Isaiah 13:9 - De Beebaa Dabu

⁹ Tilo, de laangi o Tagi Maolunga gu dae mai donu, gai se laangi hagaduasala, ma de bole aama de lili laumalie, e oha ai de henua ga hai gu se ngadi mommee, gai e daa naa gi maakau de gau haisala i kilaa.

Isaiah 13:9 Referans Kwoze

Malachi 4:1

“Gai tilo, e dae mai naa de laangi o de ahi ula, bei de ahi i lo te mommee dao mee. Gai de gau hagamaolunga ma dangada alodahi e haia de baubau, e dudu naa i de ahi, bei denga lau manu mmasa, go Tagi o denga hagabuulinga hebagi e hagadaba, gai e deai naa donu se aga aabe se laa daudahi e doe.

Nahum 1:6

Goai e bau ange gi dono bole? Goai e maua gi ola noo e kona dono lili? Dono bole e humai bei de ahi ula, denga hadu e mahangahanga i ono mada i mua.

Isaiah 13:6

Goodou tangi see, go hiidinga de laangi o Tagi Maolunga gu baa mai donu; gai e dae mai naa bei de hai a de Ia Mmahi Mmao laa e oha ai laa!

Nahum 1:2

Tagi Maolunga e lodo gaiaa, gai se Maadua e sui ange de baubau; Tagi Maolunga e sui ange baubau o ono hagadaumee. Tagi Maolunga e sui ange hegau a ono hagadaumee, ma de hagaduasala gilaadeu e kino i de ia i dono bole.

Psalm 104:35

Aagai de gau haisala i henua i lalo gi odi i de maakau, gai de gau baubau gi dee maaleva i kilaa. Dogu hagasaalunga, koe gi hagadegi ina Tagi Maolunga. Duuhia Tagi Maolunga!

Proverbs 2:22

aagai de gau baubau e hai naa gi dee nnoho i de henua, gai dangada e dee hai hegau i de mee abodonu e hai naa gi hulo gee mai i kilaa.

Revelation 18:8

Deelaa ai, denga mee hagamaakau e loomai naa gi de ia i e dahi laangi. Ia e duu ange naa gi de magau, ma de hinangalosaa, aama de onge. Gai ia e dudu naa ga vela i de ahi, go hiidinga Tagi Maolunga de Maadua e hagamodu ina laa ono muna e mmahi mmao.”

Isaiah 9:19

De lili o Tagi o denga hagabuulinga hebagi gu dudu de henua, gai dangada gu bei denga lahhie e haula ai de ahi; gu deai donu se dangada e hagaola ina dono daina.

Ezekiel 13:5

Goodou tee hulo e hagaahe age mommee gu maoha i de buibui, aabe go hagaduu age de buibui o dangada o Israel, gi duu ai gi makaga de masavaa o de hebagi, i de laangi o Tagi Maolunga.

Joel 1:15

E vakaa naa gidaadeu i de laangi laa! Go hiidinga de laangi o Tagi Maolunga gu baa mai donu, gai de Ia Mmahi Mmao e oha naa donu de henua.

Joel 2:31

De laa e hagagohu naa, gai de maasina e bei naa denga dodo, i mua de dae mai de laangi maolunga ma de hagamaatagu o Tagi Maolunga.

Nahum 1:8

aagai ia e hai naa tolona laumalie gi hagalilo ina Nineveh; gai ia e doolohi naa ono hagadaumee gi hulo gi lo te gohu.

Zechariah 14:1

Tilo, de laangi o Tagi Maolunga e dae mai naa, gai oodou goloa e gaavee naa ga duha ange gi dangada i oodou mada i mua.

Isaiah 2:12

Tagi o denga hagabuulinga hebagi gu hagadabena dahi laangi ange gi gilaadeu alodahi e llodo maolunga ma de hagamaolunga, ma gilaadeu e hagaamua ina gilaadeu, (gai gilaadeu alodahi e hai naa ga maolalo),

Isaiah 34:8

Go hiidinga Tagi Maolunga e dahi ana laangi e sui ange ai alaadeu hegau, gai se ngadau e sui ange ai alaadeu hegau i hiidinga o Zion.

Isaiah 63:4

Gai au ne maanadu bolo gu dae mai de laangi e sui ange ai de baubau, gai de ngadau aagu e hagaola ai gu dae mai.

Isaiah 66:17

“Gilaadeu gu vvae gee laa ma gu hagagilimalali gilaadeu e hulo gi lodo veelenga, ma e daudali ange ai i dahi diinonga i lo te ungaalodo, ma e gai kano o denga biigi ma gimoo, aama mee hakino gee ange laa — gilaadeu e maakau naa donu alodahi, go Tagi Maolunga e hagadaba.

Ezekiel 30:3

De laangi laa gu baa mai donu, de laangi o Tagi Maolunga gu baa mai donu; se laangi e hagausinga ina, gai se laangi hagamaatagu ange gi denga huaahenua.

Joel 2:1

Ilihia de hanga manu i Zion, gai ilihia i honga dogu mounga dabu. Gai dangada alodahi i honga de henua gi maatagu, i hiidinga de laangi o Tagi Maolunga e dae mai naa. Gai gu baa mai donu —

Zephaniah 1:15

De laangi laa se laangi niio de bole — se laangi hagamaatagu ma de hagamanavasaa, se laangi hai ngadaa gai e oha ai mee alodahi, se laangi gohu ma tee maalama, se laangi hagausinga ina ma de gohu boo dangodango,