Isaiah 12:1 - De Beebaa Dabu

¹ De laangi laa gai koe e hagadaba naa: “Tagi Maolunga, au e hagaahe adu de abodonu gi de goe, go hiidinga, e dee galemu koe nogo lili i de au, gai iainei koe gu dee lili, gai gu hagaaneane ogu lodo.

Isaiah 12:1 Referans Kwoze

Psalm 30:5

Go hiidinga dono lili e dee daulooloa donu, gai dono abodonu e dagodo i taulooloa odaadeu mouli. De dangi e humai i de boo, aagai de malangilangi e humai i taiao.

Isaiah 25:1

Tagi Maolunga, go koe dogu Maadua; au e hagaamua goe ma de tuhi doo ingoo; koe gu hai denga mee hagalele mouli, ma mee aau gu hagatau e hai madagidagi loo, i hiidinga koe e hai hegau i de mee abodonu ma de heohi.

Isaiah 54:8

Au ne kona mmao dogu lili gai au ga haoli luoogu mada gi dee gidee e goodou i dahi masavaa bodobodo, aagai au e abodonu adu gi de goe ga hano ai ma de lodo aloha adu naa gi de goe, go Tagi Maolunga doodou Ia Hagaola e hagadaba.

Zechariah 14:9

Gai Tagi Maolunga e hodooligi naa i henua i lalo alodahi. De laangi laa gai e dahi naa donu huu Dagi Maolunga, gai go dono ingoo donu huu e dahi.

Hosea 6:1

“Loomai, gidaadeu ga ahe ange gi Tagi Maolunga; ia gu hagammae gidaadeu, aagai ia e hagaieiangi naa gidaadeu; ia gu hagalagolagohia gidaadeu, aagai ia e saabini naa odaadeu maanuga.

Isaiah 51:3

Tagi Maolunga e hagaaneane naa donu Zion, ma de lodo aloha ange gi ono mommee alodahi gu oohaa laa; ia e hai naa ono vao gi bei Eden, gai ono lodo henua gi bei de veelenga a Tagi Maolunga. De malangilangi ma de lodo danuaa e dagodo naa i kilaa, aama de hagaahe ange de abodonu ma de leo o taahili.

Isaiah 35:10

dangada a Tagi Maolunga gu hagaola e aahe mai naa. Gilaadeu e loomai naa ga ulu i Zion ma de daahili; gai de malangilangi e dee odi go de hau i honga olaadeu biho. Gilaadeu e hoohonu naa i de lodo danuaa ma de malangilangi, gai taemaha ma de daalea gu hano gee mai i olaadeu daha.

Isaiah 14:3

De laangi laa gai Tagi Maolunga e hai naa gi ilaage goodou mai i de hagaduasala, ma de hai ngadaa, aama doodou hagahai hegau ina,

Isaiah 49:13

De langi, malangilangi! Henua i lalo, lodo danuaa! Denga mounga, hevaalogi ma gi malangilangi! Go hiidinga Tagi Maolunga gu hagaaneane ono dangada, ma de lodo aloha ange gi ono dangada gu vaivai haia laa.

Isaiah 25:9

De laangi laa gai gilaadeu e hagataba naa, “Tilo, deenei donu taadeu Maadua; gidaadeu ne tali ange ia gi hagaola ina gilaadeu. Deenei Tagi Maolunga adaadeu ne hagadonusia laa; gidaadeu ga malangilangi ma de lodo danuaa i dana hagaola.”

Romans 11:15

Gai noo delaadeu tili ne hai ga maua i de hagadanuaa magavaa o de Maadua ma henua i lalo, gai dee hee maa ai naa noo gilaadeu gu hagaahe mai, e dee go de mouli mai i de magau?

Zechariah 14:20

De laangi laa gai e sisi ange naa gi honga denga baalanga e dau i denga hoosa, “Gu hagadabu ange gi Tagi Maolunga.” Denga anibada i lo te hale o Tagi Maolunga e dabu naa, bei boolo i gaogao de mommee o ssigidaumaha.

Hosea 11:8

Ephraim, e maua e au i de tili goe? Israel, e maua e au i de dugu goe gi hano? E maua e au i de hai goe bei dagodo o Admah? E maua e au i de hai goe bei dagodo o Zeboiim? Ogu lodo gu dee baba mmao, au gu dee maua i de golomagi dogu lodo aloha.

Isaiah 66:13

Au e hagaaneane naa goodou bei de hagaaneane a dahi dinana dana dama; gai goodou e hagaaneane ina naa i Jerusalem.”

Isaiah 26:1

De laangi laa gai dangada e hua naa taahili nei i de henua o Judah: Demaadeu aduhale e makaga; de Maadua ne hagatuu ono buibui ma ono mee hagamakaga e hagaola ai.

Isaiah 11:16

Gai e dahi naa haiava laumalie ange gi ono dangada e doe, e aahe mai ai i Assyria, bei de hai o de gau Israel ne loomai ai laa i Egypt.

Isaiah 10:25

E dee mmule naa donu gai gu helui dogu lili i goodou, gai dogu bole gu daa gilaadeu gi maakau.

Isaiah 2:11

Tangada lodo maolunga e hagamaolalo ina naa, gai de gau hagamaolunga e hai naa ga maolalo, gai go Tagi Maolunga donu huu e hagaamua i de laangi laa.

