Isaiah 22:11 - De Beebaa Dabu

¹¹ Goodou ne geli dahi valavala i magavaa luu buibui moo denga vai mai i de Vai Duai, aagai goodou tee anga ange donu gi de ia ne haia de mee nei; goodou tee hagadubu hogi de ia ne hagatau ina de hegau nei madagidagi loo.

Isaiah 22:11 Referans Kwoze

Micah 7:7

Aagai ogu dagodo, au e dagitilo naa ma de tali ange Tagi Maolunga, au e tali ange de Maadua dogu Ia Hagaola; gai dogu Maadua e hagallongo naa donu dagu dangi.

Isaiah 31:1

E vakaa naa gilaadeu e hulo laa gi Egypt e ssala ai delaadeu bale, gai e hagadonusia mahi o denga hoosa, ma de tali hagalodolodo ange gi denga hada hebagi lagolago, ma mahi o olaadeu daane i honga hoosa, aagai e dee anga ange gi de Ia Dabu o Israel, aabe e dangidangi i de bale mai i daho Tagi Maolunga.

Isaiah 17:7

De laangi laa gai dangada e tali ange naa de ia ne haia gilaadeu, ma de daahuli ange naa gi de Ia Dabu o Israel.

2 Kings 25:4

Gai de buibui o de aduhale gu oha ga masaavava, gai denga daane alodahi gu saavini ga hulo, gai gilaadeu ne ssao ga hulo i de haitoga i magavaa luu buibui i gaogao de veelenga a de hodooligi, i de masavaa a de gau Babylon e duuli ai luu baasi de aduhale. Gai gilaadeu ne ssao ga hulo i de haiava e hano laa gi Arabah.

Jeremiah 39:4

De masavaa o Zedekiah, de hodooligi o Judah ma denga daane hebagi ne gidee ai gilaadeu, gai gilaadeu ga saavini ga hulo; gilaadeu ne ssao ga hulo i de haitoga i magavaa luu buibui, i gaogao de veelenga a de hodooligi i de boo; gai gilaadeu ne hulo i de haiava e hano laa gi Arabah.

Isaiah 37:26

Koe tigi langona naa donu? Au ne hagamodu mee nei i mua loo. Au ne hagatau mee nei madagidagi loo; gai iainei au gu hagassula mee nei, gai koe ga oha ai denga aduhale buibui ga hai gu ni hagabuudungaa mee maoha.

Isaiah 8:17

Au e tali ange Tagi Maolunga, go de ia e hagamuunia luoono mada i dangada o Jacob. Gai au e tali ange naa donu ia.

Nehemiah 3:16

Gai Nehemiah, tama daane a Azbuk, tagi o dahi luu baasi o Beth Zur, ne hagaahe age de mommee e mua ange, ga hano ai gi dahi mommee i de baasi gee o denga daanunga o David, gai e hano hogi ga dae gi de mommee gaugau ma de hale o denga daane dau.

2 Chronicles 6:6

aagai iainei au gu hili Jerusalem e hagadubu ai dogu ingoo, gai au gu hili hogi David gi dagina ogu dangada go de gau Israel.’

2 Kings 20:20

Gai hegau a Hezekiah ange laa ma dono mmahi, ma dana mommee hhao vai ne hai, ma dana mommee ne hhoa i lodo hadu ga hagasahu mai ai denga vai gi lo te aduhale, gu sisi i lo te beebaa e daohi ai laa hegau a denga hodooligi o Judah.

Isaiah 22:10

Goodou ne dau denga hale i Jerusalem gai ne oha iho denga hale e hagamakaga ai de buibui.

Isaiah 7:3

Gai Tagi Maolunga ga hai ange gi Isaiah, “Gaavee Shear-Jashub dau dama daane madali goe ma gooluu hulo hedae ange gi Ahaz. Ia e noho naa i de bido o de mommee e hagassali mai ai denga vai e mua gi lunga, i honga de haiava e hano laa gi de mommee daa malo.