Hosea 6:5 - De Beebaa Dabu

⁵ Deenei ai, au e hai naa denga pelaabisi gi duuduudia gilaadeu, au gu daa gilaadeu gi maakau i agu muna, gai dagu hagamodu e moolau naa donu bei de gemo o de maalama.

Hosea 6:5 Referans Kwoze

Jeremiah 23:29

E aha, agu muna e dee bei dagodo o de ahi, go Tagi Maolunga e hagadaba, gai e bei hogi de haamaa e oha ai laa denga hadu?”

Jeremiah 1:10

Tilo, anailaa nei gai au gu dugu adu gi de goe ssauaa i honga denga huaahenua ma denga nohoanga hodooligi, e unuunusi age ai ma de oha ai ma de hagadee kii, ma de hagatuu age aama de doo gi ssomo.”

Jeremiah 5:14

Deenei ai, e hagadaba Tagi Maolunga, de Maadua o denga hagabuulinga hebagi: “Go hiidinga goodou gu tala muna nei, tilo, au e hai naa agu muna oodou e tala gi se ahi, gai de gau nei go lahhie e dudu laa i de ahi.

Hebrews 4:12

Go hiidinga muna a de Maadua e mouli ma de mmahi, e kangi ange i de gadilaasa baasi lua, gai e vvae de lodo ma de hagasaalunga, ma denga sugusuguinga ma mee i lodo ivi; gai e hagamodu dagodo maanadu ma hagatau alodahi i de lodo.

Romans 2:5

Aagai de makaga o oo lodo ma tee dahuli oo lodo, ne hai gi laumalie de lili e hagadabena adu gi de goe i de laangi o de bole, go de masavaa a de Maadua e hagasula mai ai dana hagamodu heohi.

Revelation 9:21

Gai gilaadeu tee daahuli gee donu i de daa dangada ga maakau, ma de hai huuhuaa mee, ma alaadeu dahulinga dagodo haisala aama de gaiaa.

Revelation 9:15

Gai de gau de langi dogohaa laa, ne hagadabena ange laa gi de aoaa, ma de laangi, ma de malama, aama de ngadau laa, ne dugu gi hulo gi daia gi maakau dahi diba i diba e dolu o dangada.

Revelation 2:16

Deenei ai, koe gi dahuli oo lodo. Gai noo e deai, gai au e humai naa i de masavaa moolau ga hebagi ange gi gilaadeu, i de gadilaasa e sao mai laa i lo togu ngudu.

Revelation 1:16

Gai ia e daohi e hidu heduu i dono lima madau, gai de gadilaasa kangi baasi lua e sao mai i lo tono ngudu. Gai luoono mada e maalama bei de maalama o de laa i de masavaa e mmahi ai.

Acts 7:31

Gai de masavaa huu a Moses ne gidee ai de mee nei, aagai ia gu lele mouli, gai ia ga hano gi baa ange ia e tilo, aagai ia gu langona de leo o Tagi Maolunga e hai ange,

Zephaniah 3:5

Aagai Tagi Maolunga e noho laa i kilaa e heohi, ia e dee hai hegau i de mee dee heohi. Daiao alodahi gai ia e hagamodu muna i de heohi, gai ia e dee tuu donu de hai mee nei i laangi alodahi; aagai de gau baubau e dee dookaa donu.

Ezekiel 43:3

Gai de midi aagu ne gide laa e bei dagu midi hagaago ange ne gidee laa i dono masavaa ne humai ai ga oha de aduhale, gai e bei hogi dagu midi ne gidee laa i gaogao ssaalingaa vai go Kebar. Gai au ga ino gi honga de gelegele.

Ezekiel 3:9

Au e hai naa gi kii ange de makaga oo lodo i de hadu makaga. Aude manavasaa donu i gilaadeu, aude madagu i gilaadeu, e dee galemu donu gilaadeu ni dangada hagamaanege.”

Jeremiah 13:13

gai koe ga hai ange, ‘E hagadaba Tagi Maolunga: Tilo, au e hai naa dangada alodahi e nnoho i de henua gi ssenga i de unu mee vii; go denga hodooligi e nnoho i honga de nohoanga o David, ma de gau haimeedabu, ma denga pelaabisi aama dangada alodahi e nnoho i Jerusalem.

Jeremiah 1:18

Tilo, ailaa nei gai au gu hai goe gi bei dahi aduhale buibui makaga, gai se duludulu iron, gai se buibui bronze, e hai baasi ange ai gi de henua alodahi — gi denga hodooligi o Judah, ma dagi o de henua, ma ono dangada haimeedabu, aama dangada o de henua.

Isaiah 58:1

“Oo daalaa, aude haganoho ina. Hagaleo laumalie bei de leo o de hanga manu. Daalaa ange gi ogu dangada olaadeu baubau, gai daalaa ange gi dangada o Jacob olaadeu haisala.

Isaiah 11:4

aagai ia e hagamodu muna o dangada e duasala i de heohi, ma de hagamodu muna o de gau hagaau aloha i henua i lalo i de heohi. Ia e hagaduasala naa henua i lalo i ana muna e tala; gai e daa gi maakau de gau baubau i de madangi o dana manava.

