Isaiah 22:13 - De Beebaa Dabu

¹³ Aagai tilo, goodou e daonga i de malangilangi ma de hagalongaa, goodou e daa naa denga kaau ma ssiibi ga gai ma de unu uvaini. Goodou e hagataba, “Gidaadeu ga gaimee ma de unu uvaini, go hiidinga daiao gai gidaadeu e maakau!”

Isaiah 22:13 Referans Kwoze

Isaiah 56:12

Gilaadeu e hagataba, “Loomai, gidaadeu ga gaamai uvaini! Gidaadeu ga unu gi ssenga i mee mmahi! Gai daiao gidaadeu ga aahe ange hogi e hai mee mau, aabe e hai gi dubu ange i mee anailaa nei.”

1 Corinthians 15:32

Gai ni aha naa donu aagu e mau, i dogu hebagi ange gi denga manu alasala i Ephesus? Noo de gau maakau e dee mouli age donu, “Gidaadeu ga gaimee ma de unu, go hiidinga daiao gidaadeu e maakau.”

James 5:5

Goodou ne duadonu ma de hagamalangilangi donu huu goodou i doodou nnoho i henua i lalo. Goodou gu hai gi pedi goodou bei dagodo o manu gu paba ange e daa gi maakau i de laangi laa.

Isaiah 5:22

E vakaa naa denga daane dau i de unu uvaini, ma denga daane mmahi i de hilo denga mee mmahi,

Isaiah 5:12

Gilaadeu e hanu harp ma lyre i alaadeu daonga, ma tambourine ma flute aama uvaini; aagai gilaadeu e hagangadi mee hegau a Tagi Maolunga, aama tee hagadubu ana hegau e hai.

Isaiah 5:11

E vakaa naa dangada e oho age laa i taiao, e ssala hanu mee mmahi e unu, ma de aala ga nnoho gi lo te boo, ga dae ai gi delaadeu unu ga ssenga i uvaini!

Isaiah 26:10

Gai ga abodonu ange naa donu dangada gi de gau baubau, gai gilaadeu e dee maua donu i de ago de mee heohi; gai ga nnoho naa donu gilaadeu i de henua o olaadeu e heohi, gai gilaadeu e duudagi donu de hai hegau i de baubau, gilaadeu e dee anga ange donu gi de maolunga o Tagi Maolunga.

Isaiah 29:1

E vakaa naa goe, Ariel, Ariel, de aduhale o David nogo noho ai! Goodou e hai oodou daonga i ngadau alodahi i denga masavaa gu hagailonga.

Isaiah 47:8

Deenei ai, noho mai hagalaangona, de hine e haia donu huu ono mee e lodo ai, ma de noho baba, gai koe e hagadaba i oo lodo, “Go au donu huu, e deai ange donu e bei au. Au e dee haihai naa donu ga see hine gu magau dono bodu, aabe gu maakau agu dama.”

Isaiah 58:3

Gilaadeu e hagataba, ‘Gu aha gu hagahiikai ai gimaadeu gai de Maadua e dee gidee donu? Gai gu aha gu hagamaolalo ai gimaadeu, gai koe e dee anga mai donu?’ Gai de laangi oodou ne hagahiikai ai, gai goodou e hai donu huu oodou mee e malangilangi ai, goodou ne vaivai hai oodou dangada hai hegau alodahi.

Ezekiel 16:49

Tilo, deenei de mee o doo daina hahine go Sodom ne haisala ai: gilaadeu ma ana damaa hine ne llodo maolunga, ne lagolago alaadeu gai ma de ilaage; gai tee bale ange hogi de gau hagaau aloha ma gilaadeu e duasala.

Hosea 9:1

Israel, koe gi dee malangilangi; koe gi dee lodo danuaa bei denga huaadangada ange laa. Go hiidinga koe tee hai hegau ange gi doo Maadua i de mee abodonu; koe e llodo mmao i hagaoanga a de hine hai be se manu i denga mommee hili huamanu alodahi.