Isaiah 12:2 - De Beebaa Dabu

² Tilo, de Maadua go dogu Ia Hagaola; au e hagadonu ia, deelaa ai, au e dee madagu. De Ia Aamua, Tagi Maolunga, go ogu mahi ma dagu daahili, gai go ia dogu Ia Hagaola.”

Isaiah 12:2 Referans Kwoze

Exodus 15:2

Go Tagi Maolunga ogu mahi ma dagu daahili, gai go ia dogu Ia Hagaola. Go ia dogu Maadua, gai au e tuhi naa donu ia; ia go de Maadua o dogu damana, gai au e daahili e tuhi ia.

Psalm 27:1

Go Tagi Maolunga dogu hagamaalama ma dogu hagaola; gai goai ai naa donu oogu e madagu ai? Go Tagi Maolunga de buibui makaga o dogu mouli; gai goai ai naa donu oogu e madagu ai?

Psalm 118:14

Go Tagi Maolunga ogu mahi ma dagu daahili, gai go ia dogu Ia Hagaola.

Revelation 7:10

Gai gilaadeu e oo ma e hagataba, “De hagaola se mee mai i daho taadeu Maadua e noho laa i honga de nohoanga laa, ma mai i daho Ssiibi Gauligi!”

Jonah 2:9

Aagai au e hagaahe adu donu de abodonu ma de ssigidaumaha adu gi de goe. Au e hai naa donu gi bei agu mee gu hagatoo donu ai. De hagaola se mee mai i daho Tagi Maolunga.”

Isaiah 45:17

Aagai Tagi Maolunga e hagaola naa Israel i de hagaola e deai se hagaodi; gai goodou e dee dookaa naa donu aabe e hagangadi mee ina ga hano ai e dee ngado mai.

Jeremiah 23:6

Judah e noho baba naa i ono laangi, gai Israel e duadonu naa. Gai deenei de ingoo oona e hagaingoo ai: go Iahweh taadeu Ia Heohi.

Jeremiah 3:23

Ni muna abodonu, demaadeu daumaha ange gi denga diinonga i honga duuduu ma honga mounga e hagasenga gimaadeu. Ni muna abodonu, de hagaola o Israel go Tagi Maolunga demaadeu Maadua.

Psalm 83:18

Gai gilaadeu gi iloo koe, go de ia e hagaingoo ange laa go Iahweh, gai go koe donu huu de Ia Maolunga Mmao i henua i lalo alodahi.

1 Timothy 3:16

Gai gu iloo abodonu, bolo de hai daumaha dabu nogo dee iloo laa, e maolunga mmao. Ia ne humai ga hai gi se dangada, gai de Hagasaalunga ⌊Dabu⌋ ne tala hagadonu ono dagodo, de gau de langi ne gidee ia, gai gu tala ono dagodo i magavaa o denga Gentile, ne hagadonusia e dangada i henua i lalo alodahi, gai ia ne gaavage i de mahamaha.

Romans 1:16

Go hiidinga au e dee dogaa donu i de longo danuaa nei, i hiidinga deenei ssauaa o de Maadua e hagamouli ai dangada alodahi e hagadonusia; ange gi de gau Ssuu i mua gai ange hogi gi denga Gentile.

Hosea 1:7

Aagai au e lodo aloha ange naa gi dangada o Judah; au e hagaola naa gilaadeu. Au e dee hagaola gilaadeu i de mee hholu, be go de gadilaasa, be go de hebagi, aabe go denga hoosa ma daane e saavini ai, aagai au e hagaola naa gilaadeu i ssauaa o Tagi Maolunga delaadeu Maadua.”

Isaiah 62:11

Tilo, Tagi Maolunga gu hagailoo ange gi luu bido o henua i lalo; “Goodou hai ange gi tamaa hine o Zion: Tilo, doodou Ia Hagaola gu humai! Tilo, ia e gaamai ana hagaoanga madali ia, ma mee e hagao ange ai alaadeu hegau.”

Isaiah 32:2

Gai dahi ma dahi e bei naa de mommee e buibui ai dangada i de ssau de madangi, gai e bei denga saalingaa vai i de vao, e bei de malu i lalo dahi hadu laumalie i de henua e deai manu e ssomo ai.

Isaiah 7:14

Deenei ai, de Ia Aamua e gaavadu naa gi goodou dahi hagailonga. Tilo, dahi bua moe e hai dama naa ga haanau dahi dama daane, gai ia e hagaingoo ange naa ia go Immanuel.

1 Samuel 2:1

Gai Hannah ne dalodalo ga hagadaba, “Ogu lodo e malangilangi mmao i Tagi Maolunga; au e hagaamua Tagi Maolunga i ogu mahi. Au e gadagada i ogu hagadaumee, i hiidinga au gu malangilangi i dau hagaola.

De Beebaa go Job 13:16

Kana adu de mee nei e hagaola naa au, go hiidinga tangada baubau e dee maua donu i de humai gi mada luoono mada!

