Hosea 8:7 - De Beebaa Dabu

⁷ Gilaadeu ne doo de madangi, gai e hagihagi naa hua o ssio. Alaadeu grain e deai olaadeu hua, gai e dee maua i de hai ai pelaoaa. Gai noo e hanu olaadeu hua grain, gai de gau henua gee e loomai naa ga kave.

Hosea 8:7 Referans Kwoze

Proverbs 22:8

Tangada e dooa de baubau e hagihagi naa de hai ngadaa, gai de laagau o de lili e hagaduasala ai laa dangada e hagadeai naa.

De Beebaa go Job 4:8

Au gu gidee bolo gilaadeu e doo ina de baubau, ma gilaadeu e dooa de hai ngadaa e hagihagi naa hogi ono hua.

Galatians 6:7

Aude hagasengalia donu huu goodou; e deai donu se dangada e maua i de hagangadi mee de Maadua, go hiidinga be se aha naa huu a tangada e doo, gai ia e hagihagi hogi hua o ana mee ne doo.

Nahum 1:3

Tagi Maolunga e dee moolau de lili, aagai e mmahi mmao, Tagi Maolunga e hagaduasala donu tangada gu haisala laa. Ana hegau e gidee i lo te ssio ma de madangi mmahi, gai denga giliiga go de mama o luoono vae.

Hosea 7:9

De gau henua gee gu hai gi deai ono mahi, aagai ia e dee gidee iho donu. Ia gu sinasinaa dono biho aagai ia e dee iloo donu.

Hosea 2:9

Deenei ai, au e kave gee naa agu hua grain i de masavaa e maatua ai, ma agu uvaini i de masavaa gu hagailonga ange laa; au e kave gee naa hogi agu wool ma agu flax, ne hakahu ai laa ia gi dee gilisau.

Jeremiah 12:13

Gilaadeu e doo denga grain aagai e hagihagi denga manu daladala; gilaadeu ne ngadi hagadaalea donu huu gilaadeu, aagai e deai donu mee e maua ai. Gilaadeu e dookaa i de momo alaadeu mee ne hagihagi, go hiidinga de lili o Tagi Maolunga gu laumalie.”

Isaiah 66:15

Tilo, Tagi Maolunga e humai naa madali de ahi, gai ono hada hebagi e bei dahi sio; ia e hagahai hegau naa dono lili i dono bole, gai dana hagasee e hai naa madali de ahi ula.

Isaiah 17:11

gai ga haia naa donu e goe ga ssomo i de laangi laa aau e doo ai, ma de hai ga loage olaadeu huaala i taiao aau ne doo ai, gai e deai donu mee e hagihagi ai, i de laangi o taemaha ma de mmae e dee maua laa gi ieiangi.

Ecclesiastes 5:16

De mee nei se mee hogi hagadaemaha baubau: De hai o tangada ne humai ai, go dono hai hogi e hano ai, gai ni aha naa a tangada e mau gai ia e ngadi doolohi de madangi?

2 Kings 15:29

Gai de masavaa o Pekah e hodooligi ai i Israel, gai Tiglath-Pileser, de hodooligi o Assyria ne humai ga hagadee kii Ijon, ma Abel Beth Maacah, ma Janoah, ma Kedesh, ma Hazor, ma Gilead, ma Galilee, aama de vaaenga alodahi o Naphtali, ga noonooa dangada ga kave gi Assyria.

2 Kings 15:19

Gai Pul, de hodooligi o Assyria, ne humai e hebagi ange gi de henua, gai Menahem ne gaavange gi de ia e mano talent selevaa, gai ia ga balea ange ai ia e daohi de nohoanga hodooligi laa.

Deuteronomy 28:33

Dahi huaahenua aau e dee iloo laa e loomai naa ga gai huamanu i honga oo gelegele ma de hagadanuaa i au hegau ne hai; gai koe go de vaivai haia ma de hagaduasala donu huu aau e gidee.

Galatians 6:8

Go hiidinga tangada e dooa laa mee o de angaanga e hagihagi naa de magau; aagai tangada e dooa laa mee o de Hagasaalunga ⌊Dabu⌋ e hagihagi naa de mouli e dee ngado mai i daho de Hagasaalunga.

Isaiah 55:2

Gu aha gu moumou ai oodou sseene i mee e dee ni gai, ma de moumou oodou mahi i mee oodou e dee boobosu ai? Nnoho mai hagalaangona agu muna, ma de gai mee danuaa, gi malangilangi ai goodou i denga gai mammami.

Lamentations 5:2

Demaadeu henua gu gaavange gi de gau henua gee, omaadeu hale gu gaavee e de gau mai moni.

Hosea 9:16

Ephraim gu bei manu somo gu hagailia laa, olaadeu aga gu mmae, gai gu dee maua gi hhua. Gai ga hagadili naa donu gilaadeu, gai au ga daa gi maakau alaadeu dama hagamogomogo.

Haggai 1:6

Goodou e doo manu lagolago, aagai e sogoisi donu huu oodou mee e hagihagi. Goodou e gaimee aagai e dee boobosu. Goodou e unu, aagai e goi hieunu huu. Goodou e kahu i denga malo, gai e dee maua gi mahanahana. Goodou e kave oodou hagaoanga, gai e dagodo be goodou e hhao ange gi lo te beagi e avaava tagelo.

Genesis 41:23

Au ne gidee hogi e hidu gau looloa grain hua ligi ne hhaa mai i olaadeu dua, gai gu moosugia i de hai a de madangi mai i dua,