Isaiah 10:33 - De Beebaa Dabu

³³ Tilo, de Ia Aamua, Tagi o denga hagabuulinga hebagi e duuduu iho naa denga laa mmahi ga baakuu. Gai manu lloa e sele iho naa, gai gilaadeu e lodo maolunga e hai naa ga maolalo.

Isaiah 10:33 Referans Kwoze

Amos 2:9

Aagai au ne daa ga maakau de gau Amor i olaadeu mada i mua, e dee galemu donu gilaadeu e lloa bei denga cedar, gai e mmahi bei denga oak. Au ne oha hua i honga olaadeu laa ma olaadeu aga i lo te gelegele.

Isaiah 37:38

Dahi laangi, i de masavaa oona e daumaha ai i de hale o dono diinonga go Nisrok, gai luaana dama daane go Adrammelek ma Sharezer, ga daa ia gu magau i de gadilaasa; gai gilaau ga saavini ga hulo gi de henua go Ararat. Gai dana dama daane go Esarhaddon ga sui ia ga hodooligi ai.

Luke 14:11

Be goai e hagamaolunga e hai naa ga maolalo, gai be goai e hagamaolalo e hai naa ga maolunga.”

Daniel 4:37

Gai au, Nebuchadnezzar, ne tuhi ma de hagaamua, ma de hagadubu de Hodooligi o de langi; go hiidinga ana hegau alodahi e heohi, gai ono haiava alodahi e dee haisala donu. Gai ia e hagamaolalo gilaadeu alodahi e llodo maolunga.

2 Chronicles 32:21

Gai Tagi Maolunga ne hai gi humai dahi dangada de langi gi daia gi maakau denga daane hebagi alodahi ma denga dagi, aama dagi o de hebagi i de mommee nnoho gaainga o de hodooligi o Assyria. Gai ia ne ahe ga hano gi dono henua gu dogaa. Gai de masavaa oona ne hano ai gi lo te hale daumaha o dono diinonga, gai ana dama daane ga daa ia gu magau i de gadilaasa.

Isaiah 5:15

Dangada e hai naa ga maolalo, gai dangada e hagamaolalo ina na, tangada hagamaolunga e hagangadi mee ina naa.

Isaiah 33:3

Doo leo mmahi e hai ga saavini dangada ga hulo; denga huaahenua e mavaevae saele i doo hidi age.

Jeremiah 22:7

Au e hai naa gi loomai dangada gi oohaa ina goe, dahi ma dahi e humai naa ma ono goloa hebagi, gai gilaadeu e sele iho naa oodou cedar danuaa hugadoo, ga maga ange gi lo te ahi.

Ezekiel 31:3

Tilo, Assyria e bei dahi cedar i Lebanon i mua; ono laa e mahamaha gai e haoli denga manu ssomo ange laa, gai e kona donu de looloa, dono ulu e daea age denga giliiga.

Nahum 1:12

E hagadaba Tagi Maolunga, “E dee galemu naa donu delaadeu mmahi ma de soa, gai gilaadeu e odi naa donu i de maakau. Judah, e dee galemu donu au gu hagaduasala goe, gai au e dee ahe ange naa donu e hagaduasala goe.

Isaiah 18:5

Gai go mua de hagihagi, i de masavaa e malili ai denga huaala ga odi gai denga huaala gu ni grape lleu, gai ia e velevele naa denga laa vaaligiligi i de naivi, ma de duuduu ga aau gee denga laa gu lloa laa.

Isaiah 32:19

Gai ga too iho naa donu denga dibadibaa haisi ga oha lodo henua, gai de aduhale e oha ga odi,