Psalm 112:8

Ono lodo e baba, ia e dee madagu donu, ga dae ai gi dana gidee tee kii o ono hagadaumee.

Isaiah 10:24

Deenei ai, e hagadaba de Ia Aamua, Tagi o denga hagabuulinga hebagi: “Ogu dangada e nnoho laa i Zion, goodou aude maatagu i de gau Assyria, e hagailiilihia laa goodou i de laagau, ma de hagaabo de laagau ga daa ai goodou, bei hegau a de gau Egypt.

Isaiah 17:10

Goodou gu ngalo de Maadua doodou Ia Hagaola; goodou tee manadua de Baba ne buibuia goodou. Deelaa ai, e dee galemu donu doodou doo manu danuaa, ma denga grapevine ne sigi mai i denga henua gee;

Isaiah 27:5

Gai noo gilaadeu e llodo e hai au go delaadeu buibui, gai gilaadeu gi hagadanuaa mai gi de au, gilaadeu gi hagadanuaa mai gi de au.”

Isaiah 49:5

Gai iainei, e hagadaba Tagi Maolunga — go de ia ne haia ga dahi au i de mommee o denga dama e hai ai dono dangada hai hegau, e hagaahea mai ai Jacob gi de ia, ma de hagabuni mai de gau Israel gi ono daha, gai Tagi Maolunga gu hagadubu au i ono daha, gai dogu Maadua ogu mahi —

Isaiah 50:10

Goai i oodou magavaa e madagu i Tagi Maolunga, ma de hagallongo ange gi muna a dono dangada hai hegau? Tangada e seesee i lo te gohu e deai laa se maalama iai, gi hagadonusia de ingoo o Tagi Maolunga ma de tali hagalodolodo ange gi dono Maadua.

Isaiah 61:10

Au gu malangilangi mmao i Tagi Maolunga, dogu hagasaalunga e lodo danuaa mmao i dogu Maadua. Go hiidinga ia gu hakahu mai au i de hagaola, ma de saabini au i de heohi bei de malo laa daha, bei de hai a taane e hagahai bodu e gahu hagadanuaa ai laa bei tangada haimeedabu gai bei de hai a de hine e hagahai bodu e dau ai laa denga hadu hagamogomogo.

Isaiah 65:18

Aagai goodou llodo danuaa ma de malangilangi ga hano ai, i mee aagu gu hai; tilo, au e hai naa Jerusalem gi malangilangi, gai ono dangada gi llodo danuaa.

Daniel 3:28

Gai Nebuchadnezzar ga hagadaba, “Duuhia de Maadua o Shadrak, ma Meshak, aama Abednego, go de ia ne haia gi humai dono dangada de langi gi hagaola ina ono dangada hai hegau. Gilaadeu ne hagadonusia ia, ma tee daudali i muna a de hodooligi, gai ne dugu ange olaadeu angaanga e dudu i de ahi; gilaadeu tee hai hegau ange aabe ne daumaha ange gi dahi diinonga daudahi, aagai go delaadeu Maadua donu huu.

Joel 2:23

Dangada o Zion, goodou llodo danuaa, ma de malangilangi i Tagi Maolunga doodou Maadua, go hiidinga ia gu gaavadu gi goodou de langi pala, i malama hagaodi o de ngadau i hiidinga dono heohi. Ia ne hai gi pala iho de langi laumalie, i de hagaodi ma taamada o de ngadau, bei denga masavaa gu hulo.

Habakkuk 3:18

aagai au e malangilangi donu i hiidinga o Tagi Maolunga, au e lodo danuaa naa donu i de Maadua, dogu Ia Hagaola.

2 Samuel 7:24

Koe ne hai Israel go oo dangada donu ga hano ai. Gai koe, Tagi Maolunga, ne hai go delaadeu Maadua.

Psalm 65:6

Koe ne hagatuu denga mounga i oo mahi, ma de hagahai hegau oo mahi;

Psalm 68:20

Taadeu Maadua se Maadua e hagaola ina; de Ia Aamua go Iahweh e hagaola ina gidaadeu mai i de magau.

Psalm 68:21

De Maadua e hagabalaginagina naa biho o ono hagadaumee, go biho o olaadeu e duudagi ina de hai de baubau.

Psalm 118:21

Au e hagadegi goe, i hiidinga koe ne basa mai gi dagu dalodalo; go koe dogu Ia Hagaola.

Isaiah 33:22

Gai Tagi Maolunga go demaadeu ia hagamodu muna, Tagi Maolunga go demaadeu ia hai hainga, Tagi Maolunga go demaadeu hodooligi; gai go ia e hagaola ina gimaadeu.

Isaiah 38:20

Tagi Maolunga e hagaola donu au; gai gimaadeu e daahili naa ma de tale mee hagadangidangi iai daula, i taulooloa omaadeu laangi e mouli ai, i de hale o Tagi Maolunga.”

Isaiah 51:12

“Go au, go au donu de ia e hagaaneane ina goe. Gai go koe goai, gai koe ga madagu ai i tangada e magau laa, gai go dama a dangada, e bei laa dagodo o denga helii?