Isaiah 10:14 - De Beebaa Dabu

¹⁴ Au gu haalo naa dogu lima e kave ai de lava o denga huaadangada; bei dagodo o tangada e hagabudulia denga ngago gu tili laa, gai au e hagabuni mai naa henua alodahi; gai e deai naa donu se bakau e gabagaba, aabe se manu e hhanga dono ngudu e goo.’ ”

Isaiah 10:14 Referans Kwoze

De Beebaa go Job 31:25

noo au e malangilangi i hiidinga ogu goloa lagolago, aabe go hiidinga au ne maua mee lagolago;

Nahum 2:9

Gaiaadia denga selevaa, gaiaadia denga goolo! E lagolago mmao ono goloa danuaa, ma de lava i goloa hagamogomogo alodahi.

Obadiah 1:4

Gai e dee galemu naa donu doo lele ga maolunga bei de igele, ma de hai doo hoohanga i magavaa o denga heduu, gai au e tili iho naa donu goe gi lalo, go Tagi Maolunga e hagadaba.

Jeremiah 49:16

Koe gu hagasengalia i hiidinga de maatagu o dangada i de goe, aama doo lodo hagamaolunga, koe e nnoho laa i magavaa o denga hadu maolunga, ma honga mommee maolunga o denga duuduu. Gai e dee galemu donu dau hai doo hoohanga i denga mommee maolunga, gai au e tili iho mai naa goe i kilaa, go Tagi Maolunga e hagadaba.

Isaiah 5:8

E vakaa naa gilaadeu e haia ga lagolago olaadeu hale, ma de hagallaha ange olaadeu alahenua, ga dae ai gi teai ange mommee e doe, gai go goodou donu huu e nnoho i honga de gelegele laa.

Proverbs 18:12

De hagaodi o de lodo maolunga o tangada go de magau, gai de hagaodi o de lodo maolalo go de hagadubu.

Isaiah 14:6

go de mee alaadeu e daa ai dangada i hanonga lagolago i delaadeu llili, ma de dagi denga huaahenua i de lili, aama tee tuu de vaivai hai gilaadeu.

Ezekiel 35:13

Koe ne basa hagamaolunga mai donu gi de au, gai ne lagolago au muna ne hai baasi mai ai gi de au, gai au gu langona au muna.

2 Chronicles 32:13

Goodou tigi langona laa mee amaadeu ma ogu damana gu hai ange gi dangada i denga henua ange laa? Ne maua laa e diinonga o denga henua laa i de hagaola gilaadeu mai i dogu sauaa?

Isaiah 37:25

Au ne geli denga vai ga unu vai iai; au ne hai ga maamasa denga saalingaa vai alodahi o Egypt i luoogu vae.’