Isaiah 10:34 - De Beebaa Dabu

³⁴ Ia e sele naa denga manu ssomo i lodo mee muimui i taguu; denga manu lloa o Lebanon e sele iho naa donu.

Isaiah 10:34 Referans Kwoze

Isaiah 37:24

Koe ne hai oo dangada hai hegau gi hagadogaa ina de Ia Aamua. Gai koe ne hagadaba, ‘Au ne hanage i ogu hada hebagi lagolago gi ulu denga mounga, ga hano gi de lodo henua mmao o Lebanon. Au gu sele iho denga cedar lloa ma cypress danuaa i kilaa; au ne hano ga dae gi ono mommee maolunga hugadoo, ma de mommee muimui hugadoo i lodo henua.

Revelation 18:21

Gai dahi dangada de langi mmahi ne poo age dahi hadu, bei de laumalie o dahi hadu mmili ga maga iho gi honga tai, gai ia ga hagadaba, “Deenei hogi de hai o Babylon, de aduhale maolunga laa, e tili iho ai ga maoha, gai e dee gidee ange naa donu.

Revelation 10:1

Gai au ne gidee ange hogi dahi dangada de langi mmahi e hano iho mai i de langi. Ia e gahu i denga hagausinga, gai honga dono biho iai dahi umada, luoono mada e maalama bei de laa, gai luoono vae e bei denga duludulu e ula ai laa de ahi.

2 Peter 2:11

gai dagodo o denga dangada de langi, e dee galemu donu delaadeu mmahi ma de sauaa, aagai gilaadeu tee hagabaubau donu gilaadeu i mada luu mada o Tagi Maolunga.

2 Thessalonians 1:7

ma de hagamaamaane oodou lodo i doodou vaivai haia aama gimaadeu hogi, i de laangi o Tagi Maolunga go Iesu e hagasula mai ai i de langi, madali ono dangada de langi mmahi,

Nahum 1:12

E hagadaba Tagi Maolunga, “E dee galemu naa donu delaadeu mmahi ma de soa, gai gilaadeu e odi naa donu i de maakau. Judah, e dee galemu donu au gu hagaduasala goe, gai au e dee ahe ange naa donu e hagaduasala goe.

Daniel 4:23

Gai koe, de hodooligi, ne gidee dahi dangada de langi dabu, gai se ia dagitilo, ne hano iho i de langi ga hagadaba, ‘Selea iho de manu somo laa ma gi duuduudia, aagai dugua tahido ma ono aga i lo te gelegele, gai noodia i iron ma bronze, ga dugu gi dagodo ai i lodo helii i lo te duu malaelae. Gai dono angaanga gi ssui i de mee suungia o de langi, gai ia gi noho madali denga manu aada i lodo henua, ga dae ai gi de odi ange de hidu masavaa.’

Jeremiah 48:2

Dangada e dee aahe ange naa ga tuhi Moab. Dangada e hagasaele naa de hai gi hai ngadaa Heshbon: ‘Loomai, gidaadeu ga hai gi deai se huaahenua nei!’ De aduhale go Madmen e hai naa ga dee mmuu; gai de gadilaasa e doolohi naa goodou.

Jeremiah 22:7

Au e hai naa gi loomai dangada gi oohaa ina goe, dahi ma dahi e humai naa ma ono goloa hebagi, gai gilaadeu e sele iho naa oodou cedar danuaa hugadoo, ga maga ange gi lo te ahi.

Isaiah 37:36

Gai tangada de langi o Tagi Maolunga ne hano ga daa ga maakau e 185,000 daane, i de mommee nnoho gaainga o de gau Assyria. Gai ga oho age huu denga daane i taiao, gai gilaadeu gu gidee bolo de gau laa alodahi gu maakau.

Isaiah 31:8

“Assyria e hagadee kii ina naa i dahi gadilaasa, gai e dee se gadilaasa mai i daho tangada; de gadilaasa e daia gilaadeu, gai e dee se mee mai i daho dangada. Gai gilaadeu e saavini naa ga hulo gee mai i de gadilaasa, alaadeu dama daane e hai naa ga ni dangada hai hegau.

Isaiah 10:18

De mahamaha o lodo henua i kilaa ma de gelegele e ssomo ai manu e oha naa donu ga odi, bei tangada magi e hagadaga iho laa.

Psalm 103:20

Duuhia Tagi Maolunga, goodou ono dangada de langi, go goodou de gau mmahi e haia ono lodo, ma de daudali i ana muna.

Isaiah 2:13

gai ia e sele iho naa denga cedar o Lebanon lloa ma de maolunga, aama denga oak alodahi o Bashan,

Isaiah 33:9

De henua gu hagaaloha ono dagodo ma de ngadi dagodo, Lebanon gu dogaa gai gu mmae; Sharon gu bei dagodo o de vao, gai Bashan ma Carmel gu bei denga manu ssomo gu malili laa olaadeu lau.

Ezekiel 31:3

Tilo, Assyria e bei dahi cedar i Lebanon i mua; ono laa e mahamaha gai e haoli denga manu ssomo ange laa, gai e kona donu de looloa, dono ulu e daea age denga giliiga.