Hosea 7:11 - De Beebaa Dabu

¹¹ Ephraim gu bei dahi manu kono e lodo senga laa ma teai ana maanadu danuaa; ia e hagahi ange Egypt ma de hano gi Assyria.

Hosea 7:11 Referans Kwoze

Hosea 12:1

Ephraim e gai de madangi, ma de doolohi de madangi mai i dua i taiao ga boo ai. Gilaadeu e dee modu de hadu muna ma de vaivai hai dangada; gilaadeu e hai dahi hagatoo donu hagaheloongoi madali Assyria, ma de kave denga lolo gi Egypt.

Hosea 5:13

Gai de masavaa a Ephraim ne gidee ai dono magi, gai Judah ne gidee hogi dono maanuga, gai Ephraim ne hano gi Assyria e ssala ai dahi bale, ia ne hai hanu gi hulo gi de hodooligi maolunga laa. Aagai ia tee maua i de hagaieiangi ia, aabe go de hai gi mmahu ono maanuga.

Hosea 11:11

Gilaadeu e bolebole naa ga loomai ai bei denga manu llele mai i Egypt ma denga manu kono mai i de henua go Assyria. Gai au e hagaahe mai naa gilaadeu gi delaadeu mommee,” go Tagi Maolunga e hagadaba.

Hosea 4:11

gi de hai be se manu, ma denga uvaini duai ma uvaini hoou, e haia laa ga dee tonu ange

Hosea 9:3

Gilaadeu e dee nnoho naa donu i de henua o Tagi Maolunga; Ephraim e ahe naa gi Egypt, ma de gai mee dee gilimalali i Assyria.

Hosea 14:3

Assyria e dee maua i de hagaola gimaadeu; gimaadeu e dee kage donu i honga denga hoosa hebagi. Gimaadeu e dee aahe ange naa donu e hagahi ange, ‘Omaadeu maadua’ gi denga diinonga amaadeu ne hagatuu, i hiidinga koe e lodo aloha ange gi denga gauligi gu deai olaadeu damana.”

Jeremiah 2:36

Gu aha gu ngadi aheahe saele ai naa goe, ma tee modu de sui oo haiava? Egypt e hagadogaa naa goe bei de hai a Assyria ne hai ai laa goe.

Jeremiah 2:18

Aagai gu aha gu hano ai goe gi Egypt e unu ai vai o de Nile? Gai gu aha gu hano ai goe gi Assyria, e unu ai vai o Euphrates?

Proverbs 17:16

Ni haigamaiana aha de dahi sseene a tangada lodo senga e hagao ai de heiangi, gai e deai donu se heiangi i ono daha?

Proverbs 15:32

Tangada e hagangadi mee ina laa dono hagaseegina e hagangadi mee donu huu ia, aagai tangada e anga ange gi dono hagaheohi ina e kii ange naa de heiangi.

Proverbs 6:32

Taane dagodo haisala se dangada donu senga, gai be goai e haia hegau nei e daa donu huu ia ga magau.

2 Kings 15:19

Gai Pul, de hodooligi o Assyria, ne humai e hebagi ange gi de henua, gai Menahem ne gaavange gi de ia e mano talent selevaa, gai ia ga balea ange ai ia e daohi de nohoanga hodooligi laa.

Matthew 10:16

“Tilo, au e hai goodou gi hulo bei dagodo o denga ssiibi i magavaa o denga wolf. Deenei ai, goodou gi heiangi bei denga labodo, gai gi daudonu bei dagodo o denga manu kono.

Hosea 4:6

Ogu dangada gu maakau i hiidinga teai selaadeu iloo mee. Go hiidinga koe ne tili de iloo mee, au e tili gee naa hogi goe i tuulanga o dogu dangada haimeedabu; go hiidinga koe tee anga ange gi hainga a doo Maadua, au e dee anga ange naa hogi au dama.

Hosea 5:4

Alaadeu hegau hakino gee gu daohi gilaadeu gi dee aahe mai gi delaadeu Maadua. Go hiidinga gilaadeu e llodo mmao i de hai be se manu, gai gilaadeu gu dee iloo Tagi Maolunga.

Hosea 8:13

Gilaadeu e hai denga sigidaumaha mai gi de au, ma de gai kano o manu e hai ai; aagai Tagi Maolunga e dee malangilangi i gilaadeu. Gai ia e dee ngalo naa donu olaadeu baubau, ma de hagaduasala gilaadeu i hiidinga olaadeu haisala; gilaadeu e aahe naa ga hulo gi Egypt.

Hosea 9:6

Tilo, ga ola naa donu gilaadeu i de hebagi, gai Egypt e hagabuni naa gilaadeu, gai Memphis e danu naa gilaadeu. Denga manu duiduia e haoli naa olaadeu goloa selevaa; denga manu daladala e ssomo age naa i lodo olaadeu hale malo.

2 Kings 16:7

Deelaa ai, Ahaz ne aalu ga hai ange gi Tiglath-Pileser, de hodooligi o Assyria, “Au se dangada hai hegau niiou ma e bei dau dama donu. Humai hagaola ina mai au i de hodooligi o Syria ma de hodooligi o Israel, go dangada gu loomai nei e hebagi mai gi de au.”

Hosea 12:2

Tagi Maolunga e dahi ana mee e hagabaubau ai Judah, ia e hagaduasala naa Jacob gi bei dagodo o ana haingaa mee, ma de hagao ange ia gi bei dagodo o ana hegau.

Obadiah 1:7

Dangada alodahi e balea adu gi goodou i de hebagi e hai naa goodou gi hulo gee i doodou henua; gai dangada gu hagaheloongoi adu e daahanga ma de hagadee kii goodou; dangada e gaina oodou gai e dugu naa ssele e dada ai goodou, aagai goodou e dee iloo naa donu.