Isaiah 13:14 - De Beebaa Dabu

¹⁴ Dangada e bei naa dahi dia e dolohia laa, aabe go denga ssiibi e deai selaadeu ia hagaloosi, gai dahi ma dahi e ahe naa gi daho ono dangada, dahi ma dahi e ahe naa gi dono henua donu.

Isaiah 13:14 Referans Kwoze

1 Kings 22:17

Gai Micaiah ga hai ange, “Au ne gidee de gau Israel alodahi e mavaevae saele i honga denga mounga, bei dagodo o denga ssiibi e deai selaadeu dangada hagaloosi; gai Tagi Maolunga ne hai mai, ‘De gau nei e deai donu selaadeu dagi; haia gilaadeu gi aahe gi olaadeu hale i de baba.’ ”

Jeremiah 50:16

Gaavee gee mai i Babylon tangada e dooa mee, aama tangada e duuduudia manu i de masavaa o de hagihagi; i hiidinga de gadilaasa e daia dangada, dangada alodahi gi aahe gi daho olaadeu dangada donu, gai dangada alodahi gi saavini gi hulo gi olaadeu henua donu.

1 Kings 22:36

Gai de masavaa huu ne danu ai de laa, gai denga daane hebagi ga hagataba, “Dangada alodahi gi aahe gi olaadeu aduhale, dahi ma dahi gi aahe gi dono henua donu!”

Jeremiah 51:9

Gimaadeu ne hagatale de hai gi ieiangi Babylon, aagai ia tee maua gi ieiangi. Gidaadeu ga tili ia, gai dahi ma dahi gi hano gi dono henua; go hiidinga dono hagaduasala gu dae age loo gi lo te langi gai gu maolunga donu bei denga giliiga.

Isaiah 47:15

Gai de gau bee nei, go gilaadeu nogo hai hegau madali goe, ma de hulo saele madali goe mai i doo gauligi, gilaadeu alodahi e duudagi donu de hulo gee i de haiava, gai e deai donu se gilaadeu e maua i de hagaola goe.

Isaiah 17:13

Gai ga hagalongaa naa donu denga huaahenua bei de haganngolo o denga vai lagolago, aagai de Maadua e hagasee gilaadeu, gai gilaadeu e saavini naa ga hulo, bei denga gili grain i honga mounga, e ilihia laa i de madangi, ma de mama o de gelegele a de madangi e ili laa ga kave.

Matthew 9:36

De masavaa a Iesu ne gidee ai dangada soa, gai ia gu lodo aloha i gilaadeu, go hiidinga gilaadeu e dee nnoho paba gai e maoha saele, bei dagodo o denga ssiibi e deai laa selaadeu dangada hagaloosi.

Mark 6:34

De masavaa o Iesu ne dae ai ga gidee dangada soa i kilaa, gai ia gu lodo aloha i gilaadeu, go hiidinga gilaadeu e bei dagodo o denga ssiibi e deai laa selaadeu dangada hagaloosi. Gai ia ga daamada de agoago ange gilaadeu i mee lagolago.

1 Peter 2:25

I mua gai goodou e bei denga ssiibi gu ssenga saele laa, aagai iainei goodou gu aahe mai gi de Ia Hagaloosi ma de ia e hagaloosi ina oodou hagasaalunga.

Isaiah 21:15

Gilaadeu e saavini ga hulo gee i de gadilaasa, ma mai i de gadilaasa gu dada mai laa e daa ai gilaadeu gi maakau, ma mai i de mee hholu e tili ai laa tao, aama mai i de hebagi hagamaatagu.

Jeremiah 25:12

Aagai dua naa huu de madahidu ngadau, gai au e hagaduasala de hodooligi o Babylon ma dono henua, go de henua o de gau Babylon, i hiidinga ono haisala, go Tagi Maolunga e hagadaba, gai e hai naa ga se mommee e ngadi dagodo ga hano ai.

Nahum 3:18

De hodooligi o Assyria, oo dangada hagaloosi gu sseni; oo dangada aamua gu daakodo i lo te gelegele. Oo dangada gu mavaevae saele i honga mounga, gai gu deai se dangada e hagabuni ina mai gilaadeu.