Psalm 119:120

Dogu angaanga gu bolebole i dogu madagu i de goe, gai au e madagu i au hagamodu.

Psalm 37:6

Ia e hai naa gi sula mai doo heohi bei de maalama o taiao, gai doo heohi gi bei de mmahi o de laa i de madohi lua o de laangi.

De Beebaa go Job 34:10

Deenei ai, goodou denga daane e tonu ange laa, nnoho mai hagalaangona agu muna. De Maadua e dee hai donu de baubau, de Ia Mmahi Mmao laa e dee hai de mee dee heohi.

2 Chronicles 21:12

Gai de pelaabisi go Elijah ne gaamai dahi leda gi Jehoram, ga hai ange, “E hagadaba Tagi Maolunga, de Maadua o doo dubuna go David, ‘Koe tee ago ange i hegau a doo damana go Jehoshaphat, aabe go hegau a de hodooligi o Judah go Asa.

2 Kings 1:16

Gai ia ga hai ange gi de hodooligi, “E hagadaba Tagi Maolunga, ‘Koe ne hai hanu gi hulo gi siilia hanu mee i daho Baal-Zebub, tiinonga o Ekron. E aha, gu deai laa donu se Maadua o Israel e ssili ange aagena au muna? Deenei ai, koe e dee hidi age naa donu i de moenga oou e dagodo ai naa, aagai koe e magau naa donu!’ ”

1 Kings 19:17

Jehu e daa naa ga maakau dangada e ola mai i de gadilaasa a Hazael, gai Elisha e daa naa ga maakau gilaadeu e ola mai i de gadilaasa a Jehu.

1 Kings 18:17

De masavaa a Ahab ne gidee ai Elijah, gai Ahab ga hai ange gi de ia, “E aha, deenaa goe, tangada e haia ga hai ngadaa de gau Israel?”

1 Kings 17:1

Gai Elijah, taane Tishbe mai i Gilead, ne hai ange gi Ahab, “Au e hagatoo donu adu gi de goe i de mouli o Tagi Maolunga, de Maadua o Israel, go de ia oogu e hai hegau ange nei aagena, bolo e deai naa donu se mee maluulu aabe se langi e pala i hanu ngadau, gai go dagu hagadaba donu huu bolo ga hai mee nei.”

1 Kings 14:6

Gai de masavaa huu a Ahijah ne langona ai dono humai e ulu i de haitoga, gai ia ga hai ange, “De bodu o Jeroboam, ulu mai; gu aha goe gu hai ai naa gi dagodo gee goe? Muna ne gaamai au gi daalaa adu gi de goe ni muna hagadaemaha.

1 Samuel 15:22

Gai Samuel ga hai ange, “E aha, e kii ange de malangilangi o Tagi Maolunga i denga sigidaumaha dudu ma sigidaumaha ange laa, i dono malangilangi i doo hagallongo ange gi de ia? Tilo, de hagallongo ange gi Tagi Maolunga e danuaa ange i ssigidaumaha, gai de daudali i ana muna e danuaa ange i mee moomuna o denga ssiibi.

1 Samuel 13:13

Gai Samuel ga hai ange gi a Saul, “Ga kona mmao doo lodo senga; koe tee daohi muna a Tagi Maolunga doo Maadua gu tala adu gi de goe. Noo koe ne daudali ai, gai Tagi Maolunga ne hai doo nohoanga hodooligi gi dagodo i Israel ga hano ai.

Genesis 18:25

E dee aanei donu dagodo o au hegau e hai — koe e dee daa gi maakau de gau heohi madali de gau baubau, aabe e hai de gau heohi bei dagodo o de gau baubau. E dee aanei donu dagodo o au hegau e hai! E aha, de Ia Hagamodu o henua i lalo alodahi e dee hai naa de mee heohi?”

Ephesians 6:17

ma de goobai o de hagamouli, ma de gadilaasa a de Hagasaalunga ⌊Dabu⌋, go muna a de Maadua.

1 Samuel 15:32

Gai Samuel ga hai ange, “Gaamai Agag, de hodooligi o de gau Amalek gi kinei.” Gai Agag ne humai madali ono mee e nnoa ai laa. Gai ia ne hagadaba i ono lodo, “Ni muna abodonu, taemaha o de magau gu ui donu.”

1 Samuel 15:33

Aagai Samuel ga hai ange, “Dau gadilaasa ne hai ga deai dama a denga haahine, gai doo dinana e deai naa sana dama.” Gai Samuel ne duuduu de angaanga o Agag i mada luu mada o Tagi Maolunga i Gilgal.

Ezekiel 32:18

“Tama a tangada, oo ma gi dangi i hiidinga o dangada soa o Egypt, haia ono dangada gi hulo gi de mommee o de gau maakau, madali dangada i denga huaahenua mmahi; gilaadeu gi hulo gi daho dangada gu loiho laa gi lo te geelonga laa:

De Beebaa go Job 15:30

Ia e dee maua naa donu gi ola mai i de gohu, de ahi e dudu naa ia bei denga laa o de manu somo, gai de Maadua e manava naa donu huu gai ia gu lilo.

Ezekiel 11:4

Deenei ai, tama a tangada, basa pelaabisi hai baasi ange gi gilaadeu.”