Isaiah 11:3 - De Beebaa Dabu

³ gai ia e malangilangi i de madagu i Tagi Maolunga. Ia e dee hagamodu muna i mee aana e gidee, aabe e hai dahi hilihili i ana mee e langona,

Isaiah 11:3 Referans Kwoze

John 7:24

Goodou aude hagamodu ina muna i oodou mee e gide, gai hagamodu ina i de heohi.”

Luke 2:52

Gai Iesu ne hagadagadaga age i de heiangi ma de somo dono angaanga, gai de Maadua aama dangada e malangilangi i de ia.

1 Samuel 16:7

Aagai Tagi Maolunga ga hai ange gi Samuel, “Aude galo ange gi diiloo dono angaanga be go dono looloa, go hiidinga au e dee lodo i de ia; i hiidinga Tagi Maolunga e dee tilo dagodo o tangada bei de hai a dangada e tilo ai laa: gilaadeu e tilo mee alaadeu e gide, aagai Tagi Maolunga e tilo de lodo.”

Proverbs 2:5

gai koe e donu ange naa gi dagodo de madagu i Tagi Maolunga, ma de maua de iloo mee o de Maadua.

Hebrews 5:14

Aagai denga gai makaga ni mee ange gi dangada gu maatua abodonu, i hiidinga gilaadeu gu agoago ma gu hagaabo ange gilaadeu gi de vvae mee danuaa ma mee baubau.

1 Kings 3:28

Gai ga langona huu e de gau Israel alodahi de hai a de hodooligi ne hagamodu ai de mee laa, gai gilaadeu gu llele mouli i hegau a de hodooligi ne hai, go hiidinga gilaadeu gu tonu ange bolo de Maadua gu gaavange gi de ia de heiangi, gai ia ga hagamodu ai muna i de heohi.

Proverbs 2:9

Gai koe e donu ange naa gi de mee heohi ma de hagamodu heohi, ma de soe, aama haiava danuaa alodahi.

1 Kings 3:9

Gaamai gi de au, doo dangada hai hegau, de heiangi e dagi ai oo dangada, gi maua ai e au i de vvae de mee danuaa mai i de mee baubau. Gai goai e bau ange gi de dagi doo huaadangada soa?”

2 Samuel 14:17

Gai au ne maanadu, bolo muna a de hodooligi e hai naa ga baba ogu lodo; go hiidinga koe, dogu dangada aamua go de hodooligi, e maua i de vvae tanuaa mai i de baubau, bei dagodo o tangada de langi o de Maadua. Tagi Maolunga doo Maadua gi noho i oo daha!”

John 2:25

Gai e dee se dangada donu ne daalaa ange gi de ia dagodo o dangada, go hiidinga ia e lava donu i dana iloo dagodo lodo o tangada.

De Beebaa go Job 34:3

i hiidinga talinga e haide dagodo o denga muna, bei de hai a de alelo e mami ai denga gai.

De Beebaa go Job 12:11

E aha, talinga e dee hagatale laa denga muna, bei de hai a de alelo e mami ange ai laa denga gai?

Isaiah 33:6

Gai ia e hai naa go doo dagelo makaga i de laangi laa, ma de hagaola laumalie, ma de heiangi, aama de iloo mee. De madagu i Tagi Maolunga se mee hagamogomogo mmao.

Ezekiel 45:8

De henua nei go dono mommee e henua ai i Israel. Denga dagi aagu gu hili gi dee vaivai haia dogu huaadangada, aagai gi dugua ange de gau Israel gi gaavee olaadeu vaaenga gi bei de soa o olaadeu aamuli.

Micah 4:3

Gai ia e hagamodu naa muna o dangada soa, ma de hagaheloongoi magavaa o denga huaadangada mmahi ma de mmao. Gilaadeu e dugidugi naa alaadeu gadilaasa ga hai gi ni mee hagabalabala, gai e hai alaadeu dao gi ni naivi e velevele ai manu ssomo. Gai denga huaahenua e dee aahe ange naa donu e hebagi aabe agoago ange gi de hebagi.

2 Samuel 14:8

Gai de hodooligi ga hai ange gi de hine laa, “Ahe gi doo hale, gai au ga sui goe e basa ange ai gilaadeu.”