Isaiah 18:2 - De Beebaa Dabu

² go gilaadeu e haia gi hulo olaadeu dangada sui laa honga vai i moni e hai i papyrus. Goodou hulo, de gau hagailoo kemo, gi de henua iai de gau lloa ma de maalali olaadeu angaanga, go de gau hagamaatagu i henua mmao ma de paa mai, se huaahenua alasala ma de pasa henua gee, gai delaadeu henua e vaevae i denga saalingaa vai.

Isaiah 18:2 Referans Kwoze

Isaiah 18:7

De masavaa laa gai denga mee ngadi gaavange e gaamai naa gi Tagi o denga hagabuulinga hebagi mai i daho de gau lloa ma de malali olaadeu angaanga, ma mai i daho de gau hagamaatagu i henua mmao ma de paa mai, go de huaahenua mmahi ma de hagadee kii ina denga henua, gai delaadeu henua e vaevae i denga saalingaa vai — gilaadeu e loomai naa gi de mounga go Zion, go de mommee iai laa de ingoo o Tagi o denga hagabuulinga hebagi.

2 Chronicles 16:8

E aha, e dee ni hagabuulinga hebagi mmahi o de gau Ethiopia ma Libya, gai olaadeu hada hebagi ma olaadeu daane i honga hoosa e soa? Gai Tagi Maolunga ne dugu adu goe gi hagadee kii ina gilaadeu, i hiidinga koe e hagadonusia ia.

2 Chronicles 14:9

Gai Zerah, taane Ethiopia ne humai madali dahi hagabuulinga hebagi soa mmao ma e dolulau hada hebagi, gai gilaadeu ne loomai ga tae mai gi Mareshah.

Ezekiel 30:9

De laangi laa gai au e hai naa gi hulo de gau hagailoo, i denga vaga gi hagamaatagu ina de gau Ethiopia e nnoho paba laa. Gai gilaadeu e maatagu naa i de laangi o Egypt e hagaduasala ai. Tilo, de mee nei e hai naa donu!

Exodus 2:3

Aagai ga dee maua huu e ia i de hagammuni dana gaagaa, gai ia ga llanga dahi gede i denga papyrus ga haoli tua ma lodo i denga tar gi dee vava ai. Gai ia ga hhao ange dana gaagaa gi lo te gede laa, ga kave ga dugu i gaogao de Nile, i magavaa o denga aalege.

Luke 10:19

Tilo, au ne gaavadu gi goodou ssauaa e dagadagahi ai denga labodo hagammau ma manu manga lua gi lalo oodou vae, aama ssauaa e mmahi ange laa i ssauaa o de ia hagabaubau, gai e deai donu se mee daudahi e maua i de hagammae goodou.

De Beebaa go Job 9:26

Ogu laangi e hulo ga ui bei denga boose papyrus, gai e bei denga igele e hagatili iho laa ga dango dahi mee.

Jeremiah 49:14

Au gu langona dahi hagailoo mai i daho Tagi Maolunga: dahi dangada hagailoo gu hai gi hano gi denga huaahenua, gi hai ange, “Goodou hagabuni loomai hebagi ange gi de henua laa! Hiihidi age haia de hebagi!”

Obadiah 1:1

De midi hagaago ange a Obadiah. E hagadaba de Ia Aamua go Iahweh i dagodo o Edom — gimaadeu gu langona dahi muna mai i daho Tagi Maolunga; dahi dangada hagailoo gu hai gi hano gi denga huaahenua, gi hai ange, “Hiihidi age, gidaadeu ga hulo e hebagi ange gi de ia!” —

Habakkuk 1:7

Gilaadeu e hagamaatagu ma de maatagu ai o dangada; gilaadeu e hai donu huu olaadeu mee e llodo ai.