Isaiah 17:13 - De Beebaa Dabu

¹³ Gai ga hagalongaa naa donu denga huaahenua bei de haganngolo o denga vai lagolago, aagai de Maadua e hagasee gilaadeu, gai gilaadeu e saavini naa ga hulo, bei denga gili grain i honga mounga, e ilihia laa i de madangi, ma de mama o de gelegele a de madangi e ili laa ga kave.

Isaiah 17:13 Referans Kwoze

Psalm 9:5

Koe gu hagasee denga huaahenua, ma de daa gi maakau de gau baubau; koe gu hai gi dee manadua e dangada olaadeu ingoo ga hano ai e dee ngado mai.

Psalm 1:4

Gai de gau baubau e dee aanei olaadeu dagodo; gilaadeu e bei dagodo o gili grain e ilihia laa i de madangi.

De Beebaa go Job 21:18

Gai gu hia maa hanonga olaadeu ne bei ai dagodo o denga lau manu mmasa i ma te madangi, ma gili o denga grain e ilihia saele laa i de madangi?

Isaiah 29:5

Aagai oo hagadaumee soa e bei naa mama o de gelegele, gai de gau daa dangada e loomai nei bei gili grain e ilihia laa ga gaavee gee. Gai e daa hagalele naa donu huu,

Hosea 13:3

Deelaa ai, gilaadeu e bei naa de mama o de maluulu i taiao, be go ssuungia o taiao e moolau laa teai, ma gili o denga grain i de mommee hili huamanu e ilihia laa ga dee maaleva, ma de useahi e hanage laa i tua de hale.

Daniel 2:35

Denga iron ma gelegele pigi, ma bronze, ma selevaa, aama goolo laa ne maoha i de masavaa daudahi, gai mee laa gu bei gili grain, i de mommee hili huamanu i de masavaa mahanahana, gai de madangi ne ili mee laa gu dee maaleva. Gai de hadu ne doo iho laa ga tugi de mee e bei laa hoolinga o tangada, ne somo ga se mounga laumalie, ga hhao ai henua i lalo alodahi.

Isaiah 27:1

De laangi laa gai Tagi Maolunga e hagaduasala naa i dana gadilaasa hagamaatagu ma de laumalie aama de mmahi, de Leviathan, go de labodo e tolo laa, de Leviathan, go de labodo e haganigo laa; ia e daa naa ga magau de manu laumalie o de moana.

Isaiah 14:25

Au e hagadee kii naa de gau Assyria i dogu henua; gai au e dagadagahi naa Assyria i honga ogu mounga. Gai dana laagau hagahai hegau e aau gee naa i honga ogu dangada, dana mee hagauda daemaha e aau gee naa i honga olaadeu eu.”

Psalm 35:5

Gai gilaadeu gi bei denga gili grain e ilihia saele laa i de madangi, gai tangada de langi o Tagi Maolunga gi dolohia gilaadeu gi hulo.

De Beebaa go Job 38:11

gai au ne hagadaba, ‘Koe e dae mai donu huu gi kinei e dee hano gi ui; go kinei o denga beau mmahi e tuu mai ai’?

Psalm 65:7

koe ne hai gi malino honga tai beabeau, ma de hai gi dee hagalongaa denga beau, gai ne hai gi dee hellumi denga huaadangada.

Isaiah 8:7

deenei ai, tilo, de Ia Aamua gu dai hai naa gi humai gi hai baasi ange gi gilaadeu, de mee mmilo mmahi o ssaalingaa vai go Euphrates — go de hodooligi o Assyria ma dono mahamaha alodahi. Gai ssaalingaa vai laa e hagahoohonu age naa ono ava alodahi aama luu baasi alodahi,

Isaiah 21:15

Gilaadeu e saavini ga hulo gee i de gadilaasa, ma mai i de gadilaasa gu dada mai laa e daa ai gilaadeu gi maakau, ma mai i de mee hholu e tili ai laa tao, aama mai i de hebagi hagamaatagu.

Isaiah 22:18

Ia e kumi naa goe ga hagamoe be se buu ga maga gi dahi henua laumalie. Gai koe e magau naa i kilaa, gai oo hada hebagi mahamaha e kave naa hogi gi kilaa — koe gu hagadogaa de hale o doo dangada aamua.

Isaiah 34:17

Ia e vaevae ange naa olaadeu mommee i de dada, ia ne haide olaadeu mommee ga vaevae ange gi gilaadeu. Gai gilaadeu ga henua ai ga hano ai; olaadeu atangada alodahi e nnoho naa i kilaa.

Isaiah 40:15

Tilo, denga huaahenua e bei dagodo o dahi madaua i lo te bagede, gilaadeu e bei denga mama i honga mee hagahidi; ia e hagahidi denga modu bei dagodo o de mama.

Isaiah 40:24

De masavaa donu huu olaadeu ne doo ai, de masavaa donu huu i dua delaadeu doo, de masavaa donu huu o olaadeu aga ne ssomo ai i lo te gelegele, gai ia ga busi gilaadeu, gai gilaadeu gu mmae, gai de madangi ga ili gilaadeu ga kave bei lau o denga grain.

Isaiah 41:11

Tilo, dangada alodahi e llili i de goe e dookaa naa ma de hagangadi mee ina; gilaadeu e hai baasi adu gi de goe e hai naa ga deai aama de maakau.

Zephaniah 2:2

i mua de dae mai o de masavaa gu hagasauaa laa, i mua de laangi o denga gili grain e ilihia laa ga gaavee, i mua de dae mai gi goodou de lili laumalie o Tagi Maolunga, i mua de dae mai gi goodou de laangi o de bole o Tagi Maolunga.

Psalm 65:8

Dangada i luu bido o henua i lalo e maatagu i au hagailonga; koe e hai gi humai de malangilangi i baasi dua ga hano ai gi de baasi dai.

Isaiah 30:28

Gai de madangi o dana manava e bei de mee mmilo, e hanage laa ga dae age gi de ua. Ia e luuluu naa denga huaahenua i lo te mee nonu e oohaa mee, ia e velo ange naa gi lodo ngudu o denga huaadangada de baalanga, ga dagi ai gilaadeu i de haiava dee heohi.