Isaiah 13:20 - De Beebaa Dabu

²⁰ Gai e deai naa donu dangada e nnoho ai i denga atangada e loomai; e deai hogi se dangada Arab e hagaduulia dono hale malo i kilaa, aabe ni dangada hagaloosi ssiibi e haia alaadeu hagabuulingaa ssiibi gi hagammabu i kilaa.

Isaiah 13:20 Referans Kwoze

Jeremiah 51:43

Ono aduhale e hai naa ga ni mommee e ngadi daakodo, gai gu se henua e deai vai iai, gu se lodo henua, gai gu se henua e deai dangada e nnoho ai, gu deai hogi dangada e hulo saele laa kilaa.

Isaiah 14:23

Au e hai naa hogi Babylon gi se mommee e nnoho ai denga owl gai gi se mommee iai bela ma vai; au e tahi naa Babylon i tuaanui,” go Tagi o denga hagabuulinga hebagi e hagadaba.

Jeremiah 51:29

De henua gu bolebole ma de mmae, go hiidinga de hagatau a Tagi Maolunga e hai baasi ange ai gi Babylon, e hagasula donu; gai ia ga hai ai gi ngadi dagodo de henua go Babylon, gi deai ai dangada e nnoho i kilaa.

Jeremiah 51:25

Tilo, au e hai baasi adu gi de goe, de mounga e oohaa mee, go Tagi Maolunga e hagadaba, go de mounga e oohaa henua i lalo alodahi. Au e hagaabo naa dogu lima e hai baasi adu ai gi de goe, ma de poo goe ga maga iho i de mommee maolunga, ga hai goe gi se mounga gu lava i de dudu.

Jeremiah 50:45

Deenei ai, goodou hagalaangona de hagatau a Tagi Maolunga e hai baasi ange ai gi Babylon, ma ana mee gu hagadabena e hebagi ange ai gi de henua o de gau Babylon: dama a dana hagabuulingaa ssiibi e gaavee gee naa; ia e oha naa olaadeu mommee iai helii i olaadeu hiidinga.

Jeremiah 50:39

Gai denga manu lodo henua ma denga hyena e nnoho naa i kilaa, denga owl e noho naa hogi i kilaa. Gai e deai ange naa donu dangada e nnoho ai, aabe noholia i denga atangada i muli mai.

Jeremiah 50:21

Goodou loage hebagi ange gi de henua go Merathaim, ma dangada e nnoho i Pekod. Dolohia, ga daa gilaadeu alodahi gi odi i de maakau, go Tagi Maolunga e hagadaba, Haia donu gi bei mee alodahi aagu gu tala adu gi de goe.

Jeremiah 50:13

Go hiidinga de bole o Tagi Maolunga, de henua e deai naa dangada e nnoho ai, aagai e hai naa ga se mommee e ngadi dagodo. Gai dangada alodahi e seesee i gaogao o Babylon e llele naa olaadeu mouli, ma de hagavogivogi i dono maoha.

Jeremiah 50:3

Go hiidinga dahi huaahenua gu humai i ngaiho e hebagi ange gi de ia, ma de hai dono henua gi ngadi dagodo, gu deai dangada e nnoho ai; dangada ma manu alodahi e saavini naa ga hulo gee mai i kilaa.

2 Chronicles 17:11

Gai hanu dangada Philistia ne gaamai hanu mee ngadi gaavange gi Jehoshaphat, ma hanu selevaa, gai de gau Arab ne gaamai hogi gi de ia e 7,700 ssiibi daane aama e 7,700 guudi daane.

Jeremiah 51:37

Gai Babylon e bei naa dahi hagabuudungaa mee maoha, gai se mommee e nnoho ai denga jackal, se mommee hagamaatagu, ma de llele ai mouli o dangada, gai se mommee gu deai dangada e noho ai.

Song of Songs 1:7

De ia oogu e aloha ai, daalaa mai be go hee aau e haangai ai au ssiibi, gai go hee o au ssiibi e hagammabu ai i de hualaangi. Gai gu aha gu hai ai gi bei au dagodo o de hine e haoli dono biho i gaogao denga hagabuulingaa ssiibi o oo soa?

Isaiah 21:1

Muna hagadaemaha i dagodo o de Vao i gaogao Tai. Dahi hagadaumee e humai naa i de vao, ma mai i dahi henua hagamaatagu, bei denga sio e ssau mai laa i de Negev.

Jeremiah 49:33

Hazor e hai naa ga se mommee e nnoho ai denga jackal, gai gi se mommee e maoha ga hano ai. Gai e deai naa donu dangada e nnoho i kilaa, e deai naa hogi e noho gaainga i de mommee laa.”

De Beebaa go Job 3:7

Uaa, haia de boo laa gi se ngadi boo, gai gi deai se malangilangi iai.

Isaiah 25:2

Koe gu hai de aduhale ma gu se hagabuudungaa gainga, gai de aduhale buibui gu se mommee maoha, denga hale buibui makaga o de gau henua gee gu deai donu, gai e dee ahe ange naa donu e hagatuu age ange.

Isaiah 34:17

Ia e vaevae ange naa olaadeu mommee i de dada, ia ne haide olaadeu mommee ga vaevae ange gi gilaadeu. Gai gilaadeu ga henua ai ga hano ai; olaadeu atangada alodahi e nnoho naa i kilaa.