Isaiah 2:8 - De Beebaa Dabu

⁸ Delaadeu henua gu honu i denga diinonga; gilaadeu e daumaha ange gi mee alaadeu e hagatuu, ma mee ne hai i olaadeu lima donu.

Isaiah 2:8 Referans Kwoze

Revelation 9:20

Gai dangada e doe tee maakau i denga mee hagamaakau laa, tee tili donu mee ne hai i olaadeu lima, gai tee tuu hogi delaadeu daumaha ange gi denga hagasaalunga ma diinonga ne hai laa i olaadeu lima, i goolo ma selevaa ma bronze ma hadu aama laagau, go mee e dee maua laa i de tilo be langona aabe go de seesee.

Jeremiah 2:28

Gai i hee iai denga diinonga aau ne hai laa moou? Haia gilaadeu gi hiihidi age noo gilaadeu e maua i de hagaola goe i de masavaa oou e hai ngadaa ai! Judah, oo diinonga gu lagolago donu bei oo aduhale.

Isaiah 37:19

gai ne tili ange olaadeu diinonga gi lo te ahi ga dudu ai, go hiidinga diinonga laa e dee ni maadua abodonu, gai ni mee nii dangada ne hagatuu i laagau ma hadu. Deelaa ai, gilaadeu gu lava i de oha.

Acts 17:16

Gai de masavaa o Paul e noho ai ma e tali gilaau i Athens, gai ia gu daemaha ono lodo i dana gidee bolo de aduhale laa e honu i denga diinonga.

Hosea 14:3

Assyria e dee maua i de hagaola gimaadeu; gimaadeu e dee kage donu i honga denga hoosa hebagi. Gimaadeu e dee aahe ange naa donu e hagahi ange, ‘Omaadeu maadua’ gi denga diinonga amaadeu ne hagatuu, i hiidinga koe e lodo aloha ange gi denga gauligi gu deai olaadeu damana.”

Hosea 13:2

Gai iainei gilaadeu gu dee modu de haisala: gilaadeu e hai olaadeu diinonga baalanga, gilaadeu e labagau i de hai olaadeu diinonga selevaa. Gai dangada gu hagataba i olaadeu dagodo, “Gilaadeu e hai sigidaumaha i dangada ma de oso denga kaau gauligi.”

Hosea 12:11

E aha, e dee dagodo de baubau i Gilead? Ono dangada gu deai olaadeu haigamaiana! E aha, gilaadeu e dee hai ssigidaumaha o denga kaau i Gilgal? Olaadeu mommee o ssigidaumaha e bei naa denga hagabuudungaa hadu i lodo veelenga gu hagabalabala laa.

Jeremiah 11:13

Judah, oo diinonga gu lagolago donu bei oo aduhale, gai oo mommee o ssigidaumaha ma de dudu ai mee maanongi ange gi tiinonga hagadookaa go Baal, gu bei donu de lagolago haiava o Jerusalem.

Isaiah 57:5

Goodou e llodo mmao e hai be ni manu i magavaa o denga oak ma manu ssomo nnui alodahi; goodou e sigidaumaha oodou dama i lodo geelonga ma lalo hadu i gaogao mounga.

Isaiah 17:8

Ia e dee galo ange naa donu gi denga mommee o ssigidaumaha, go mee ne hai i luoono lima, ia e dee daumada naa denga duludulu laagau o Asherah, ma mommee o ssigidaumaha o mee maanongi, aana ne hagatuu i luoono lima.

2 Chronicles 27:2

Gai ia ne hai hegau i de heohi i mada luu mada o Tagi Maolunga, bei dagodo hegau a dono damana go Uzziah, gai ia tee ulu i de temple o Tagi Maolunga bei dagodo hegau a dono damana ne hai. Aagai dangada ne duudagi de hai denga dahulinga hakino gee.

Deuteronomy 4:28

Gai goodou ga daumaha ange ai naa gi denga diinonga laagau ma hadu, go mee e hagatuu i lima o dangada, gai e dee maua gi gidee dahi mee, be go de hagallongo, be go de gaimee, aabe go de hagadungu dahi mee.

Hosea 8:6

Gilaadeu ni dangada mai i Israel! Tiinonga nei — go de labagau ne haia; gai e dee go de Maadua abodonu. De kaau o Samaria e oha naa ga too dagidahi.

1 Kings 16:7

Gai Tagi Maolunga ne hagaago ange hogi ana muna gi de pelaabisi go Jehu, tama daane a Hanani, i dagodo mee e hai ange gi Baasha ma dono huaabodu, i hiidinga hegau baubau alodahi a Baasha ne hai i mada luu mada o Tagi Maolunga, i dana hai ia ga lili i ana mee ne hai, i dono hai hegau bei de huaabodu o Jeroboam, aama dana daa ga maakau de huaabodu laa.

Isaiah 26:13

Tagi Maolunga, demaadeu Maadua, gu hanu ange donu ne dagina gimaadeu, aagai go koe donu huu amaadeu e hagadubu.

Isaiah 40:19

Dagodo o dahi diinonga, de labagau o denga baalanga e hagadagodo, gai de labagau o denga goolo ma selevaa ga haoli i goolo, ma de hai hanu seeini selevaa e dau ange aagena.

Isaiah 41:29

Tilo, gilaadeu alodahi ni ngadi mee, alaadeu hegau e deai donu haigamaiana, olaadeu diinonga baalanga e bei de ngadi madangi.

Jeremiah 1:16

Gai au e hagailoo adu dagodo o dagu hagaduasala ogu dangada, i hiidinga o alaadeu hegau baubau alodahi ma delaadeu tili au; gilaadeu ne dudu mee maanongi ange gi denga diinonga ma de daumaha ange gi mee alaadeu ne hai i olaadeu lima.

2 Kings 17:10

Gilaadeu ne hagatuu denga duludulu hadu ma duludulu laagau o Asherah i honga denga duuduu ma lalo denga manu ssomo nnui alodahi.

2 Kings 17:16

Gai gilaadeu ne tili denga muna alodahi a Tagi Maolunga, delaadeu Maadua gu tala ange gi gilaadeu, gai ga hai e lua kaau baalanga ga daumaha ange aagena, ma dahi duludulu laagau o Asherah. Gilaadeu ne daumaha ange hogi gi denga heduu i lo te langi aama Baal.

Micah 5:12

Au e oha naa de hai huuhuaa mee i oo daha, gai koe e dee helau naa hogi dangada.