwoze

Jeremiah 25:22

ma denga hodooligi alodahi o Tyre, ma hodooligi o Sidon, ma hodooligi o denga mommee i tagudai;

Revelation 17:10

gai mounga e hidu laa ni hodooligi hogi; e dogolima gu maakau, gai dahi goi mouli huu, gai dahi tigi dae mai. Gai dono masavaa naa huu e dae mai ai, gai ia e hodooligi naa donu huu i dahi masavaa bodobodo.

Hosea 2:15

Gai au e gaavange naa gi de ia hanu veelengaa grape i kilaa, ga hai de geelonga o Achor gi se haitoga ange gi de tali hagalodolodo. Gai ia e daahili naa bei dono daahili i de masavaa oona e damaa hine ai, aama de masavaa oona ne sao mai ai i Egypt.

Daniel 8:21

De guudi laa go de hodooligi o Greece, gai de hanga laumalie i magavaa luoono mada laa go tahi hodooligi.

Daniel 7:14

Gai gu gaavange gi de ia ssauaa e dagi ai, ma de mahamaha, ma de nohoanga hodooligi; gai denga hagadaagangaa dangada alodahi, ma huaahenua, aama huaadangada e pasa i denga hagadaagangaa muna gi daumaha ange gi de ia. Gai dono sauaa e dagi ai e dee ngado mai, gai dono nohoanga hodooligi e dee maua naa donu i de oha.

Ezekiel 29:11

Gai e deai naa donu dangada, aabe ni manu dolodolo e seesee saele i kilaa; e deai naa hogi dangada e nnoho i kilaa i e madahaa ngadau.

Ezekiel 27:25

Denga vaga o Tarshish e hagauda mai oo goloa. Koe e bei de vaga i honga tai gu honu baabaa ma de daemaha i goloa.

Jeremiah 29:10

Gai e hagadaba Tagi Maolunga: De masavaa naa huu e odi ange ai de madahidu ngadau, gai au ga hanadu gi oodou daha, ga hagassula mee danuaa alodahi aagu gu hagatoo donu adu ai gi goodou, ga hagaahe mai goodou gi de mommee nei.

Isaiah 23:16

“De hine hai be se manu gu hagangalo laa, gaavee dahi harp mage seesee saele ai i lo te aduhale. Daalea gi danuaa dau harp, ma de daahili i denga daahili lagolago, gi manadua ai e dangada goe.”

Isaiah 23:17

Gai ga odi ange naa huu de madahidu ngadau, gai Tagi Maolunga e ahe ange ga abodonu ange gi Tyre. Gai Tyre e ahe ange naa ga hagao mee, gai ia ga hai hegau naa bei de hine hai be se manu, madali denga nohoanga hodooligi alodahi o henua i lalo.

Ezekiel 16:35

Deenei ai, de hine hai be se manu, koe gi hagalaangona muna a Tagi Maolunga!