Isaiah 16:12 - De Beebaa Dabu

¹² Gai de masavaa o Moab e hano ai gi dono mommee daumaha, gai ia e hagadalea donu huu ia; de masavaa oona e hano ai e dalodalo i dono hale dabu, gai tee maua donu ono mee ne dalodalo ai.

Isaiah 16:12 Referans Kwoze

Isaiah 15:2

Dangada o Dibon gu loage gi dono hale daumaha, ma ono mommee daumaha e tangi ai; de gau Moab gu tangi i hiidinga Nebo ma Medeba. Dangada alodahi gu dahi olaadeu biho, gai gu duuduu olaadeu gumigumi.

Jeremiah 48:35

Au e hai naa gi deai dangada i Moab e haia sigidaumaha i denga mommee daumaha ma de dudu mee maanongi ange gi olaadeu diinonga, go Tagi Maolunga e hagadaba.

1 Kings 18:29

Gai gilaadeu ne hevaalogi ma de hai mee nei, ga dae ai gi de masavaa o ssigidaumaha i de ahiahi, gai teai donu se leo be se dangada ne basa ange aabe ne anga ange gi alaadeu dalodalo.

Numbers 23:28

Gai Balak ga kave Balaam gi ulu de mounga go Peor, se mommee e gidee de mommee e deai manu e ssomo ai.

Numbers 23:14

Gai Balak ga kave Balaam gi de mommee soe go Zophim, i ulu de mounga o Pisgah, ga hagatuu e hidu mommee o ssigidaumaha i kilaa, ma de daa e dagidahi kaau ma e dagidahi ssiibi e hai ai ssigidaumaha i honga denga mommee o ssigidaumaha e hidu laa.

Numbers 22:39

Gai Balaam ga kave Balak madali ia, gai gilaau ne hulo gi Kiriath Huzoth.

Jeremiah 48:46

E vakaa naa goe e Moab! Dangada o Chemosh gu maakau; au dama daane gu gaavee gi dahi henua gee, gai au damaa hine gu gaavee gee hogi.

Jeremiah 48:13

Gai Moab e dogaa naa i tiinonga go Chemosh, bei de hai o de gau Israel ne dookaa ai laa, i delaadeu tali hagalodolodo ange gi tiinonga go Bethel.

Jeremiah 48:7

Goodou e hagadonu oodou mahi ma oodou goloa lagolago, deenei ai, goodou e hagadee kii naa hogi; gai tiinonga go Chemosh e gaavee naa gi dahi henua gee, madali ono dangada haimeedabu aama dagi o de henua.

Jeremiah 10:5

Olaadeu diinonga e bei de mee e dugi ai laa denga manu i lo te veelenga kiulii; olaadeu diinonga e dee maua i de pasa; gai dangada e saabai saele gilaadeu, i hiidinga gilaadeu e dee maua i de seesee. Goodou aude maatagu i denga diinonga nei; gilaadeu e dee maua donu i de hai adu dahi baubau aabe se danuaa daudahi gi goodou.”

Isaiah 47:13

Koe gu goso i de hagallongo muna bale lagolago; gilaadeu gi hiihidi age mage hagaola ina goe; gilaadeu e diiloo mee i lo te langi gi loomai, ma gilaadeu e diiloo denga heduu ma gilaadeu e daalaa adu gi goodou mee e loomai i de duu de maasina i dai.

Isaiah 37:38

Dahi laangi, i de masavaa oona e daumaha ai i de hale o dono diinonga go Nisrok, gai luaana dama daane go Adrammelek ma Sharezer, ga daa ia gu magau i de gadilaasa; gai gilaau ga saavini ga hulo gi de henua go Ararat. Gai dana dama daane go Esarhaddon ga sui ia ga hodooligi ai.

Isaiah 26:16

Tagi Maolunga, gilaadeu ne ssala goe i delaadeu duasala; dau masavaa ne haele ai gilaadeu, gai gilaadeu ne dalodalo adu gi de goe.

Proverbs 1:28

Gai gilaadeu e hagahi mai naa au, aagai au e dee basa ange naa donu; gilaadeu e hagammahi naa e ssala gi gidee au, aagai gilaadeu e dee gidee naa donu au.

2 Kings 19:12

Gai ne hanu laa diinonga o denga huaahenua a omaadeu dubuna madagidagi ne oha ne maua i de hagaola gilaadeu — go denga diinonga o Gozan, ma Haran, ma Rezeph, aama dangada o Eden nogo nnoho laa i Tel Assar?

2 Kings 3:27

Gai ia ga poo dana dama daane madua gu baba ange laa e suuia ia e hodooligi ai, ga hai ai ssigidaumaha dudu i honga de buibui o de aduhale. Gai gu kona de maatagu o de gau Israel i de hebagi; gai gilaadeu ga aahe gi delaadeu henua.

1 Kings 11:7

Gai Solomon ne hagaduu dahi mommee daumaha ange gi Chemosh, tiinonga hakino gee o de gau Moab, gai dahi mommee ange gi Molek, go tiinonga hakino gee o de gau Ammon, i honga dahi duuduu baasi dua o Jerusalem.

Numbers 24:17

Au e gidee ia, gai e dee go iainei; au e daumada ia, aagai ia tigi baa mai. Dahi heduu e sobo age naa i daho Jacob, dahi laagau hodooligi e sula age naa i Israel; ga dagahi gi bala de biho o Moab, ma de ngadi biho o hagadiilinga o Sheth.

Numbers 22:41

Taiao age, gai Balak ne kave Balaam ga loage ai gilaau gi Bamoth Baal; gai ia gu gidee adu hanu dangada Israel i kilaa.

Numbers 21:28

De ahi ne humai i Heshbon, de ahi ula ne humai i de aduhale go Sihon, ga dudu gu odi Ar o Moab, ma de gau aamua i mommee daumaha o Arnon.

Isaiah 16:13

Aanei muna a Tagi Maolunga gu tala ai dagodo o Moab i mua.