Isaiah 10:7 - De Beebaa Dabu

⁷ Aagai e dee deenei dana hagasaele, e dee deenei hogi dana mee ne maanadu; aagai ia ne hagatau de oha, ma de hagadee kii denga huaahenua soa.

Isaiah 10:7 Referans Kwoze

Genesis 50:20

Goodou ne maanadu de hai mai de baubau gi de au, aagai de Maadua ne hagahai hegau de mee laa ga hai ai tanuaa, gai ia ga hagamouli ai dangada soa bei doodou hai gu gidee ai naa anailaa nei.

Acts 2:23

Taane nei ne daa ga magau bei dagodo de hagatau ma de iloo mee o de Maadua mai i taamada age, gai goodou ne gaavange ia ga daudau i de laagau lui ma de daa ia ga magau i daho de gau baubau.

Acts 2:24

Aagai de Maadua gu hagamouli age hogi ia ma de hagaola ia mai i ssauaa o de magau, go hiidinga de magau e dee maua donu i de daohi ia.

Isaiah 10:8

Ia ne hagadaba, “E aha, ogu dagi alodahi e dee ni hodooligi?

Isaiah 23:13

Galo ange diiloo dagodo o de henua o de gau Babylon; deenei de huaadangada nogo deai laa. De gau Assyria ne hai de henua gi se mommee e nnoho ai denga manu lodo henua; gilaadeu ne hagatuu denga mee ne hagatuu e oha ai, gilaadeu ne oha ga maoha ono hale maolunga.

Ezekiel 29:20

Au gu gaavange de henua go Egypt e hagao ange ai ana hegau, go hiidinga gilaadeu ma ono daane hebagi ne hai dagu hegau, go de Ia Aamua go Iahweh e hagadaba.

Nahum 1:11

Nineveh, dahi dangada e humai naa i oo daha, ga hai dahi hagatau baubau e hai baasi ange ai gi Tagi Maolunga, ma de hai denga hagasaele baubau.

Isaiah 37:19

gai ne tili ange olaadeu diinonga gi lo te ahi ga dudu ai, go hiidinga diinonga laa e dee ni maadua abodonu, gai ni mee nii dangada ne hagatuu i laagau ma hadu. Deelaa ai, gilaadeu gu lava i de oha.

Daniel 11:12

Gai de masavaa naa huu aana e kave gee ai dangada soa, gai de hodooligi o ngaage gu kona de hagamaolunga, gai ia e daa naa ga maakau dangada soa mmao, aagai e dee duudagi naa donu dono kii.