Isaiah 14:22 - De Beebaa Dabu

²² “Au e hidi age naa e hai baasi ange gi gilaadeu, go Tagi o denga hagabuulinga hebagi e hagadaba. Au e hai naa gi ngalo de ingoo o Babylon, ma ono dangada e ola, go denga hagadiilinga ma denga aamuli, go Tagi Maolunga e hagadaba.

Isaiah 14:22 Referans Kwoze

Proverbs 10:7

De hagamaanadu o tangada heohi se manuuia, aagai ingoo o de gau baubau e pobo naa ga llilo.

1 Kings 14:10

Go hiidinga o de mee nei, au e hai naa gi humai dahi hai ngadaa gi de huaabodu o Jeroboam. Au e daa naa gi maakau denga daane alodahi i Israel, e dee hilihili be se dangada hai hegau aabe se dangada ilaage. Au e dudu naa de hale o Jeroboam bei de hai a tangada e dudu ai laa denga duudae, ga dae ai gi teai donu.

Isaiah 43:14

E hagadaba Tagi Maolunga, doodou Ia Hagaola, go de Ia Dabu o Israel: “Au e aalu naa gi Babylon ga oha mee hagamakaga o denga haitoga ma de hagauda mai de gau Babylon alodahi gu hagadee kii laa, i denga vaga olaadeu e hagassoenga ai laa.

Isaiah 21:9

Tilo, hanu dangada e kage i honga hoosa gu loomai, gai denga hoosa e hagatau dagilua.” Gai tangada dagitilo ne basa ange, “Babylon gu maoha, Babylon gu maoha! Denga diinonga alodahi o olaadeu maadua gu maoha ma gu daakodo i honga de gelegele.”

Isaiah 13:5

Gilaadeu e loomai i denga henua mmao, ma mai i mommee alodahi i lalo de langi — go Tagi Maolunga ma denga goloa hebagi o dono lili, gai gilaadeu ga oha ai de henua alodahi.

Jeremiah 50:3

Go hiidinga dahi huaahenua gu humai i ngaiho e hebagi ange gi de ia, ma de hai dono henua gi ngadi dagodo, gu deai dangada e nnoho ai; dangada ma manu alodahi e saavini naa ga hulo gee mai i kilaa.

Nahum 1:14

Nineveh, Tagi Maolunga gu tala oo dagodo: “E deai naa donu soo hagadiilinga e duudagi ina doo ingoo. Au e oha naa donu denga diinonga laagau ma diinonga baalanga i de hale iai oo diinonga. Au e hagadabena naa doo daanunga, i hiidinga koe e hakino gee.”

Psalm 12:6

Muna a Tagi Maolunga e dee haisala donu, e bei dagodo o selevaa gu hagagilimalali laa i de ahi i e hidu hanonga.