Isaiah 14:17 - De Beebaa Dabu

¹⁷ Gai e dee deenei taane ne haia laa henua i lalo ga se vao, ma de oha denga aduhale nnui, gai tee dugu de gau dee kii gi aahe gi olaadeu henua?’

Isaiah 14:17 Referans Kwoze

Joel 2:3

De ahi e dudu naa mee i ono mada i mua, gai de ula o de ahi e hanadu naa i olaadeu dua. De henua gu bei de veelenga o Eden i olaadeu mada i mua, gai olaadeu dua gu lodo henua e ngadi dagodo, gai e deai donu mee e maua gi ola mai i gilaadeu.

Ezekiel 6:14

Gai au e hagaabo naa dogu lima ga hai baasi ange ai gi gilaadeu, ma de oha de henua ga hai gi ngadi dagodo, i olaadeu mommee nnoho alodahi, mai i de vao ga dae ai gi Riblah. Gai gi iloo ai e goodou bolo go au donu go Iahweh.’ ”

Isaiah 64:10

Oo aduhale dabu gu hai ma gu se vao, Zion gu bei hogi dagodo o dahi lodo henua, gai Jerusalem gu ngadi dagodo.

Isaiah 58:6

E aha, e dee deenei de hagahiikai aagu ne hili: go de hagadangadanga daula o hegau baubau, ma de tala daula o de laagau hagahai hegau, ma de hai gi ilaage gilaadeu e vaivai haia, aama de hadihadi laagau hagahai hegau alodahi?

Isaiah 45:13

Go au ne hagasula ina Cyrus i dogu heohi gai au e hai naa gi ssoe ono haiava alodahi. Gai ia e hagaduu age ange naa dogu aduhale, ma de hagaola ogu dangada gu gaavee laa, aagai e dee hagao aabe e sui ange,” go Tagi o denga hagabuulinga hebagi e hagadaba.

Isaiah 14:16

Dangada e gidee goe e haaina naa goe, ma de maanadu mee gu hai adu gi de goe: ‘E dee deenei taane ne hagangalungalue ina laa henua i lalo, ma de hai gi maatagu denga nohoanga hodooligi?

Isaiah 14:18

Hodooligi alodahi o denga huaahenua e daakodo i lodo olaadeu daanunga i de mahamaha.

Jeremiah 50:33

Gai e hagadaba Tagi o denga hagabuulinga hebagi: “Dangada o Israel gu vaivai haia, aama dangada hogi o Judah. Dangada ne gaavee gilaadeu e daohi donu huu gilaadeu, e dee llodo e dugu gilaadeu gi hulo.

Ezekiel 32:23

Olaadeu daanunga e daakodo i tagelo o de geelonga laa, gai dono hagabuulinga hebagi e danu i luu baasi dono daanunga. Dangada alodahi ne haia ga maatagu dangada e mouli, ne daia ga maakau i de gadilaasa.

Habakkuk 1:7

Gilaadeu e hagamaatagu ma de maatagu ai o dangada; gilaadeu e hai donu huu olaadeu mee e llodo ai.