Isaiah 1:28 - De Beebaa Dabu

²⁸ Aagai de gau hai alaadeu hai ma de gau haisala e odi naa i de oha ga deai, gai gilaadeu e daahuli gee i Tagi Maolunga e maakau naa.

Isaiah 1:28 Referans Kwoze

Psalm 1:6

Gai Tagi Maolunga e dagitilo haiava o olaadeu e heohi, aagai haiava o de gau baubau e duu ange donu gi de magau.

Revelation 21:8

Aagai de gau madagudagu, ma dangada tee hagadonusia, ma de gau hakino gee, ma de gau daa dangada, ma de gau dagodo haisala, ma de gau hai huuhuaa mee, ma dangada e daumaha ange gi denga diinonga, ma de gau hadu muna alodahi — delaadeu duuhanga go de ahi ula ma denga sulfur e sali laa bei de vai, deenei de lua magau.”

Isaiah 30:13

deelaa ai, de baubau nei e bei naa dahi buibui maolunga gu mahangahanga laa ma gu puu mai denga hadu iai, gai e daa hagalele naa donu de maoha ga odi iho.

De Beebaa go Job 31:3

E aha, de hai ngadaa e dee duu ange laa gi de gau baubau, gai de mmala ange gi gilaadeu e haia de baubau?

2 Peter 3:7

Gai go muna mau nei hogi e hagadabena ange ai de langi ma henua i lalo nei, e dudu i de ahi, ma de dugu ange gi de laangi hagamodu muna ma de daa ai gi maakau de gau baubau.

1 Thessalonians 5:3

De masavaa a dangada e hagataba ai, “Gu nnoho paba dangada ma tee manavasaa,” gai gu moolau donu de dae mai de hagaduasala, bei dagodo o de hai hagalangona o de hine gu dai haanau, aagai e deai donu e maua i de saavini e hulo gee.

Isaiah 66:24

Gilaadeu e hulo naa ga tilo angaanga o de gau maakau ne hai baasi mai gi de au; denga ilo i olaadeu angaanga e dee maakau naa donu, gai de ahi e dee diinei naa hogi, gai gilaadeu alodahi e hai naa ga ni mee hakino gee ange gi dangada alodahi.”

Isaiah 65:11

Aagai goodou gu dilia laa Tagi Maolunga, ma de ngalo dogu mounga dabu, gai e hagadabena dahi deebele ange gi tiinonga go Gad, ma de hhao denga ubu uvaini gu hilo ange gi tiinonga go Meni;

Isaiah 50:11

Tilo, goodou alodahi e haulasia dahi ahi, ma de kave denga lama e haula laa, goodou seesee i de maalama o oodou ahi, ma denga lama oodou gu haula laa. Deenei dagu hai e hai ai goodou: goodou e daakodo gi lalo i doodou mmae.

Proverbs 29:1

Be goai e hagaseegina i hanonga lagolago, gai e hagamakaga ono lodo, e daa hagalele naa donu dono lagohia — gai ia e dee ieiangi naa donu.

Psalm 125:5

Aagai gilaadeu e haia hegau dee heohi, Tagi Maolunga e alualu naa gilaadeu gi hulo madali dangada e haia de baubau. De baba gi dagodo i Israel!

Psalm 104:35

Aagai de gau haisala i henua i lalo gi odi i de maakau, gai de gau baubau gi dee maaleva i kilaa. Dogu hagasaalunga, koe gi hagadegi ina Tagi Maolunga. Duuhia Tagi Maolunga!

Psalm 92:9

Tagi Maolunga, galo ange diiloo oo hagadaumee; tilo, oo hagadaumee e maakau naa donu; gai gilaadeu alodahi e haia de baubau e mavaevae saele naa.

Psalm 73:27

Tilo, dangada e hagammao gee i de goe e maakau donu; gai koe e daa gi maakau gilaadeu e hulo gee mai i de goe.

Psalm 37:38

Aagai de gau baubau e odi naa donu i de maakau, gai hagadiilinga o de gau baubau e maakau donu.

Psalm 9:5

Koe gu hagasee denga huaahenua, ma de daa gi maakau de gau baubau; koe gu hai gi dee manadua e dangada olaadeu ingoo ga hano ai e dee ngado mai.

Psalm 5:6

Koe e daa naa ga maakau gilaadeu e hadu muna; Tagi Maolunga e kino i gilaadeu e daia dangada ga maakau, aama gilaadeu e daahangadia dangada.

1 Chronicles 28:9

Gai koe, dagu dama go Solomon, koe gi iloo de Maadua o doo damana, ma de hai hegau ange gi de ia i oo lodo alodahi ma au maanadu alodahi, go hiidinga Tagi Maolunga e iloo dagodo o denga lodo alodahi, ma de donu ange gi maanadu alodahi. Noo koe e ssala ia, gai koe e gidee naa donu ia; aagai noo koe e huli gee i de ia, gai ia e huli gee naa hogi i de goe ga hano ai.

1 Samuel 12:25

Aagai noo goodou e duudagi de hai de baubau, gai goodou ma doodou hodooligi e daa naa donu ga maakau.”

