Isaiah 14:7 - De Beebaa Dabu

⁷ Henua i lalo alodahi gu mmabu ma de nnoho paba, gilaadeu gu oo ma gu daahili.

Isaiah 14:7 Referans Kwoze

Isaiah 49:13

De langi, malangilangi! Henua i lalo, lodo danuaa! Denga mounga, hevaalogi ma gi malangilangi! Go hiidinga Tagi Maolunga gu hagaaneane ono dangada, ma de lodo aloha ange gi ono dangada gu vaivai haia laa.

Revelation 18:20

De langi, ma goodou dangada o de Maadua, ma de gau tala, aama denga pelaabisi, goodou malangilangi i dagodo o de aduhale laa! Go hiidinga de Maadua gu hagaduasala de aduhale laa i dana hagaduasala goodou!

Jeremiah 51:48

De langi ma henua i lalo, ma mee alodahi iai, e daahili naa ga malangilangi i de hai ange mee nei gi Babylon, go hiidinga de gau e oohaa mee e loomai naa i ngaiho ga hebagi ange gi de henua, go Tagi Maolunga e hagadaba.

Proverbs 11:10

De masavaa naa huu o dangada heohi e hagadagadaga age ai, gai dangada i de aduhale gu malangilangi, gai de masavaa naa huu o dangada baubau e maakau ai, gai dangada gu kona de malangilangi.

Psalm 98:1

Daahili ange gi Tagi Maolunga i taahili hoou, i hiidinga o ana hegau hagalele mouli gu hai; dono lima madau ma dono lima dabu gu hai ma gu kii ia.

Psalm 47:1

Dangada alodahi, baabaa oodou lima! Hevaalogi daahili ange gi de Maadua i de malangilangi!

Zechariah 1:11

Gai gilaadeu ne hai ange gi tangada de langi o Tagi Maolunga e duu laa i magavaa o denga myrtle, “Gimaadeu gu hulo ma gu hagaloosi henua i lalo, gai henua i lalo alodahi e nnoho paba ma de malino.”

Isaiah 21:2

Dahi midi hagaduasala ne hagaago mai gi de au: tangada adi longo e hagabaubau dangada, tangada e gaavee goloa e kave goloa e maua i de hebagi. Elam, hanage oohaa! Media, duuli ina luu baasi! Au e hai naa gi tuu hagaduasala alodahi.

Ezekiel 35:14

E hagadaba de Ia Aamua go Iahweh: Henua i lalo alodahi e malangilangi naa, gai au e hai naa goe gi se mommee e ngadi dagodo.