Hosea 7:14 - De Beebaa Dabu

¹⁴ Gilaadeu tee dalodalo mai i de lodo abodonu, aagai e tangi see i honga olaadeu moenga. Gilaadeu ne hagalagolagohia gilaadeu i hiidinga denga grain ma uvaini hoou; aagai gilaadeu ne daahuli gee mai i de au.

Hosea 7:14 Referans Kwoze

James 4:3

Goodou e dangidangi gai e dee gaavadu gi goodou, go hiidinga e dee heohi doodou mee e dangidangi ai, gai goodou ga hai ai donu huu oodou mee e llodo ai.

Jeremiah 3:10

Gai mee nei alodahi tee maua i de hai dono daina hahine dee hai hegau i de mee abodonu go Judah gi ahe mai gi de au i ono lodo alodahi, aagai ne daahanga mai au,” go Tagi Maolunga e hagadaba.

Philippians 3:19

Gai de hagaodi o de gau bee nei go de hagaduasala, delaadeu maadua go olaadeu dinae, gai gilaadeu e hagassoenga i denga mee hagadookaa, gai e maanadu donu huu mee o henua i lalo nei.

Zechariah 7:5

“Siilia ange gi dangada o de henua ma de gau haimeedabu, hai ange, ‘E aha, de masavaa oodou ne hagahiikai ai ma de tangi i de lima ma de hidu malama i denga ngadau e madahidu gu hulo, goodou ne hagahiikai laa donu i ogu hiidinga?

Amos 2:8

Gilaadeu ne hhola alaadeu malo ne kave e hagadonu ai de hagao muli a dangada, ga daakodo ai i gaogao mommee o ssigidaumaha. Gilaadeu e unu uvaini a dangada ne hagao ai alaadeu muli, i lo te hale o delaadeu maadua.

Isaiah 29:13

Gai e hagadaba de Ia Aamua: “De huaadangada nei e hagapaa mai gi de au i olaadeu ngudu, ma de hagadubu donu huu au i alaadeu muna e tala, aagai olaadeu lodo e mmao gee donu i de au. Alaadeu hai daumaha mai gi de au, e daudali i dahulinga ne ago mai i daho dangada.

Micah 2:11

Noo tangada hadu muna ma de daahanga dangada e hai adu, “Au e tala pelaabisi bolo koe e lagolago naa au uvaini ma mee mmahi,” gai ia e hai naa go delaadeu dangada agoago.

Isaiah 65:14

Tilo, ogu dangada hai hegau e hevaalogi naa ga daahili i de malangilangi olaadeu lodo, aagai goodou e tangi naa ma de daemaha oodou lodo, ma de heehee ga tangi i de mmae oodou lodo.

Judges 9:27

Gai gilaadeu ne hulo gi lodo alaadeu veelengaa grape ga hagihagi ai denga grape, ga kumi e hai ai taonga i de hale daumaha o delaadeu diinonga. Gai gilaadeu ne gaimee ma de unu aama de pasa hagabaubau Abimelek.

James 5:1

De gau lava, goodou nnoho mai hagalaangona. Goodou tangi ma de tangi see i hiidinga o denga hagaduasala gu dai tuu adu gi goodou.

Romans 16:18

Go hiidinga de gau bee naa e dee hai hegau ange donu gi Klisdo taadeu Dagi Maolunga, aagai e maanadu donu huu de hhao olaadeu dinae. Gai gilaadeu e hagasegesege ange ma de hagasenga dangada tigi maua laa, i de vvae de mee danuaa mai i de mee baubau i alaadeu muna.

Amos 8:3

Denga daahili i lo te temple e hai naa gi se dangi see i de laangi laa, go de Ia Aamua go Iahweh e hagadaba. Gai e soa naa donu de gau maakau e daakodo saele. Gai gu dee hagalongaa!”

Hosea 13:16

Dangada o Samaria e hagaduasala donu i hiidinga olaadeu haisala, go hiidinga gilaadeu ne hai baasi ange gi delaadeu Maadua. Gilaadeu e daa naa ga maakau i de gadilaasa; alaadeu gauligi e dagadagahia naa gi lo te gelegele, alaadeu haahine hai tama e hangahanga ina naa olaadeu dinae.

Hosea 3:1

Gai Tagi Maolunga ne hai mai gi de au, “Hannoo ahe ange aloha i de hine gu aloha laa i dahi daane gee, gai se hine dagodo haisala, bei de hai a Tagi Maolunga e aloha ai laa i de gau Israel, e dee galemu donu delaadeu aaloha i denga diinonga ma de llodo i denga duudangaa raisin.”

Isaiah 52:5

Gai ni aha gu hai nei i kinei? go Tagi Maolunga e hagadaba. Ogu dangada gu gaavee gee, gai tee hagao, gai dangada e dagina gilaadeu e pasa hagamaolunga, go Tagi Maolunga e hagadaba. Mai i taiao ga boo ai gai dogu ingoo e hagangadi mee ina.

Exodus 32:6

Gai dangada ne oho age i de laangi i ono dua, ga hai denga sigidaumaha dudu ma de gaamai denga sigidaumaha hagadanuaa magavaa. Gai de huaadangada ga nnoho iho ga gaimee ma de unu, ga lava ga hiihidi age ga hai denga dahulinga baubau.

Lamentations 2:18

Dangada e tangi ange gi de Ia Aamua i olaadeu lodo. De buibui o tamaa hine o Zion, oo loimada gu bei de vai e sali laa i de laangi ma de boo; koe e dee hagammabu donu, gai oo loimada e dee tuu donu.

Hosea 8:2

Israel e dangi mai gi de au, “Dogu Maadua, gimaadeu e iloo goe.”

Hosea 13:6

De masavaa aagu ne haangai ai gilaadeu, gai gilaadeu ne boobosu danuaa; de masavaa olaadeu ne boobosu ai, gai gilaadeu gu hagamaolunga; gilaadeu gu ngalo donu au.

Jeremiah 12:2

Koe ne doo gilaadeu, gai olaadeu aga gu ssomo; gilaadeu gu ssomo ma de hhua lagolago. Gilaadeu e dagudagu doo ingoo i olaadeu ngudu, aagai olaadeu lodo e mmao gee donu i de goe.

Hosea 13:9

Israel, au e oha naa goe; gai goai naa donu e maua i de bale adu goe?