Isaiah 17:12 - De Beebaa Dabu

¹² Hagalaangona adu de hagalongaa o denga huaahenua soa; olaadeu leo e bei de saamumu o denga beau! Hagalaangona adu de hellumi o denga huaadangada; gilaadeu e haganngolo bei tai laumalie!

Isaiah 17:12 Referans Kwoze

Luke 21:25

“Gai e hai naa denga hagailonga i lo te laa ma lo te maasina aama denga heduu. Gai e hai ngadaa naa ma teai se tali a denga huaahenua i henua i lalo, i de masavaa e haganngolo ai de moana ma de beabeau o de moana.

Jeremiah 6:23

Gilaadeu gu dau alaadeu mee hholu ma olaadeu dao; gilaadeu e vaivai hai dangada ma tee llodo aaloha. Delaadeu loomai i honga hoosa e bei de hadihadi mai o denga beabeau; gilaadeu e hagatau hugadoo i olaadeu hagabuulinga hebagi, e hebagi adu gi de goe, tamaa hine o Zion.”

Psalm 18:4

Denga daula o de magau gu vini au; de mee mmilo e oohaa laa mee gu haoli au.

Revelation 17:15

Gai ia ne hai mai gi de au, “Au vai e gidee naa i de mommee o de hine hai be se manu e noho ai laa, ni huaadangada soa ma huaahenua aama dangada e pasa i denga hagadaagangaa muna.

Revelation 17:1

Gai dahi i magavaa o denga dangada de langi dogohidu ne gaavee laa denga boolo e hidu laa ne humai ga hai mai gi de au, “Humai, gai au ga hagaago adu gi de goe de hai e hagaduasala ai de hine hai be se manu, e noho laa i honga vai lagolago.

Ezekiel 43:2

gai au gu gidee de mahamaha o de Maadua o Israel e humai i dua. Gai dono leo e bei de hagangolo o denga vai, gai dono mahamaha gu hagamaalama honga de henua.

Isaiah 28:17

Au e hai naa de hagamodu muna heohi go de uga haide mee, gai de heohi go de mee e hagassoe ai muna; denga dibadibaa haisi e oha naa doodou buibui, e hai laa go muna hhadu, gai denga vai e haoli naa doodou mommee mmuni.

Isaiah 9:5

Denga mee vae o taane hebagi dau, ma olaadeu malo laa daha alodahi gu baalau laa i dodo e dudu naa i de ahi.

Psalm 29:3

De leo o Tagi Maolunga i honga denga vai; de leo o de Maadua o de mahamaha e bei denga hatuli, Tagi Maolunga i honga vai lagolago.

Numbers 10:35

Gai masavaa naa huu o de ngavesi laa e hagangalue ai e hano, gai Moses ga hai ange, “Tagi Maolunga, hidi age haia gi mavaevae saele oo hagadaumee; gai gilaadeu e kino i de goe gi saavini gi hulo gee mai i de goe.”

Psalm 83:2

Galo ange diiloo, oo hagadaumee gu hiihidi age e hebagi; gai gilaadeu e kino i de goe gu daangage age olaadeu biho.

Isaiah 8:9

Goodou denga huaadangada, goodou hagabuni, goodou gi maoha! Goodou denga henua mmao alodahi, nnoho mai hagalaangona! Hagadabena ange gi de hebagi, gai goodou gi maoha! Hagadabena ange gi de hebagi, gai goodou gi maoha!

Isaiah 13:4

Hagalaangona adu, de hagalongaa mai honga denga mounga, bei de hevaalogi o dangada soa mmao! Hagalaangona adu, de hellumi o denga nohoanga hodooligi, bei de hagabuni o denga huaahenua! Tagi o denga hagabuulinga hebagi gu hagabuni dono hagabuulinga e hebagi.

Isaiah 54:17

aagai e deai naa donu se goloa hebagi e hai baasi adu gi goodou e kii, gai goodou e kii naa i gilaadeu e hagabaubau ina goodou. Deenei de boolonga o de gau hai hegau o Tagi Maolunga, gai deenei dagu hai e hagaheohi ai gilaadeu,” go Tagi Maolunga e hagadaba.

Micah 4:11

Aagai iainei denga huaahenua soa gu hagabuni e hebagi adu gi de goe. Gilaadeu e hagataba, “Gidaadeu ga hai gi dee gilimalali de aduhale, gidaadeu ga tuhi gidaadeu i de maoha o Zion!”

Daniel 7:2

Daniel ne hai ange, “Au ne hai dahi midi i de boo; gai au ne gidee denga madangi e haa i dege o de langi e hagabeabeau tai laumalie.