Biblia Todo Logo
Bib sou entènèt

- Piblisite -




Isaiah 19:25 - De Beebaa Dabu

25 Gai Tagi o denga hagabuulinga hebagi gu hagamanuuia naa gilaadeu, ga hai ange, “E manuuia ogu dangada go de gau Egypt, ma de gau Assyria aagu ne hai laa i luoogu lima donu, aama de gau Israel, dogu boolonga.”

Gade chapit la Kopi




Isaiah 19:25
30 Referans Kwoze  

Gai ga gidee naa huu e gilaadeu alaadeu dama, go gilaadeu aagu ne hai i olaadeu magavaa, gai gilaadeu ga hagadabu dogu ingoo; gilaadeu e tala naa bolo de Ia Dabu o Jacob e dabu, gai gilaadeu e maatagu naa i de Maadua o Israel.


gai au e doo naa ia e hai ai dagu manu i de henua. Au e lodo aloha ange naa gi Lo-Ruhamah, gai au e hai ange naa gi Lo-Ammi, ‘Goodou go ogu dangada’; gai ia e hai mai naa gi de au, ‘Go koe dogu Maadua.’ ”


Tagi Maolunga e hagasula naa dana hagatau mai gi de au; Tagi Maolunga, doo abodonu e dagodo ga hano ai. Koe gi dee dilia dangada aau ne hai i luoo lima.


Tagi Maolunga gi hagamanuuia ina goodou, go de ia ne haia de langi ma henua i lalo.


Gai tiba a Tagi Maolunga go dono huaadangada, Jacob go de vaaenga ne bolo ange gi de ia.


Gai denga huaahenua e iloo naa dagodo o olaadeu aamuli, gai denga huaadangada e iloo naa dagodo o olaadeu hagadiilinga. Dangada alodahi e gidee gilaadeu e iloo naa bolo gilaadeu go de huaadangada a Tagi Maolunga gu hagamanuuia.


Gai oo dangada alodahi e mouli naa i de heohi; gilaadeu e henua naa i de henua ga hano ai. Gai go gilaadeu de uli aagu ne doo laa, go hegau a luoogu lima, e hagaago mai ai dogu hagamahamaha.


Gai gilaadeu gi hagaamua ina dogu ingoo i olaadeu daha, gai au ga hagamanuuia ai gilaadeu.”


“Tagi Maolunga gi hagamanuuia ina goe ma de tilo adu goe.


Gai au e iloo abodonu bolo de Maadua ne damadaa ina laa de hegau danuaa i oodou lodo naa, e duudagi naa donu de hegau naa ga dae ai gi dana hagalava i de laangi o Klisdo Iesu e ahe mai ai.


Duuhia de Maadua ma Tamana o taadeu Dagi Maolunga go Iesu Klisdo, ne hagamanuuia ina laa gidaadeu i daho Klisdo i denga manuuia alodahi i de baasi gi de hagasaalunga i de langi.


Gai e deai donu haigamaiana taadeu tuu dagaholiage aabe go taadeu dee tuu dagaholiage, gai de mee hagamogomogo go de mouli hoou.


Alaadeu hegau gu dee ni ngadi hegau, aabe alaadeu dama e haanau e tuu ange gi de hai ngadaa; gai gilaadeu e hai naa go hagadiilinga a Tagi Maolunga e hagamanuuia, go gilaadeu alodahi ma olaadeu hagadiilinga.


Gai iainei, Tagi Maolunga, go koe demaadeu Damana. Gimaadeu go denga bela pigi, gai koe go de ia hai gumedi hadu; gimaadeu alodahi ni mee niiau ne hai.


E hagadaba Tagi Maolunga, de Ia Dabu o Israel, gai go de ia ne haia Israel: E aha, koe e ssili naa dagodo o agu dama, ma dagodo o mee e loomai, aabe e tala mai agu hegau e hai?


Goodou gi iloo bolo Iahweh go de Maadua donu. Go ia ne haia gidaadeu, gai niiana donu gidaadeu; gidaadeu go ono dangada, gai go ssiibi i dana mommee iai helii.


I mua gai goodou e dee se huaahenua, aagai iainei goodou go de huaahenua o de Maadua; i mua gai goodou tee kave tegi o de Maadua, aagai iainei goodou gu kave hogi dono degi.


Go hiidinga gidaadeu ni mee niiana ne hai, ma de hai i lodo o Klisdo Iesu, ange gi denga hegau danuaa a de Maadua gu hagadabena laa i mua, gidaadeu gi hai hegau ai.


E aha, de Maadua se Maadua donu huu niio de gau Ssuu, e dee se Maadua hogi niio denga Gentile? Uaa, ia se Maadua donu hogi niio denga Gentile,


Gai ga gidee huu e Balaam bolo Tagi Maolunga e malangilangi i de hagamanuuia Israel, gai ia tee ahe ange e hai hanu huuhuaa mee, bei denga hanonga ange laa, aagai ia ne huli ga hano gi de vao.


De masavaa laa gai Israel e hai naa go togodolu, madali Egypt ma Assyria, gai e hai naa ga se manuuia niio henua i lalo.


De laangi laa gai dahi hanga manu laumalie e ili naa. Gai dangada gu dai maakau laa i Assyria ma gilaadeu gu noonoodia laa ma gu gaavee gi Egypt, e loomai naa ga daumaha ange gi Tagi Maolunga i honga de mounga dabu i Jerusalem.


E hagadaba Tagi Maolunga: “Goloa o Egypt ma goloa a Ethiopia e hagao, ma denga doa o Seba — gilaadeu e loomai naa gi goodou gai goodou e kave naa olaadeu goloa; gilaadeu e noonoodia naa i denga seeini ga daudali mai ai i oodou dua. Gilaadeu e duuduli naa i oodou mada i mua, ga dangidangi adu naa, ga hai adu, ‘Ni muna abodonu, de Maadua e noho i oodou daha, gai e deai ange donu se maadua abodonu.’ ”


Dangada o Judah ma dangada o Israel, i mua gai goodou se muna hagamalaia i daho denga huaahenua, aagai iainei au gu hagaola goodou e hai gi se mee hagamanuuia. Goodou aude maatagu, aagai gi lodo mmahi.


Tagi Maolunga, gu aha gu dugu mai ai naa goe gimaadeu gi hulo gee i oo haiava ma de hagamakaga omaadeu lodo, gimaadeu gu dee maatagu i de goe? Ahe mai i hiidinga o oo dangada hai hegau, go denga aamuli gu bolo adu gi de goe.


Au ne gaamai goodou gi dahi henua iai hua lagolago, gai goodou ga gai ono hua aama mee danuaa iai. Aagai goodou ne loomai ga hai gi hakino gee dogu henua, aama de hai gi dee gilimalali de huaahenua o dogu boolonga.


Gai e dee aanei dagodo o de ia e hagabinga laa go Tuuhanga o Jacob; go hiidinga go ia ne haia mee alodahi, gai ia hogi ne haia Israel, de aamuli o dono boolonga; dono ingoo go Iahweh o denga hagabuulinga hebagi.


Swiv nou:

Piblisite


Piblisite