Isaiah 22:25 - De Beebaa Dabu

²⁵ E hagadaba Tagi o denga hagabuulinga hebagi: De laangi laa gai de laagau hagamakaga gu tugi laa ma gu makaga e mounu mai naa; gai e tuu naa ga doo, gai de mee e hagalau ange laa aagena e doo iho naa.” Go Tagi Maolunga e hagadaba.

Isaiah 22:25 Referans Kwoze

Isaiah 46:11

Au e hagahi naa dahi manu lele alasala mai i dua, se daane mai i dahi henua mmao, gai ia ga hagasula ina dagu hagatau. Gai be ni aha naa huu aagu gu tala, gai au e hai naa donu gi bei; gai be ni aha naa huu aagu gu hagatau, gai au e hai naa donu.

Micah 4:4

Gai dahi ma dahi e noho baba naa i lalo dana grapevine aama lalo dana fig, gu deai dangada e hagamaatagu ina gilaadeu, go hiidinga Tagi o denga hagabuulinga hebagi gu lava donu i de tala mee nei.

Isaiah 22:23

Au e hagamakaga naa dono duulanga bei de neele gu tugi laa ma gu hagamakaga, gai ia e hagamahamaha naa de ingoo o dono huaabodu.

Psalm 146:3

Koe gi dee tali hagalodolodo ange gi denga dagi o de henua, aabe go dama a dangada, go dangada e dee maua i de hagaola goe.

Ezekiel 5:17

Gai au e hai naa gi humai de onge ma denga manu alasala e hagaduasala ai goodou, gai gilaadeu e hai ga deai oodou gauligi. Denga mee hagamaakau ma daa dangada ga maakau e duu adu naa gi de goe; au e hai baasi adu naa hogi gi de goe i de gadilaasa. Go au donu go Iahweh e hagadaba.”

Ezekiel 5:15

Koe e hagangadi mee ina naa ma de tala hakadanga i daho dangada, gai se mee hagamaatagu ange gi denga huaahenua e paa adu gi de goe, i de masavaa aagu e hagaduasala ai goe i dogu lili ma de bole aama de kona dagu hagasee goe — go au donu go Iahweh e hagadaba —

Ezekiel 5:13

Gai dogu lili e sili naa, dogu bole i gilaadeu e helui naa, gai au e hagasili naa ogu lodo. Gai gi iloo ai e gilaadeu bolo go au donu go Iahweh ne tala muna nei i dogu lodo mmahi.

Jeremiah 4:28

Henua i lalo e tangi naa, gai lo te langi i lunga e hagagohu, go hiidinga gu lava i dagu tala, ma de hagatau mee nei; au e dee sui naa donu dagu maanadu, aabe e ahe dagu maanadu.”

Isaiah 48:15

Go au, go au donu ne daalaa mee nei; go au ne hagahia Cyrus. Au e hai naa ia gi humai, gai ia ga hagassula de hegau gu gaavange ia gi haia.

Psalm 52:5

Aagai de Maadua e daa naa goe gi magau ga hano ai; ia e poo naa goe ga kave gee i doo hale malo; ia e dada age naa goe ga aau gee i de henua e nnoho ai dangada. Selah

Isaiah 22:24

Gilaadeu e hagauda ange naa gi de ia de mahamaha alodahi e huahua ai i dono huaabodu; go denga aamuli ma hagadiilinga, ma denga gumedi vaaligiligi alodahi, mai i denga ubu ga dae ai loo gi denga ssaa hao vai.