Hosea 8:13 - De Beebaa Dabu

¹³ Gilaadeu e hai denga sigidaumaha mai gi de au, ma de gai kano o manu e hai ai; aagai Tagi Maolunga e dee malangilangi i gilaadeu. Gai ia e dee ngalo naa donu olaadeu baubau, ma de hagaduasala gilaadeu i hiidinga olaadeu haisala; gilaadeu e aahe naa ga hulo gi Egypt.

Hosea 8:13 Referans Kwoze

Hosea 9:9

Dangada gu kona donu de baubau, bei denga laangi i Gibeah. De Maadua e hagamaanadu naa donu olaadeu baubau, ma de hagaduasala gilaadeu i hiidinga olaadeu haisala.

Hosea 9:6

Tilo, ga ola naa donu gilaadeu i de hebagi, gai Egypt e hagabuni naa gilaadeu, gai Memphis e danu naa gilaadeu. Denga manu duiduia e haoli naa olaadeu goloa selevaa; denga manu daladala e ssomo age naa i lodo olaadeu hale malo.

Amos 8:7

Tagi Maolunga a Jacob e tala tuhi laa gu hagatoo donu: “Ni muna abodonu, au e dee ngalo naa donu alaadeu hegau ne hai.

Amos 5:22

Gai ga gaamai naa donu e goodou denga sigidaumaha dudu ma sigidaumaha o grain, gai au e dee malangilangi ai donu. Gai ga gaamai naa donu e goodou denga sigidaumaha hagadanuaa magavaa i oodou manu gu haangai gi pedi, gai au e dee anga ange naa donu gi mee nei.

Hosea 11:5

E aha, gilaadeu e dee aahe naa gi Egypt, gai Assyria e dee dagi naa gilaadeu, i hiidinga delaadeu dee llodo e daahuli olaadeu lodo?

Hosea 5:6

Gilaadeu e kave naa alaadeu hagabuulingaa ssiibi ma kaau ga hulo ai e ssala Tagi Maolunga, aagai gilaadeu e dee gidee naa donu ia; ia gu hano gee mai i olaadeu daha.

Jeremiah 14:10

E hagadaba Tagi Maolunga i dagodo o de huaadangada nei: “Gilaadeu e llodo mmao e hulo gee mai i ogu daha; gilaadeu e dee llodo donu e nnoho donu huu Deelaa ai, Tagi Maolunga e dee malangilangi donu i gilaadeu; ia e dee ngalo naa hogi olaadeu baubau gai ia e hagaduasala gilaadeu i hiidinga olaadeu haisala.”

Isaiah 1:11

E hagadaba Tagi Maolunga, “Ni aha aagu e hai i oodou sigidaumaha lagolago? Au gu duugia i oodou sigidaumaha dudu e hai i denga ssiibi daane, ma kiliisi o denga manu gu haangai ma gu pedi; au e dee malangilangi i dodo o denga kaau daane, ma ssiibi gauligi aama guudi.

Deuteronomy 28:68

Gai Tagi Maolunga e hagauda naa goe i honga denga vaga ga hagaahe gi Egypt, go de hanonga aagu gu tala adu bolo koe e dee aahe ange e hano ai. Gai koe e hagao ange naa goe gi oo hagadaumee, e hai ai olaadeu daane ma haahine hai hegau, aagai e deai naa donu dangada e hagao ina goe.

Revelation 16:19

Gai de aduhale laumalie laa gu vvae dolu, gai aduhale o denga huaahenua gu maoha. Gai de Maadua gu manadua dagodo o Babylon maolunga laa, ga hai de aduhale laa gi unumia mee i lo te ubu o dono bole.

1 Corinthians 11:29

Gai tangada e gaina ma de unu mee nei gai tigi donu danuaa ange gi dagodo o de angaanga o Klisdo, e hagaduasala donu.

1 Corinthians 11:20

De masavaa oodou e hagabuni ai, gai goodou tee hagabuni donu e gai taonga dabu a Tagi Maolunga.

Hosea 12:11

E aha, e dee dagodo de baubau i Gilead? Ono dangada gu deai olaadeu haigamaiana! E aha, gilaadeu e dee hai ssigidaumaha o denga kaau i Gilgal? Olaadeu mommee o ssigidaumaha e bei naa denga hagabuudungaa hadu i lodo veelenga gu hagabalabala laa.