Isaiah 1:4

E vakaa naa de huaahenua haisalasala, ma de huaadangada e honu i de baubau, gai ni gauligi e haia de baubau, go dama e haia hegau hakino gee! Gilaadeu gu daahuli gee i Tagi Maolunga, gilaadeu gu hagangadi mee de Ia Dabu o Israel, gilaadeu gu huuhuli ange olaadeu dua gi de ia.

Isaiah 24:20

Henua i lalo gu bei tangada senga, gai gu singasinga saele i de madangi bei de baasi hale; gai gu kona taemaha i ono baubau ma dono hagamanege, gai gu baguu — gu dee maua donu gi duu age ange.

Isaiah 33:14

De gau haisala i Zion gu maatagu mmao; dangada e dee hai lodo o de Maadua gu bolebole: “Goai de gidaadeu e maua i de noho madali de ahi e duungia laa mee? Gai goai de gidaadeu e maua i de noho i de mommee iai de ahi e ula laa ga hano ai?”

Isaiah 50:1

E hagadaba Tagi Maolunga, “I hee iai de beebaa maavae a doodou dinana, aagu ne gaavadu ga hai ai ia gi hano gee? Gai goai aagu ne hagao ange goodou aagena e hagao ai agu muli? Tilo, go hiidinga oodou haisala oodou ne hagao ai gi daha, gai go oodou haisala ne hidi mai ai de hano gee o doodou dinana.

Isaiah 58:2

Laangi alodahi gai gilaadeu e ssala ngau, e dagodo be gilaadeu e llodo gi iloo e gilaadeu ogu haiava, gai e dagodo be gilaadeu se huaahenua e haia de mee heohi, gai gilaadeu tigi tili donu muna a delaadeu Maadua. Gilaadeu e ssili mai dagodo o ogu hagamodu heohi, e dagodo be gilaadeu e malangilangi i de hagabaa ange o de Maadua.

Isaiah 66:17

“Gilaadeu gu vvae gee laa ma gu hagagilimalali gilaadeu e hulo gi lodo veelenga, ma e daudali ange ai i dahi diinonga i lo te ungaalodo, ma e gai kano o denga biigi ma gimoo, aama mee hakino gee ange laa — gilaadeu e maakau naa donu alodahi, go Tagi Maolunga e hagadaba.

Jeremiah 17:13

Tagi Maolunga, go de tali a Israel, dangada alodahi e dilia goe e dookaa naa. Gilaadeu e daahuli gee i de goe e bei mee e sisi i honga de gelegele ⌊e moolau laa de llilo⌋, i hiidinga gilaadeu gu tili Tagi Maolunga, go ssaalingaa vai iai de mouli.

Jeremiah 44:12

Au e kave naa dangada e doe i Judah, go dangada ne hagammahi laa ga hulo e nnoho i Egypt. Gilaadeu alodahi e maakau naa donu i Egypt; gilaadeu e daia naa ga maakau i de gadilaasa be go de onge. Mai i tangada maolalo ga dae ai gi tangada maolunga, gilaadeu e maakau naa donu i de gadilaasa ma de onge. Gilaadeu e hai naa ga se mee hagamalaia ma de hagamaatagu, gai se mee e kino ai ma de hakadanga ai o dangada.

Hosea 14:9

Be goai e heiangi, gai ia e donu ange gi mee nei. Be goai e iloo mee, gai ia e iloo mee nei. Haiava o Tagi Maolunga e heohi; gai go gilaadeu e heohi e seesee ai, aagai de gau hagamaanege e laavea ga baakuu ai.

2 Chronicles 21:10

Gai Edom goi hai baasi ange huu gi Judah ga dae mai ai gi anailaa nei. Gai de aduhale go Libnah ne hai baasi ange hogi gi Jehoram i de masavaa laa, go hiidinga ia ne tili Tagi Maolunga, de Maadua o ono dubuna madagidagi.

2 Chronicles 28:6

Gai Pekah tama daane a Remaliah ne daa e 120,000 daane hebagi o Judah ga maakau i e dahi donu huu laangi, gilaadeu ni daane mmahi i de hebagi, go hiidinga gilaadeu gu tili Tagi Maolunga, de Maadua o olaadeu dubuna madagidagi.

2 Chronicles 28:23

Gai ia ne sigidaumaha ange gi diinonga o Damascus ne hagadee kii ina laa ia, ga hagadaba, “Go hiidinga diinonga o denga hodooligi o Syria ne bale ange gilaadeu, au ga sigidaumaha ange nei hogi gi gilaadeu, gai gilaadeu ga balea mai ai au.” Aagai mee nei ne hai ga hagadee kii ina ia aama Israel alodahi.

De Beebaa go Job 34:26

Ia e hagaduasala gilaadeu i madamada o dangada, i hiidinga o alaadeu hegau baubau,

De Beebaa go Job 34:27

go hiidinga gilaadeu gu daahuli gee ma gu dee daudali ange i de ia, gilaadeu gu hagangadi mee ono haiava.

Isaiah 64:6

Gimaadeu alodahi gu bei tangada e dee gilimalali laa, amaadeu hegau heohi alodahi e bei donu huu denga bido malo hakino gee; gimaadeu alodahi gu bei de lau manu gu mmae, gai omaadeu baubau gu bei dagodo o de madangi, e hagalleva saele gimaadeu.