Isaiah 10:4

Gai gu deai ange oodou mee e hai, aagai go de ino donu huu gi lalo madali gilaadeu gu noonoodia, aabe go de baakuu madali de gau maakau. Gai mee nei alodahi tee maua donu i de hagahelui dono lili, gai dono lima goi hagaabo donu huu.

De Beebaa go Job 13:16

Kana adu de mee nei e hagaola naa au, go hiidinga tangada baubau e dee maua donu i de humai gi mada luoono mada!

Psalm 9:1

Tagi Maolunga, au e tuhi goe i ogu lodo alodahi, ma de tala dagodo o au hegau hagalele mouli.

Psalm 71:21

Koe e hai gi laumalie dogu hagadubu, ma de ahe ange ga hagaaneane ogu lodo.

Isaiah 54:7

Au ne tili goe i dahi masavaa bodobodo, aagai au e hagaahe mai naa goe i hiidinga dogu lodo aloha laumalie.

Isaiah 54:9

Gai de mee nei e bei dagodo laangi o Noah, i de masavaa aagu ne hagatoo donu ai bolo denga vai e dee aahe ange naa donu e haoli henua i lalo. Gai e bei ai hogi, au gu hagatoo donu bolo au e dee lili ange naa donu i goodou, gai au e dee hagasee ange naa donu goodou.

Isaiah 61:10

Au gu malangilangi mmao i Tagi Maolunga, dogu hagasaalunga e lodo danuaa mmao i dogu Maadua. Go hiidinga ia gu hakahu mai au i de hagaola, ma de saabini au i de heohi bei de malo laa daha, bei de hai a taane e hagahai bodu e gahu hagadanuaa ai laa bei tangada haimeedabu gai bei de hai a de hine e hagahai bodu e dau ai laa denga hadu hagamogomogo.

Isaiah 64:5

Koe e abodonu ange gi tangada e malangilangi i de hai de mee heohi, ma gilaadeu e manadua au hai haingaa mee. Aagai ga daulooloa huu demaadeu haisala ange gi mee nei, gai koe gu lili. Dee hee ai naa demaadeu hai e ola ai?

Isaiah 65:18

Aagai goodou llodo danuaa ma de malangilangi ga hano ai, i mee aagu gu hai; tilo, au e hai naa Jerusalem gi malangilangi, gai ono dangada gi llodo danuaa.

Jeremiah 30:19

Gai gilaadeu e daahili naa ga hagaahe ange de abodonu, gai leo o dangada e malangilangi ai e langona naa i kilaa. Gai au e hai naa gi kii ange de soa gilaadeu, gai taelodo o olaadeu dangada e dee kii mai naa donu. Au e hai naa gi hagadubu ina gilaadeu, gilaadeu e dee hagangadi mee ina naa donu.

Zechariah 8:11

Aagai iainei au gu dee hai dangada e doe i de gau nei bei dagu hai ne hai ai dangada i laangi i mua, go Tagi o denga hagabuulinga hebagi e hagadaba.

Zechariah 8:19

“E hagadaba Tagi o denga hagabuulinga hebagi: Denga hagahiikai i de haa, ma de lima, ma de hidu, aama de madaangahulu malama, e hai naa ga se masavaa e malangilangi ai ma de lodo danuaa ai dangada, gai ni daonga hagamalangilangi niio Judah. Deenei ai, goodou gi llodo i de muna abodonu ma de nnoho paba.”

Nehemiah 8:10

Gai ia ne hai ange gi gilaadeu, “Goodou hulo gaina gai moomuna ma de unu uvaini maimai, ma de duha ange gai gi gilaadeu tigi ai alaadeu mee gu hagadabena, go hiidinga anailaa nei se laangi e dabu ange gi taadeu Ia Aamua. Goodou aude llodo baubau, go hiidinga de malangilangi o Tagi Maolunga e hagammahi goodou.”

De Beebaa go Job 11:16

Koe e ngalo naa doo hai ngadaa, gai koe e manadua naa de mee nei bei denga vai gu gaavee laa i de mee mmilo.

Psalm 85:4

De Maadua, demaadeu Ia Hagaola, hagaola ina gimaadeu, gai hagahelui ina doo dee malangilangi i gimaadeu!

Psalm 86:17

Hagaagona mai gi de au de hagailonga o doo abodonu, gi dookaa ai gilaadeu e kino i de au, i de masavaa alaadeu e gidee ai, i hiidinga go koe, Tagi Maolunga, ne balea mai au ma de hagaaneane ogu lodo.

Isaiah 60:10

De gau henua gee e hagatuu age naa oo buibui, gai olaadeu hodooligi e hai hegau adu naa gi de goe. Gai e dee galemu naa donu dagu hagaduasala goe i dogu lili, aagai au e abodonu adu donu gi de goe i dogu lodo aloha.

Jeremiah 31:13

Gai denga bua moe e aanu naa i de malangilangi, madali denga dama daane aama de gau maatua hogi. Au e hai naa gilaadeu gi dee tangi gai gi malangilangi; au e hagaaneane naa olaadeu lodo ma de hai gilaadeu gi malangilangi gu dee daemaha.

Zechariah 1:16

Deenei ai, e hagadaba Tagi Maolunga: Au e ahe ange naa e lodo aloha ange gi Jerusalem; dogu hale e hagaduu naa i lo te aduhale laa, gai de uga haide e haide naa Jerusalem, go Tagi o denga hagabuulinga hebagi e hagadaba.