Hosea 7:16

Gilaadeu e aahe mai, aagai tee aahe mai gi de au, de Ia Maolunga Mmao laa: gilaadeu e bei de mee hholu e deai mee e kii ange ai. Olaadeu dagi e maakau naa i de gadilaasa i hiidinga o alaadeu muna hagamaolunga. Gilaadeu e hagadookaa ina naa i de henua go Egypt i hiidinga o de mee nei.

Hosea 7:2

aagai gilaadeu e tee tonu iho donu bolo au e manadua alaadeu hegau baubau alodahi. Alaadeu hegau baubau gu duuli gilaadeu, gai e daakodo donu i mada luoogu mada i masavaa alodahi.

Hosea 4:9

Dangada ma de gau haimeedabu gu dagodo daudahi donu huu; au e hagaduasala naa gilaadeu i hiidinga o alaadeu hegau, ma de hagao ange alaadeu hegau baubau.

Proverbs 21:27

Ssigidaumaha a tangada baubau se mee hakino gee; gai e kii ange donu de hakino gee noo se mee ne hai i de maanadu baubau!

1 Samuel 15:22

Gai Samuel ga hai ange, “E aha, e kii ange de malangilangi o Tagi Maolunga i denga sigidaumaha dudu ma sigidaumaha ange laa, i dono malangilangi i doo hagallongo ange gi de ia? Tilo, de hagallongo ange gi Tagi Maolunga e danuaa ange i ssigidaumaha, gai de daudali i ana muna e danuaa ange i mee moomuna o denga ssiibi.

Exodus 32:34

Iainei gai koe hannoo dagina de huaadangada naa gaavee gi de mommee aagu gu tala adu gi de goe. Gai dogu dangada de langi e hano naa i oo mada i mua. Aagai de laangi naa huu aagu e hagaduasala ai gilaadeu, gai au ga hagaduasala gilaadeu i hiidinga olaadeu haisala.”

Exodus 20:3

Aude haia hanu diinonga gee gi maolunga ange i de au.

Luke 12:2

Mee alodahi e hagammuni e hagaago mai naa donu, aagai mee alodahi e dee iloo e hai naa donu ga iloo.

1 Corinthians 4:5

Deelaa ai, goodou gi dee hagamodu ina dahi mee i mua de humai o Tagi Maolunga, go de ia e hagaagona mai mee alodahi e hagammuni laa i lo te gohu, ma de hagaago mai maanadu alodahi i de lodo. Gai de Maadua ga tuhi ai dahi ma dahi.

Jeremiah 6:20

Ni haigamaiana aha denga frankincense mai i Sheba, aabe go laagau maanongi mai i dahi henua mmao? Au e dee malangilangi i oodou sigidaumaha dudu; gai oodou sigidaumaha e dee ni mee niiogu e malangilangi ai.”

Ezekiel 29:16

Gai de gau Israel e dee aahe ange naa donu e tali hagalodolodo ange gi Egypt, aagai gilaadeu e manadua naa olaadeu baubau, i delaadeu tali ange gi de gau Egypt. Gai gi iloo ai e gilaadeu bolo go au donu de Ia Aamua go Iahweh.”

Hosea 7:11

Ephraim gu bei dahi manu kono e lodo senga laa ma teai ana maanadu danuaa; ia e hagahi ange Egypt ma de hano gi Assyria.

Hosea 9:7

Denga laangi o de hagaduasala gu tae mai donu, laangi e hagao ange ai hegau a dangada gu paa mai. Haia gi iloo e Israel de mee nei. De pelaabisi gu bei tangada lodo senga; gai taane iai de hagasaalunga gu senga ange, go hiidinga oodou baubau gu lagolago mmao gai goodou gu kona mmao de hagadau kino.

Hosea 6:6

Go hiidinga au e lodo i de lodo aloha, e dee go ssigidaumaha; au e lodo i de iloo mee o de Maadua, e dee go denga sigidaumaha dudu.

Amos 3:2

“Go goodou donu huu i denga huaabodu o henua i lalo alodahi aagu gu iloo; deenei ai, au e hagaduasala naa goodou i hiidinga oodou baubau alodahi.”