Isaiah 14:29 - De Beebaa Dabu

²⁹ De gau Philistia alodahi, goodou aude malangilangi, i de hadi de laagau ne hagaili ai laa goodou; go hiidinga de labodo e hagadili naa dahi labodo hagammau, gai dana dama e lele gai e hagammau.

Isaiah 14:29 Referans Kwoze

Isaiah 30:6

Muna hagadaemaha i dagodo o denga manu dolodolo i Negev: De gau sui e loomai naa gi de henua hai ngadaa ma de hagaduasala, go de mommee iai de laiono gauligi ma de laiono mmahi, de labodo hagammau ma de labodo lele. Gilaadeu e hagauda mai naa olaadeu lava i honga denga donkey, gai olaadeu goloa hagamogomogo i honga denga gamelo, gi de henua e deai ono haigamaiana ange gi gilaadeu,

Isaiah 11:8

De gaagaa goi unuunu laa e hagadaahao naa i ma te haonga o de labodo hagammau, gai tamaa gauligi gu dee unuunu laa e velo ange naa dono lima gi lo te haonga o de labodo gadigadi.

2 Chronicles 26:6

Gai ia ne hano ga hebagi ange gi de gau Philistia, ga oha de buibui i luu baasi o Gath, ma de buibui o Jabneh, aama de buibui o Ashdod. Gai ia ne hagatuu age hogi hanu aduhale i gaogao o Ashdod aama mommee o de gau Philistia ange laa.

Zephaniah 3:11

De laangi laa, gai koe e dee dogaa naa, i hiidinga o au hegau, go mee oou ne haisala mai ai gi de au, go hiidinga au e kave gee mai naa i oo daha de gau pasa hagamaolunga. Gai koe e dee aahe ange e hagamaolunga i honga dogu mounga dabu.

Micah 7:8

Dogu hagadaumee, koe gi dee malangilangi i ogu dagodo! Ga baguu naa donu au, aagai au e ahe ange naa donu ga hidi age. Gai ga noho naa donu au i lo te gohu, aagai go Tagi Maolunga dogu hagamaalama.

Obadiah 1:12

Gai e dee heohi dau hagangadi mee doo daina i de masavaa oona ne duasala ai, aabe go doo malangilangi i dangada o Judah i de masavaa olaadeu ne oohaa ina ai, aama doo basa hagamaolunga i de laangi olaadeu ne hai ngadaa ai.

Hosea 9:1

Israel, koe gi dee malangilangi; koe gi dee lodo danuaa bei denga huaadangada ange laa. Go hiidinga koe tee hai hegau ange gi doo Maadua i de mee abodonu; koe e llodo mmao i hagaoanga a de hine hai be se manu i denga mommee hili huamanu alodahi.

Ezekiel 35:15

Go hiidinga koe ne malangilangi i de masavaa ne ngadi dagodo ai de henua o Israel, au e hai naa hogi goe gi bei ono dagodo. De mounga o Seir, go koe ma de henua alodahi o Edom e hai naa gi se mommee e ngadi dagodo. Gai gi iloo ai e gilaadeu bolo go au donu go Iahweh.”

Ezekiel 26:2

“Tama a tangada, go hiidinga Tyre gu hakadanga i Jerusalem ma de hagadaba, ‘De haitoga o denga huaahenua gu maoha, gai ono abaaba gu maahuge mai gi de au; iainei gai gu maoha ma gu ngadi dagodo, gai au e hagadagadaga age naa,’

Proverbs 24:17

Aude malangilangi i de masavaa o doo hagadaumee e baguu ai, gai koe gi dee lodo danuaa i masavaa oona e dai baguu ai;

2 Chronicles 28:18

Gai de gau Philistia ne loomai hogi ga hebagi ange gi denga aduhale i de mommee iai duuduu paa i lalo, aama Negev o Judah. Gilaadeu ne loomai hogi ga hagadee kii Beth Shemesh, ma Aijalon, ma Gederoth, ma Soco ma ono aduhale vaaligiligi, ma Timnah ma ono aduhale vaaligiligi, aama Gimzo ma ono aduhale vaaligiligi, gai gilaadeu ga kave mommee laa ga nnoho ai.

2 Kings 18:8

Ia ne daa hogi ga maakau de gau Philistia ga dae ai gi Gaza ma ono mommee, ma mai i de mommee iai hale dagitilo makaga aama de aduhale buibui.

