Isaiah 19:22 - De Beebaa Dabu

²² Gai Tagi Maolunga e gaamai naa dahi mee hagamaakau gi Egypt; ia e hagammae naa gilaadeu ga lava ga hagaieiangi gilaadeu. Gai gilaadeu e aahe mai naa gi Tagi Maolunga, gai ia ga basa ange gi alaadeu dangidangi ga hagaieiangi gilaadeu.

Isaiah 19:22 Referans Kwoze

Hebrews 12:11

E deai donu se haelenga e hagamalangilangi i de masavaa e hai ai, aagai e hagammae. Gai muli mai naa huu, gai gu ssula ai hua o de heohi i de nnoho paba, i daho dangada gu agoago ai.

Hosea 14:1

Israel, ahe mai gi Tagi Maolunga doo Maadua, oo baubau gu hagahaisala goe.

Deuteronomy 32:39

Goodou kalo mai diiloo, go au donu deenei, gai e deai ange donu se maadua, go au donu huu. Go au e daia gi maakau, gai go au e hagamouli ina; go au e hagalagolagohia ina, gai go au hogi e hagaieiangi ina; e deai donu se dangada e maua i de hagaola dahi mai i dogu lima sauaa.

Hosea 6:2

Dua e lua laangi, gai ia e hagamouli age naa gidaadeu; gai de hagadolu laangi, ia e hagahiihidi age naa gidaadeu, gi maua ai e gidaadeu i de nnoho i mada luoono mada.

Hosea 5:15

Gai au e ahe naa gi dogu mommee, ga dae ai gi delaadeu tala olaadeu haisala. Gai gilaadeu ga ssala ai au i delaadeu duasala.

Isaiah 55:7

Tangada baubau gi dilia ana dahulinga baubau, gai tangada dee heohi gi dilia ana maanadu dee heohi. Gai ia gi ahe mai gi Tagi Maolunga, gai ia ga lodo aloha ange gi de ia; ia gi ahe mai gi taadeu Maadua, gai ia ga degi ange gi de ia.

Isaiah 45:14

E hagadaba Tagi Maolunga: “Goloa o Egypt ma goloa a Ethiopia e hagao, ma denga doa o Seba — gilaadeu e loomai naa gi goodou gai goodou e kave naa olaadeu goloa; gilaadeu e noonoodia naa i denga seeini ga daudali mai ai i oodou dua. Gilaadeu e duuduli naa i oodou mada i mua, ga dangidangi adu naa, ga hai adu, ‘Ni muna abodonu, de Maadua e noho i oodou daha, gai e deai ange donu se maadua abodonu.’ ”

Isaiah 6:10

Hagamakaga ina lodo o de huaadangada nei, haia olaadeu dalinga gi longoduli, gai haia olaadeu ganomada gi dee kide. Kana gidee e gilaadeu i olaadeu ganomada ma de langona i olaadeu dalinga, gai gilaadeu gu tonu ange i olaadeu lodo, ga daahuli olaadeu lodo, gai gilaadeu gu ieiangi.”

De Beebaa go Job 5:18

Ia e hagammae, aagai e ahe ange hogi ga saabini de maanuga; ia e hagalagohia, aagai e hagaieiangi hogi.

De Beebaa go Job 22:23

Noo koe e ahe mai gi de Ia Mmahi Mmao laa, gai koe e hagadaga age ange naa; noo koe e vvae gee de baubau mai i oo hale,

Isaiah 11:11

De laangi laa gai de Ia Aamua e hagaahe mai naa ono dangada e doe i ssauaa o dono lima, mai i Assyria, ma Egypt, ma Pathros, ma Ethiopia, ma Elam, ma Babylon, ma Hamath, aama mai i denga modu alodahi.

Isaiah 27:13

De laangi laa gai dahi hanga manu laumalie e ili naa. Gai dangada gu dai maakau laa i Assyria ma gilaadeu gu noonoodia laa ma gu gaavee gi Egypt, e loomai naa ga daumaha ange gi Tagi Maolunga i honga de mounga dabu i Jerusalem.

Isaiah 30:26

Gai de maalama o de maasina e mmahi naa bei de maalama o de laa, gai de laa e hidu naa hanonga e kii ange ai de maalama, gu bei de mmahi o de laa i e hidu laangi, i de laangi a Tagi Maolunga e saabini ai mommee maaguluaa o ono dangada, ma de hagaieiangi olaadeu mee lagolagohia aana ne hai laa ga lagolagohia.

Isaiah 57:18

Au gu gidee donu ana haingaa mee, aagai au e hagaieiangi naa donu ia, au e dagi naa ia ma de hagaaneane ia, aama ono dangada e hinangalosaa,

Ezekiel 29:13

Gai e hagadaba de Ia Aamua go Iahweh: De hagaodi o denga ngadau e madahaa, gai au e hagabuni mai naa de gau Egypt, i magavaa o denga huaadangada aagu gu hai gilaadeu gi mavaevae saele aagena.

Exodus 8:4

Denga kailu e llele age naa gi honga doo henua ma honga oo dangada aama honga oo dagi alodahi.’ ”

2 Kings 20:5

“Ahe hai ange gi Hezekiah tagi o ogu dangada, ‘E hagadaba Tagi Maolunga, de Maadua o doo dubuna go David: Au gu langona dau dalodalo, gai au gu gidee oo loimada. Tilo, au e hagaieiangi donu goe. Dua naa huu e dolu laangi gai koe e hano naa gi de hale o Tagi Maolunga.