Isaiah 22:15 - De Beebaa Dabu

¹⁵ De Ia Aamua, Tagi o denga hagabuulinga hebagi ne hai mai: “Hannoo daalaa ange muna nei gi Shebna, taane e diiloo ange de hale o de hodooligi:

Isaiah 22:15 Referans Kwoze

Isaiah 36:3

Gai Eliakim, tama daane a Hilkiah, taane e diiloo ange de hale o de hodooligi, ma Shebna tangada sisi, ma Joah tama daane a Asaph, tangada daohi, ne hulo gi ono daha.

2 Kings 18:18

Gilaadeu ne tuu i kilaa ga hagaagahi mai ai de hodooligi, gai Eliakim, tama daane a Hilkiah, taane e diiloo ange de hale o de hodooligi, ma Shebna, tangada sisi, ma Joah, tama daane a Asaph, tangada daohi, ne hulo gi olaadeu daha.

Isaiah 37:2

Gai ia ne hai Eliakim, taane e diiloo ange mee i dono hale, ma Shebna, tangada sisi, aama dagi o de gau haimeedabu, gi hulo gi daho de pelaabisi go Isaiah, tama daane a Amoz. Gai gilaadeu alodahi e kahu i malo daladala.

2 Kings 19:2

Gai ia ne hai Eliakim, taane e diiloo ange mee i dono hale, ma Shebna, tangada sisi, aama dagi o de gau haimeedabu gi hulo gi daho de pelaabisi go Isaiah, tama daane a Amoz. Gai gilaadeu alodahi e kahu i malo daladala.

2 Kings 18:37

Gai Eliakim, tama daane a Hilkiah, taane e diiloo ange de hale o de hodooligi, ma Shebna tangada sisi, aama Joah tama daane a Asaph, tangada daohi, ne saesae olaadeu malo ga aahe gi daho Hezekiah, ga tala ange gi de ia muna a de Rabshakeh ne tala ange.

Acts 8:27

Gai a Philip ga hano gu gidee e ia dahi daane Ethiopia, ia se eunuch, gai se daane hai hegau maolunga niio de hine hodooligi o Ethiopia go Candace, go ia e diiloo ange sseene a de hine laa. Gai ia ne hano gi Jerusalem ga daumaha ai,

Isaiah 36:22

Gai Eliakim, tama daane a Hilkiah, taane e diiloo ange de hale o de hodooligi, ma Shebna tangada sisi, aama Joah tama daane a Asaph, tangada daohi, ne saesae olaadeu malo ga aahe gi daho Hezekiah, ga tala ange gi de ia muna a de Rabshakeh ne hai ange.

Isaiah 36:11

Gai Eliakim, ma Shebna aama Joah ne hai ange gi de Rabshakeh, “Gimaadeu e dangidangi adu, basa mai gi gimaadeu, oo dangada hai hegau i muna Aramaic, go hiidinga gimaadeu e tonu ange aagena. Koe gi dee basa mai i muna Hebrew, go hiidinga dangada i honga de buibui e langona au muna.”

1 Chronicles 27:25

Azmaveth tama daane a Adiel, go taane e diiloo ange mommee doange goloa o de hodooligi. Gai Jonathan tama daane a Uzziah, go taane e diiloo ange mommee doange mee i denga vaaenga, ma aduhale nnui, ma aduhale vaaligiligi, aama denga hale dagitilo.

2 Kings 18:26

Gai Eliakim, tama daane a Hilkiah, ma Shebna, aama Joah ne hai ange gi de Rabshakeh, “Gimaadeu e dangidangi adu, basa mai gi gimaadeu, oo dangada hai hegau i muna Aramaic, go hiidinga gimaadeu e tonu ange aagena. Koe gi dee basa mai i muna Hebrew, go hiidinga dangada i honga de buibui e langona au muna.”

2 Kings 10:5

Gai taane e dagina de hale o de hodooligi, ma taane e dagina de aduhale, ma denga daane maatua aama gilaadeu e diiloo ange denga dama laa, ga aalu ga hai ange gi Jehu, “Gimaadeu ni dangada hai hegau niiou, gai gimaadeu e hai naa donu gi bei au mee e lodo gimaadeu gi haia. Gimaadeu e dee llodo e hili dahi dangada gi hodooligi; gai koe haia be se aha aau e maanadu bolo e tanuaa.”

1 Kings 4:6

Ahishar — tagi o de hale o de hodooligi; gai Adoniram, tama daane a Abda — tagi o de gau dee kii e hagahai hegau laa.