Isaiah 11:15 - De Beebaa Dabu

¹⁵ Gai Tagi Maolunga e hai naa gi masa vai i lo te mada loolodo o Egypt. Ia e haalo naa dono lima ga hai gi humai de madangi hagavvela gi honga ssaalingaa vai go Euphrates. Ia e hagaili naa honga de vai laa ga hai ai e hidu saalingaa vai vaaligiligi, gai dangada e maua naa i de seesee ga hulo gi de baasi laa.

Isaiah 11:15 Referans Kwoze

Zechariah 10:11

Gilaadeu e hulo naa laa lo te dai beabeau, gai beau o tai laa e hagadeai naa, gai mommee kelo alodahi o Nile e maamasa naa. De lodo maolunga o Assyria e hai naa ga maolalo, gai de laagau hodooligi o Egypt e odi naa dono masavaa.

Revelation 16:12

Gai de ono dangada de langi ne llingi iho mee i lo tana boolo gi honga de vai laumalie go Euphrates, gai de vai laa gu masa, e hai ai de haiava e hagadabena ange gi denga hodooligi mai i baasi dua.

Isaiah 50:2

Gai gu aha gu deai ai laa dangada i de masavaa oogu ne humai ai? Gai gu aha gu deai ai laa dangada e pasa mai, i de masavaa aagu ne hagaagahi ai? E aha, gu kona laa de bodobodo dogu lima, gu dee maua i de hagaola goodou? Aabe gu deai ogu mahi e hagaola ai goodou? Tilo, au ne hagasee tai gu masa, au ne hai denga saalingaa vai ga se vao; denga mamu i kilaa gu pilo i teai dai ma de maakau i delaadeu hieunu.

Isaiah 19:16

De masavaa laa gai de gau Egypt e bei naa dagodo o denga haahine. Gilaadeu e bolebole naa ma de maatagu i de hagaabo de lima o Tagi o denga hagabuulinga hebagi e hai baasi ange ai gi gilaadeu.

Ezekiel 30:12

Au e hai naa hogi denga vai o Nile gi deai vai iai, ma de hagao ange de henua gi de gau baubau; gai au e hai naa de gau henua gee gi oohaa de henua ma mee alodahi iai. Go au go Iahweh ne daalaa mee nei!

Ezekiel 29:10

deenei ai, au e hai baasi adu gi de goe ma oo saalingaa vai, gai au e oha naa de henua o Egypt ga hai gi ngadi dagodo, mai i Migdol ga hano ai gi Syene, gai e hano ga duu ange gi de ngaadonga o Cush.

Isaiah 7:20

De laangi laa gai de Ia Aamua e dahi naa ngaangaaulu i doo biho ma luoo vae, aama doo gumigumi i de leesaa aana e hai gi humai i de baasi laa o Euphrates: go de hodooligi o Assyria.

Exodus 14:21

Gai Moses ga haalo ange dono lima gi honga tai, gai Tagi Maolunga ga hai gi humai de madangi mmahi i dua i de boo laa alodahi, gi haia gi masa tai, gi sula age de gelegele. Gai de vai gu vvae lua,

Exodus 14:29

Aagai de gau Israel ne seesee i honga de gelegele mmasa i lo te ungaalodo o de vai; gai denga vai gu budubudu age gi lunga i de baasi madau aama de baasi masui.

Isaiah 8:7

deenei ai, tilo, de Ia Aamua gu dai hai naa gi humai gi hai baasi ange gi gilaadeu, de mee mmilo mmahi o ssaalingaa vai go Euphrates — go de hodooligi o Assyria ma dono mahamaha alodahi. Gai ssaalingaa vai laa e hagahoohonu age naa ono ava alodahi aama luu baasi alodahi,

Isaiah 43:16

E hagadaba Tagi Maolunga, go de ia ne haia dahi haiava i lo te tai, ma de haiava i lodo vai mmilo,

Isaiah 44:27

Gai au e hai ange gi de moana gelo, ‘Koe gi masa, gai au e hai naa gi maamasa denga saalingaa vai.’

Isaiah 51:11

Gilaadeu a Tagi Maolunga gu hagaola e aahe mai naa. Gilaadeu e loomai naa ga ulu i Zion ma de daahili; gai de lodo danuaa e dee odi laa go de hau i honga olaadeu biho. Gai gilaadeu e kona naa i de lodo danuaa ma de malangilangi, gai taemaha ma de daalea gu hano gee mai i olaadeu daha.

Isaiah 63:12

gai go de ia ne hagahai hegau ina dono lima sauaa i daho Moses, ma de vvae lua de vai i olaadeu mada i mua, ga hagamaolunga ai dono ingoo ga hano ai?

Exodus 14:22

gai de gau Israel ga seesee laa lo te vai laa, i honga de gelegele mmasa, gai denga vai gu tuu age gi lunga i de baasi madau ma de baasi masui.