Isaiah 19:20 - De Beebaa Dabu

²⁰ Gai de mee laa se hagailonga gai se mee e tala ai dagodo o Tagi o denga hagabuulinga hebagi i de henua go Egypt. Gai de masavaa naa huu olaadeu e tangi ange ai gi Tagi Maolunga i hiidinga delaadeu vaivai haia, gai ia e gaamai naa dahi gi balea ange ma de hagaola gilaadeu.

Isaiah 19:20 Referans Kwoze

Titus 2:13

i de masavaa adaadeu e tali ai de mee adaadeu e tali hagalodolodo ange laa aagena, go de hagasula mai i de mahamaha taadeu Maadua maolunga, go taadeu Ia Hagaola go Iesu Klisdo.

Psalm 50:15

ma de hagahi mai au i de masavaa o de hai ngadaa gai au ga hagaola ai goe, gai koe ga hagamahamaha ai au.” Selah

Luke 2:11

Anailaa nei gai gu haanau i de aduhale o David doodou Dangada Hagaola, go Klisdo Tagi Maolunga.

James 5:4

Tilo, hagaoanga o de gau hai hegau ne hagihagia hua o oodou veelenga e tangi, go hiidinga goodou tee hagao ange gilaadeu. Gai Tagi o denga hagabuulinga hebagi gu langona de tangi o de gau hagihagi.

Isaiah 55:13

Gai gu dee ni manu daladala e ssomo ai, gai gu ni pine; gu dee ni manu dabeo e ssomo ai, gai gu ni myrtle. De mee nei se mee e hagamaanadu ai de ingoo o Tagi Maolunga, gai se hagailonga e dee ngado mai, gai e dee haihai naa donu ga lilo.

Isaiah 52:5

Gai ni aha gu hai nei i kinei? go Tagi Maolunga e hagadaba. Ogu dangada gu gaavee gee, gai tee hagao, gai dangada e dagina gilaadeu e pasa hagamaolunga, go Tagi Maolunga e hagadaba. Mai i taiao ga boo ai gai dogu ingoo e hagangadi mee ina.

Isaiah 37:36

Gai tangada de langi o Tagi Maolunga ne hano ga daa ga maakau e 185,000 daane, i de mommee nnoho gaainga o de gau Assyria. Gai ga oho age huu denga daane i taiao, gai gilaadeu gu gidee bolo de gau laa alodahi gu maakau.

Isaiah 20:4

gai e bei ai hogi, de hodooligi o Assyria e aau gee naa malo ma mee vae o de gau Egypt, ma de gau Ethiopia ga kave gilaadeu gi olaadeu henua, gai dae o denga gauligi ma de gau maatua e hai naa ga ssula mai — e hagadogaa ai Egypt.

Isaiah 19:4

Au e dugu ange naa de gau Egypt gi dahi dagi e vaivai haia laa dangada gai dahi hodooligi hagamaatagu e dagi naa gilaadeu,” go de Ia Aamua, Tagi o denga hagabuulinga hebagi e hagadaba.

Joshua 22:34

Gai de aamuli o Reuben ma de aamuli o Gad ne hagaingoo ange de mommee o ssigidaumaha laa go de Tala Hagadonu, go hiidinga gilaadeu ne hagataba, “De mommee o ssigidaumaha nei se mee e tala hagadonu ai i odaadeu magavaa bolo Tagi Maolunga de Maadua.”

Exodus 3:7

Gai Tagi Maolunga ga hai ange gi de ia, “Au gu gidee donu de duasala o ogu dangada i Egypt, au gu langona hogi delaadeu tangi i hiidinga de hai a olaadeu dagi e hagaduasala ai gilaadeu; au gu iloo donu dagodo o delaadeu duasala.

Exodus 2:23

Dua huu hanu ngadau lagolago, gai de hodooligi o Egypt gu magau. Gai de gau Israel gu duasala mmao i delaadeu hagahai hegau kona ina, gai gilaadeu ga dangidangi i de bale, gai de Maadua gu langona e ia delaadeu dangidangi.

Isaiah 43:3

Go au donu go Iahweh, doo Maadua, de Ia Dabu o Israel, gai go doo Ia Hagaola; au ne gaavange Egypt e hagaola ai goe, gai Ethiopia ma Seba e sui ai goe.

Isaiah 43:11

Go au, go au donu go Iahweh, gai e deai ange donu se Ia Hagaola bei au.

Isaiah 45:15

Ni muna abodonu, koe se Maadua e hagamuunia goe, go koe de Maadua ma de Ia Hagaola i Israel.

Isaiah 60:16

Koe e unu naa vai uu a denga huaahenua, ma de gaimee i gai danuaa a denga hodooligi. Gai koe e iloo naa bolo go au donu go Iahweh, doo Ia Hagaola, go au ne hagaola ina goe, de Ia Mmahi o Jacob.

Isaiah 63:8

Gai ia ne hagadaba, “Ni muna abodonu, gilaadeu go ogu dangada donu, gai ni dama e dee hai hegau i de hagasenga;” gai ia gu hai ai delaadeu Ia Hagaola.