Isaiah 10:29 - De Beebaa Dabu

²⁹ Gilaadeu gu hulo laa lo te mommee gelo, gilaadeu e nnoho naa i Geba i de boo. Ramah gu bolebole, Gibeah o Saul gu savini ma gu hano.

Isaiah 10:29 Referans Kwoze

1 Samuel 13:23

Gai de hagabuulinga hebagi o de gau Philistia ne hulo ga hagaloosi de mommee e hulo ai laa gi Mikmash.

1 Samuel 7:17

Aagai ia e ahe hugadoo gi Ramah, go de mommee iai dono hale, gai go kilaa hogi aana e hagamodu ai muna o de gau Israel i de laa tubua. Gai ia ne hagaduu dahi mommee o ssigidaumaha ange gi Tagi Maolunga i kilaa.

1 Samuel 11:4

De masavaa huu o de gau hagailoo ne tae ai gi Gibeah o Saul, ga tala ange gi dangada dagodo o mee laa, gai dangada alodahi ga oo ga tangi.

Joshua 21:17

Gilaadeu ne kave mai i daho de aamuli o Benjamin: Gibeon ma ono mommee iai helii, ma Geba ma ono mommee iai helii,

Hosea 10:9

De gau Israel, goodou ne haisala mai huu i de masavaa o Gibeah, gai gilaadeu goi duudagi donu huu de haisala. E aha, e dee dae mai naa de hebagi ga hagaduasala gilaadeu i Gibeah?

Hosea 9:9

Dangada gu kona donu de baubau, bei denga laangi i Gibeah. De Maadua e hagamaanadu naa donu olaadeu baubau, ma de hagaduasala gilaadeu i hiidinga olaadeu haisala.

Hosea 5:8

Ilihia de hanga manu i Gibeah, gai ilihia de trumpet i Ramah. Hagailoo ina de masavaa o de hebagi i Beth Aven; denga daane hebagi o Benjamin, go goodou e dagi!

Jeremiah 31:15

E hagadaba Tagi Maolunga: “Dangada e langona de leo o dahi i Ramah, e dangi ma de dangi see. Rachel e dangi i hiidinga o ana dama; ia tee lodo gi hagaaneane ina ono lodo, i hiidinga ana dama gu odi i de maakau.”

1 Kings 15:23

Gai hegau a Asa ange laa, ma dono mmahi, ma ana mee alodahi ne hai, ma denga aduhale aana ne hagatuu, gu sisi i lo te beebaa e daohi ai laa hegau a denga hodooligi o Judah. De masavaa oona ne madumadua ai, gai luoono vae gu dahi magi iai.

1 Samuel 15:34

Gai Samuel ga ahe ga hano gi Ramah; gai a Saul ne ahe gi dono hale i Gibeah o Saul.

1 Samuel 14:4

Gai luu baasi ngaadahi o tuulangaa vai o Jonathan e lodo laa e hano ai, gi dae gi de mommee o de gau Philistia, iai e lua duuduu hadu kangi; de ingoo o dahi baasi go Bozez, gai de ingoo o de baasi ange laa go Seneh.

1 Samuel 13:16

Gai a Saul ma Jonathan, dana dama daane, ma denga daane alodahi madali gilaau ne nnoho i Geba, i de vaaenga o Benjamin; aagai denga daane Philistia ne nnoho gaainga i Mikmash.

1 Samuel 13:2

A Saul ne hili e dolumano daane Israel; e luamano ne nnoho madali ia i Mikmash ma de mommee iai mounga i Bethel, gai e mano daane ne nnoho madali Jonathan i Gibeah o Benjamin. Gai ia ne hai denga daane ange laa gi aahe gi olaadeu hale.

1 Samuel 10:26

Saul ne ahe hogi gi dono hale i Gibeah, gai denga daane dau i de hebagi a de Maadua gu hagangaalue laa olaadeu lodo ne hulo madali ia.

1 Samuel 14:2

Gai a Saul e noho i tua o Gibeah i lalo dahi pomegranate i Migron. Gai e onolau daane hebagi madali ia,

1 Samuel 14:5

Dahi duuduu hadu kangi laa e duu i baasi ngaiho, i gaogao o Mikmash, gai dahi i baasi ngaage, i gaogao o Geba.