Joshua 13:3

mai i ssaalingaa vai go Shihor i baasi i dua o Egypt, ga hano ai gi de mommee o Ekron i baasi ngaiho, de mommee nei alodahi niio de gau Canaan (go de mommee a denga dagi e dogolima o de gau Philistia e dagi ai i Gaza, ma Ashdod, ma Ashkelon, ma Gad, aama Ekron), go de mommee o de gau Av,

Numbers 21:8

Gai Tagi Maolunga ga hai ange gi Moses, “Haia dahi labodo i bronze hagalau ina ange gi ulu dahi laagau; gai de masavaa naa huu o dahi dangada e gaadia ai, gai ia ga galo ange ga tilo de labodo bronze laa, gai ia e dee magau.”

Isaiah 2:6

Koe gu tili doo huaadangada, go dangada o Jacob. Go hiidinga gu soa dangada e daalaa mee e dee iloo mai i denga henua i dua; gilaadeu e tala mee e dee iloo bei hegau a de gau Philistia, ma de hagaheloongoi ange gi de gau henua gee.

Isaiah 11:14

Gai gilaadeu e loiho naa i denga madadaagodo o Philistia i de baasi gi dai. Gilaadeu e hagabuni naa hogi ga kave mee o dangada e nnoho i baasi i dua. Gilaadeu e kave naa Edom ma Moab ga henua ai, gai de gau Ammon e nnoho naa i olaadeu lalo.

Isaiah 14:31

De haitoga, koe gi dangi see; de aduhale oo ma gi dangi! De gau Philistia alodahi, goodou gi bolebole ma de maatagu! Go hiidinga dahi hagabuulinga hebagi bei de useahi laumalie gu humai i ngaiho, gai e deai donu se daane iai e doo gi muli.

Jeremiah 47:1

Gai aanei muna a Tagi Maolunga ne hagaago ange gi de pelaabisi go Jeremiah, i dagodo o de gau Philistia, i mua de hebagi ange o de gau Pharaoh gi Gaza.

Lamentations 2:17

Tagi Maolunga gu hai gi bei dana hagatau, gai gu hagassula ana muna, go ana muna gu hagasauaa madagidagi loo. Ia gu oha de aduhale, ia tee lodo aloha ange donu aagena; ia gu hai de hagadaumee gi malangilangi i mee gu hai adu gi de goe, ma de hai oo hagadaumee gi mmahi ange i de goe.

Ezekiel 25:15

“E hagadaba de Ia Aamua go Iahweh: Go hiidinga de gau Philistia ne duudagi donu huu de sui ange hegau a olaadeu hagadaumee, ma de maanadu de daa dangada i delaadeu kino ma de llili,

Joel 3:4

Tyre ma Sidon, aama Philistia alodahi, ni aha oodou gu hai mai nei gi de au? Goodou gu llodo nei e sui mai agu mee gu hai adu gi goodou? Noo goodou e llodo e sui mai gi de au, gai e moolau naa donu dagu sui adu oodou hegau gu hai.

Amos 1:6

E hagadaba Tagi Maolunga: “Tolu hanonga o Gaza e haisala ai, ga dae ai loo gi de haa hanonga, gai au e dee tuu naa donu dono hagaduasala. Go hiidinga gilaadeu ne noonoa dahi huaadangada ga gaavange gi de gau Edom.

Amos 1:8

Au e daa naa gi maakau dangada e nnoho i Ashdod, ma de ia e hodooligi i Ashkelon. Au e hai baasi ange donu gi Ekron, ga dae ai gi de odi de gau Philistia i de maakau,” go de Ia Aamua go Iahweh e hagadaba.

Zephaniah 2:4

Gaza e deai naa dangada e nnoho ai gai Ashkelon e maoha naa ga ngadi dagodo. Dangada o Ashdod e gaavee gee naa i de madohi lua o de laangi gai Ekron e oohaa naa.

Zephaniah 2:5

E vakaa naa goodou e nnoho i tagudai, de huaahenua o de gau Kereth; muna a Tagi Maolunga e hai baasi adu gi goodou, Canaan, de henua o de gau Philistia: “Au e oha naa goe, ga dae ai gi teai dangada e doe.”

Zechariah 9:5

Ashkelon e madagu naa i dana gidee mee nei; Gaza e mmae naa hogi ma de duasala; gai e bei ai hogi Ekron, go hiidinga gu deai sana tali. Gaza e deai naa sono hodooligi; gai Ashkelon e deai naa dangada e nnoho ai.