Isaiah 1:10 - De Beebaa Dabu

¹⁰ Goodou denga dagi o Sodom, hagalaangona muna a Tagi Maolunga; de huaadangada o Gomorrah, goodou hagalaangona agoago a demaadeu Maadua!

Isaiah 1:10 Referans Kwoze

Revelation 11:8

ga tili olaau angaanga i honga de haiava o de aduhale e hagasengasenga ange laa gi Sodom ma Egypt, go de mommee o delaau Dagi Maolunga ne daudau ai i de laagau lui.

Ezekiel 16:49

Tilo, deenei de mee o doo daina hahine go Sodom ne haisala ai: gilaadeu ma ana damaa hine ne llodo maolunga, ne lagolago alaadeu gai ma de ilaage; gai tee bale ange hogi de gau hagaau aloha ma gilaadeu e duasala.

Amos 9:7

“De gau Israel, goodou e dee bei laa dagodo o de gau Ethiopia i ogu daha? go Tagi Maolunga e hagadaba. E dee go au ne hagassao ina mai Israel i de henua go Egypt, ma de gau Philistia mai i Caphtor, aama de gau Syria mai i Kir?

Ezekiel 16:46

Doo daina hahine madua go Samaria, ia e noho madali ana damaa hine i oo baasi ngaiho; gai doo daina hahine gauligi go Sodom, ia e noho i oo baasi i ngaage madali ana damaa hine.

Jeremiah 23:14

Au gu gidee hogi dahi mee baubau mmao i magavaa o denga pelaabisi o Jerusalem: gilaadeu e dagodo haisala ma de hadu muna. Gilaadeu e bale ange dangada e haia de baubau, deelaa ai, gu deai donu se dangada daahuli gee i de baubau. Gai au gu gidee bolo gilaadeu gu bei donu dagodo o Sodom; gai dangada o Jerusalem gu bei dangada o Gomorrah.”

Isaiah 3:9

Olaadeu mada e hagabaubau donu huu gilaadeu; gilaadeu e hagaago mai olaadeu haisala bei Sodom; gilaadeu e dee hagammuni donu olaadeu haisala. E vakaa naa gilaadeu! Gilaadeu e hagaduasala donu huu gilaadeu.

Deuteronomy 32:32

Delaadeu grapevine ne gaamai i Sodom, gai se manu mai i denga veelenga o Gomorrah. Olaadeu grape e hoohonu i mee hagammau, gai olaadeu gau looloa e mmala.

Romans 9:29

Gai e bei donu de hai a Isaiah gu tala ai laa i mua, “Noo Tagi o denga hagabuulinga hebagi tee hagaola hanu i omaadeu hagadiilinga, gai gimaadeu ne bei donu dagodo o Sodom ma Gomorrah.”

Amos 3:8

De laiono gu haganngolo — gai goai naa e dee madagu? De Ia Aamua go Iahweh gu basa — gai goai naa e maua i tee basa pelaabisi?

Amos 3:1

De gau Israel, goodou hagalaangona muna a Tagi Maolunga e hai baasi adu ai gi goodou, ma e hai baasi ange ai gi denga huaabodu alodahi aagu ne hagassao mai i de henua go Egypt:

Jeremiah 9:26

go de gau Egypt, ma de gau Judah, ma de gau Edom, ma de gau Ammon, ma de gau Moab ma gilaadeu alodahi e nnoho i lodo henua, aama gilaadeu e dahi laa baasi o olaadeu biho. Go hiidinga denga huaahenua nei alodahi e dee tuu dagaholiage, gai e bei ai hogi de gau Israel alodahi, gilaadeu e dee tuu dagaholiage olaadeu lodo.”

Isaiah 28:14

Deenei ai, denga dagi o Jerusalem e doo mee laa, goodou hagalaangona muna a Tagi Maolunga.

Isaiah 8:20

Goodou hagalaangona hainga a de Maadua ma ana muna! Noo gilaadeu e dee tala gi bei muna nei, gai e deai donu se maalama iai.

Genesis 13:13

Gai de gau Sodom ni dangada baubau, ma de kona de haisala ange gi Tagi Maolunga.

Isaiah 30:9

Go hiidinga de gau nei ni dangada hai alaadeu hai, gai ni dama e hadu muna, gilaadeu ni dama e dee llodo e hagallongo agoago a Tagi Maolunga.

Isaiah 33:22

Gai Tagi Maolunga go demaadeu ia hagamodu muna, Tagi Maolunga go demaadeu ia hai hainga, Tagi Maolunga go demaadeu hodooligi; gai go ia e hagaola ina gimaadeu.

Ezekiel 13:2

“Tama a tangada, basa pelaabisi hai baasi ange gi denga pelaabisi o Israel e pasa pelaabisi laa iainei. Gai hai ange gi gilaadeu e pasa pelaabisi laa donu huu i alaadeu maanadu: ‘Goodou hagalaangona muna a Tagi Maolunga!

Micah 3:1

Gai au ne hagadaba: “Denga biho o Jacob, ma dagi o de gau Israel, goodou hagalaangona. E dee se mee heohi doodou hai gi iloo de hagamodu heohi?

Ezekiel 16:35

Deenei ai, de hine hai be se manu, koe gi hagalaangona muna a Tagi Maolunga!