Hosea 6:6 - De Beebaa Dabu

⁶ Go hiidinga au e lodo i de lodo aloha, e dee go ssigidaumaha; au e lodo i de iloo mee o de Maadua, e dee go denga sigidaumaha dudu.

Hosea 6:6 Referans Kwoze

Matthew 9:13

Goodou hulo haia gi iloo e goodou de hagadoonunga o muna a de Beebaa Dabu e hai ange laa, ‘Au e lodo i de degi, e dee go ssigidaumaha.’  Go hiidinga au tee humai e hagahi gilaadeu e heohi, aagai go gilaadeu e haisala.”

Matthew 12:7

Noo goodou e iloo de hagadoonunga o muna nei, ‘Au e lodo i de lodo aloha, e dee go ssigidaumaha,’  gai goodou tee hagabaubau tangada e dee haisala.

Proverbs 21:3

De hai hegau i de heohi ma de hagamodu heohi e kii ange de hagamogomogo i daho Tagi Maolunga i ssigidaumaha.

1 Samuel 15:22

Gai Samuel ga hai ange, “E aha, e kii ange de malangilangi o Tagi Maolunga i denga sigidaumaha dudu ma sigidaumaha ange laa, i dono malangilangi i doo hagallongo ange gi de ia? Tilo, de hagallongo ange gi Tagi Maolunga e danuaa ange i ssigidaumaha, gai de daudali i ana muna e danuaa ange i mee moomuna o denga ssiibi.

Amos 5:21

“Au e kino, au e dee lodo i oodou daonga; au e dee malangilangi i doodou hagabuni e daumaha.

Isaiah 1:11

E hagadaba Tagi Maolunga, “Ni aha aagu e hai i oodou sigidaumaha lagolago? Au gu duugia i oodou sigidaumaha dudu e hai i denga ssiibi daane, ma kiliisi o denga manu gu haangai ma gu pedi; au e dee malangilangi i dodo o denga kaau daane, ma ssiibi gauligi aama guudi.

Ecclesiastes 5:1

Dagidiiloo au mee e hai i doo masavaa e ulu ai i de hale o de Maadua. E danuaa ange noo koe e hano ga hagallongo, i doo hano ga hai ssigidaumaha a de gau llodo ssenga, go gilaadeu e dee iloo bolo alaadeu mee e hai e dee heohi.

Jeremiah 22:16

Ia ne bale ange de gau hagaau aloha ma de duasala, deelaa ai, ia ne duadonu. Gai e dee deelaa de hagadoonunga o de iloo e tangada ogu dagodo? go Tagi Maolunga e hagadaba.

Matthew 5:7

E manuuia gilaadeu e llodo aaloha; gilaadeu e kave naa hogi de lodo aloha!

Daniel 4:27

Deenei ai, de hodooligi, noo e heohi mai i oo daha, gai koe gi daudali i agu muna. Dugua oo haisala gai hai hegau i de mee heohi, dilia oo baubau gai abodonu ange gi gilaadeu e duasala. Kana adu e maua naa gi daulooloa doo noho baba.”

1 Chronicles 28:9

Gai koe, dagu dama go Solomon, koe gi iloo de Maadua o doo damana, ma de hai hegau ange gi de ia i oo lodo alodahi ma au maanadu alodahi, go hiidinga Tagi Maolunga e iloo dagodo o denga lodo alodahi, ma de donu ange gi maanadu alodahi. Noo koe e ssala ia, gai koe e gidee naa donu ia; aagai noo koe e huli gee i de ia, gai ia e huli gee naa hogi i de goe ga hano ai.

Jeremiah 7:22

De masavaa aagu ne hagassao mai ai oodou dubuna madagidagi mai i Egypt ma de basa ange gi gilaadeu, gai au tee gaavange donu huu gi gilaadeu hainga o ssigidaumaha dudu aama sigidaumaha ange laa,

1 John 3:6

E deai donu se dangada e noho i lodo o Klisdo e haisala. E deai hogi se dangada gu gidee aabe gu iloo ia e aheahe ange ga haisala.

1 John 2:3

Gai deenei taadeu hai e iloo abodonu ai bolo gidaadeu e iloo ia: noo gidaadeu e daohi ana muna.

Micah 6:6

Se aha naa aagu e kave i dogu hano gi mada luu mada o Tagi Maolunga, e daumaha ange ai gi de Maadua maolunga laa? E maua e au i de hano gi mada luoono mada ma agu ssigidaumaha dudu, i denga kaau gu dagidahi olaadeu ngadau?

Hosea 4:1

De gau Israel, nnoho mai hagalaangona muna a Tagi Maolunga; go hiidinga Tagi Maolunga e dahi ana mee e hai baasi ange ai gi dangada e nnoho i de henua. Gu deai dangada e hai hegau i de mee abodonu, aabe se aloha, gai dangada i honga de henua gu dee iloo de Maadua.

Isaiah 58:6

E aha, e dee deenei de hagahiikai aagu ne hili: go de hagadangadanga daula o hegau baubau, ma de tala daula o de laagau hagahai hegau, ma de hai gi ilaage gilaadeu e vaivai haia, aama de hadihadi laagau hagahai hegau alodahi?

Hosea 2:20

Au e hai bodu adu naa gi de goe i de muna abodonu, gai koe e iloo naa bolo go au donu go Iahweh.

Psalm 50:8

Au e dee hagasee goe i hiidinga o au sigidaumaha, aabe go au sigidaumaha dudu, e gaamai gi de au i masavaa alodahi.

Mark 12:33

Gai gi aaloha i de ia i oo lodo alodahi, ma au maanadu alodahi, aama oo mahi alodahi, gai gi aloha i tangada e baa adu gi de goe bei doo aloha donu i de goe, e hagamogomogo ange i denga sigidaumaha dudu ma sigidaumaha ange laa.”

Hosea 14:2

Goodou gaavee muna nei madali goodou gai aahe mai gi Tagi Maolunga, ga hai ange gi de ia: “Degi mai gi omaadeu baubau alodahi, ma de abodonu mai gi gimaadeu i doo lodo aloha, gai gimaadeu ga tuhi goe i omaadeu ngudu bei demaadeu hai gu hagatoo donu ai.

Micah 6:8

Koe tangada, ia gu hagaago adu gi de goe de mee danuaa, gai se aha a Tagi Maolunga e lodo koe gi haia? E dee go de hai hegau i de mee heohi, ma de lodo aloha, aama de seesee i de lodo maolalo madali doo Maadua?

Joshua 5:5

Denga daane alodahi ne ssao mai i Egypt gu tuu dagaholiage, aagai denga daane alodahi ne haanau i de vao i dua delaadeu ssao mai i Egypt tigi tuu dagaholiage.

Hosea 8:13

Gilaadeu e hai denga sigidaumaha mai gi de au, ma de gai kano o manu e hai ai; aagai Tagi Maolunga e dee malangilangi i gilaadeu. Gai ia e dee ngalo naa donu olaadeu baubau, ma de hagaduasala gilaadeu i hiidinga olaadeu haisala; gilaadeu e aahe naa ga hulo gi Egypt.