Isaiah 2:6 - De Beebaa Dabu

⁶ Koe gu tili doo huaadangada, go dangada o Jacob. Go hiidinga gu soa dangada e daalaa mee e dee iloo mai i denga henua i dua; gilaadeu e tala mee e dee iloo bei hegau a de gau Philistia, ma de hagaheloongoi ange gi de gau henua gee.

Isaiah 2:6 Referans Kwoze

Romans 11:20

Ni muna abodonu; gilaadeu ne aau gee, i hiidinga delaadeu dee hagadonusia, gai koe e pigi ange donu huu i doo gai. Deenei ai, koe gi dee hagamaolunga, aagai koe gi madagu.

2 Kings 1:2

De masavaa laa gai Ahaziah ne doo iho laa magavaa denga laagau i de aabi e mua gi lunga i dono hale i Samaria ga magi ga dagodo ai; gai ia ne kave hanu dangada gi hulo gi siilia gi iloo i daho Baal-Zebub, tiinonga o Ekron, be ia e ieiangi mai naa i dono magi be deai.

Lamentations 5:20

Gu aha goe gu ngalo ai naa gimaadeu i masavaa alodahi? Gai gu aha gu daulooloa ai naa dau tili gimaadeu?

Jeremiah 10:2

E hagadaba Tagi Maolunga: “Goodou aude ago ange i dahulinga a denga huaahenua, aabe gi maatagu i denga hagailonga i lo te langi, e dee galemu donu de maatagu o denga huaahenua i mee nei.

Isaiah 8:19

Gai ga hai adu naa huu dangada, goodou gi hulo gi siilia i daho denga hilohilo ma eidu, ma dangada e pasa ange gi denga hagasaalunga, ma de musumusu ange gi gilaadeu — gai e aha, e dee go de Maadua e heohi doodou ssili ange mee nei aagena? Gai gu aha goodou gu ssili ange ai gi de gau maakau dagodo o dangada goi mouli laa?

Proverbs 6:1

Dagu dama, noo koe gu hagatoo donu e hagao muli a tangada e baa adu gi de goe, noo koe gu hagatoo donu i dau luuluu de lima o dahi dangada;

Psalm 106:35

aagai gilaadeu ne hulo ga hai bodu ange gi dangada i denga huaahenua laa ma de ago ange i alaadeu dahulinga.

Nehemiah 13:23

Gai au ne gidee hogi i laangi laa bolo hanu daane Judah gu hai bodu ange gi denga haahine o Ashdod, ma haahine o Ammon aama Moab.

2 Chronicles 24:20

Gai de Hagasaalunga o de Maadua ne hano iho gi honga o Zechariah tama daane a tangada haimeedabu go Jehoiada, gai ia ga duu age i magavaa o dangada, ga hai ange gi gilaadeu, “E hagadaba de Maadua, ‘Gu aha goodou gu hagahaisala ai naa hainga a Tagi Maolunga? Goodou e dee maua naa donu gi hagadagadaga age, go hiidinga goodou gu tili Tagi Maolunga, deelaa ai, ia gu tili hogi goodou.’ ”

2 Chronicles 15:2

gai ia ne hano ga hedae ange gi Asa, ga hai ange gi de ia, “Asa, ma denga daane alodahi o Judah ma Benjamin, goodou hagalaangona agu muna. Tagi Maolunga e noho madali goodou, noo goodou e nnoho madali ia. Noo goodou e ssala ia, gai goodou e gidee naa donu ia, aagai noo goodou e tili ia, gai ia e tili naa hogi goodou.

1 Chronicles 10:13

Gai a Saul ne magau i hiidinga ia tee hai hegau i de muna abodonu ange gi Tagi Maolunga; ia tee daohi muna a Tagi Maolunga, aagai ia ne hano ga ssala de bale mai i daho dahi hahine hai huuhuaa mee,

Numbers 23:7

Gai Balaam ga basa pelaabisi, ga hai ange, “Balak ne aalu adu ga gaamai au i Syria, de hodooligi o Moab ne gaamai au i de mommee iai mounga i baasi dua: ‘Humai balea mai au hagamalaia ina ai Jacob; humai, hagabaubau ina Israel!’

Leviticus 20:6

Gai noo dahi dangada e ssala tangada e hagahia laa hagasaalunga o de gau maakau ma gilaadeu e pasa ange gi denga hagasaalunga baubau, gai au e hai baasi ange donu gi tangada laa, ga vvae gee ia gi dee nnoho madali ono dangada.

Leviticus 19:31

Aude hano gi denga hilohilo ma eidu, be saalaa ange gilaadeu e pasa ange gi hagasaalunga o de gau maakau, gai gilaadeu ga hai ai ga dee gilimalali goodou. Go au go Iahweh doo Maadua.

Exodus 34:16

gai goodou e kave naa hogi alaadeu damaa hine ga hagahai bodu ange gi oodou dama daane, gai alaadeu damaa hine ga hai denga dahulinga baubau i delaadeu daumaha ange gi olaadeu diinonga, gai gilaadeu ga hai oodou dama daane gi daumaha ange gi olaadeu diinonga.

Exodus 22:18

Aude dugua donu dahi hahine hai huuhuaa mee gi mouli.

1 Samuel 6:2

Gai de gau Philistia ga hagahi de gau haimeedabu ma gilaadeu e haia denga huuhuaa mee, ga ssili ange, “Dee hee taadeu hai e hai ai de ngavesi a Tagi Maolunga? Daalaa mai be ni aha adaadeu e kave madali de ngavesi e hagaahe ai gi dono mommee donu.”

Isaiah 14:29

De gau Philistia alodahi, goodou aude malangilangi, i de hadi de laagau ne hagaili ai laa goodou; go hiidinga de labodo e hagadili naa dahi labodo hagammau, gai dana dama e lele gai e hagammau.

Jeremiah 12:7

Au gu tili dogu hale; au gu tili de huaahenua o dogu boolonga; au e dugu ange naa de ia oogu e aloha ai gi ono hagadaumee.

Micah 5:12

Au e oha naa de hai huuhuaa mee i oo daha, gai koe e dee helau naa hogi dangada.

Zephaniah 1:8

De laangi o ssigidaumaha a Tagi Maolunga, gai au e hagaduasala naa denga dagi ma dama a de hodooligi aama gilaadeu alodahi e kahu i malo mai i denga henua gee.

2 Kings 17:20

Gai Tagi Maolunga gu kino i denga aamuli alodahi o Israel, gai ia ga hagaduasala gilaadeu, ga hai olaadeu hagadaumee gi gaiaadia alaadeu mee, ga dae ai gi dana aau gee gilaadeu i mada luoono mada.

Micah 5:11

Au e oha naa denga aduhale i doo henua, ma de oha iho oo mommee buibui makaga.