Isaiah 1:20 - De Beebaa Dabu

²⁰ aagai noo goodou e dee llodo gai e hai oodou hai, gai goodou e daia naa ga maakau i de gadilaasa.” Tagi Maolunga gu tala muna nei.

Isaiah 1:20 Referans Kwoze

Isaiah 65:12

au e hagadabena adu naa gi goodou de gadilaasa, gai goodou alodahi e ino ange naa gi de ia e daia gi maakau; go hiidinga au ne hagaagahi, aagai goodou tee pasa mai, au ne basa adu, aagai goodou tee hagallongo. Goodou ne hai de baubau i mada luoogu mada, ma de hilihili mee oogu e dee malangilangi ai.”

Isaiah 58:14

gai koe e malangilangi naa i Tagi Maolunga, gai au e hai naa goe gi gage i honga mommee maolunga o de henua; ma de hagadanuaa i de boolonga o doo dubuna go Jacob.” Go Tagi Maolunga donu ne daalaa muna nei.

Isaiah 40:5

Gai de mahamaha o Tagi Maolunga e hagasula mai naa, gai dangada alodahi e gidee naa, go hiidinga Tagi Maolunga gu lava i de tala muna nei.”

Isaiah 3:25

Oodou daane e daia naa ga maakau i de gadilaasa, gai oodou daane mmahi e maakau naa i de hebagi.

Isaiah 3:11

E vakaa naa tangada baubau! Ia e hai ngadaa naa! Ana hegau ne hai e aahe ange naa donu huu gi de ia.

Numbers 23:19

de Maadua e dee se dangada, gai ia ga hadu muna ai, ia e dee bei dagodo o dangada, gai ia ga sui ai dana maanadu. E aha, ia gu basa, gai ia e dee hai naa gi bei? E aha, ia gu tala de muna, gai ia e dee hagasula?

Titus 1:2

ma de tali hagalodolodo ange gi de mouli e dee ngado mai, go de mee a de Maadua, e deai laa se hadu muna, gai gu hagatoo donu i mua taamada o henua i lalo,

Micah 4:4

Gai dahi ma dahi e noho baba naa i lalo dana grapevine aama lalo dana fig, gu deai dangada e hagamaatagu ina gilaadeu, go hiidinga Tagi o denga hagabuulinga hebagi gu lava donu i de tala mee nei.

1 Samuel 12:25

Aagai noo goodou e duudagi de hai de baubau, gai goodou ma doodou hodooligi e daa naa donu ga maakau.”

Leviticus 26:33

Gai au e hai naa goodou gi mavaevae saele i denga henua gee, au e hai naa gi daia goodou gi maakau i de gadilaasa. Doodou henua e hai naa ga se mommee e deai dangada e nnoho ai, gai oodou aduhale e oha naa ga maoha.

1 Samuel 15:29

Gai de ia Mahamaha o Israel e dee hadu muna donu aabe e sui ono lodo; go hiidinga ia e dee bei dagodo o tangada, gai ia ga sui ai ono lodo.”

1 Samuel 12:15

Aagai noo goodou e dee hagallongo ange gi muna a Tagi Maolunga, ma de hai baasi ange gi muna a Tagi Maolunga, gai Tagi Maolunga e hai baasi adu naa gi goodou ma doodou hodooligi.

Isaiah 8:6

“Go hiidinga de gau nei gu tili denga vai o Shiloah e sali maalie laa, gai ne malangilangi i Rezin ma tama daane a Remaliah,

Isaiah 34:16

Huugea age de beebaa a Tagi Maolunga, mage daulia: E deai naa donu se manu nei e dee maleva, de manu nei ma dono soa, go hiidinga ia gu lava donu i de tala muna nei, gai dono Hagasaalunga gu hagabuni mai gilaadeu.

Jeremiah 4:17

Gilaadeu gu duuli de aduhale bei denga daane e hagaloosia laa dahi veelenga, go hiidinga ia gu hai baasi mai gi de au,’ go Tagi Maolunga e hagadaba.

Jeremiah 17:27

Aagai noo goodou e dee hagallongo mai, goodou e dee hai gi dabu de laangi o Sabbath, ga dee hagauda mai mee laa lodo haitoga o Jerusalem i de laangi o Sabbath, gai au e dudu naa denga haitoga o Jerusalem aama ono hale danuaa, gai e dee maua naa donu i de diinei.’ ”

Jeremiah 21:8

Gai koe daalaa ange hogi gi de huaadangada nei, hai ange: ‘E hagadaba Tagi Maolunga: Tilo, au gu dugu i oodou mada i mua de haiava o de mouli ma de haiava o de magau.

Jeremiah 26:4

Gai koe hai ange gi gilaadeu, ‘E hagadaba Tagi Maolunga: Noo goodou e dee hagallongo mai gi de au, ga daudali i agu hainga gu gaavadu gi goodou,

Jeremiah 46:14

“Daalaa ange gi Egypt gai hagailoo ina i Migdol; hagailoo ina hogi i Memphis ma Tahpanhes, hai ange, ‘Goodou tuu mage hagadabena, go hiidinga de gadilaasa e daa naa dangada i oodou gaogao.’

Exodus 9:2

Gai noo koe e dee dugu gilaadeu gi hulo, gai e daohi huu gilaadeu,

Leviticus 26:25

Gai au e hagaduasala naa goodou i de gadilaasa, e sui adu ai doodou oha dagu hagatoo donu hagaheloongoi. Gai de masavaa naa huu oodou e hagabuni i lodo oodou aduhale, gai au e gaamai naa denga mee hagamaakau gi daia goodou, ma de dugu ange oodou hagadaumee gi hagadee kii ina goodou.

De Beebaa go Job 36:12

Aagai noo gilaadeu e dee hagallongo ange, gai gilaadeu e maakau naa i de gadilaasa, ma de maakau i teai olaadeu iloo mee.