Hosea 5:2 - De Beebaa Dabu

² Gilaadeu e hai dahi geelonga gelo i Shittim; gai au e haele naa gilaadeu alodahi.

Hosea 5:2 Referans Kwoze

Hosea 9:15

Alaadeu hegau baubau alodahi i Gilgal ne hai au ga kino i gilaadeu i kilaa. Go hiidinga de baubau alaadeu hegau au e alualu naa gilaadeu gi hulo gee mai i dogu hale. Au e dee aloha naa donu i gilaadeu; olaadeu dagi alodahi i de henua gu hai baasi mai.

Isaiah 29:15

E vakaa naa gilaadeu e hagammahi laa e hagammuni alaadeu hagatau i Tagi Maolunga, gilaadeu e hai alaadeu hegau i lo te gohu, ma de hagataba, “Goai naa donu e gidee gidaadeu? Gai goai naa donu e iloo?”

Hosea 6:9

De gau haimeedabu soa gu bei de gau daa dangada e mmuni laa ma e tali, e daa gi magau tangada i honga de haiava e hano laa gi Shechem, gilaadeu se hagabau donu e hai hegau baubau nei.

Revelation 3:19

Au e hagasee donu ma de haele gilaadeu alodahi oogu e aloha ai. Deenei ai, koe gi hagammahi dahuli oo lodo.

Hosea 6:5

Deenei ai, au e hai naa denga pelaabisi gi duuduudia gilaadeu, au gu daa gilaadeu gi maakau i agu muna, gai dagu hagamodu e moolau naa donu bei de gemo o de maalama.

Hosea 4:2

Gilaadeu e hagatoo donu i de hagasenga, e hadu muna, ma de daa gi maakau dangada, e gaiaa ma de dagodo haisala. Gilaadeu gu oha hainga alodahi, ma de duudagi de daa ga maakau dangada.

Jeremiah 18:18

Gai gilaadeu ne hagataba, “Loomai, gidaadeu ga hai dahi hagatau e hai baasi ange ai gi Jeremiah, go hiidinga de hainga e dee llilo naa donu mai i daho de gau haimeedabu, be go muna bale a taane heiangi, aabe go muna mai i daho denga pelaabisi. Loomai, gidaadeu ga daa Jeremiah i adaadeu muna, gai gidaadeu e dee anga ange donu gi ana muna.”

Jeremiah 6:28

Gilaadeu alodahi ni dangada makaga olaadeu lodo ma de hagamaanege, gai e hulo saele ma e hai samu i dangada. Gilaadeu e makaga bei denga bronze ma iron; gilaadeu alodahi e hai hegau hakino gee.

Jeremiah 5:3

Tagi Maolunga, e aha, e dee go de muna abodonu aau e ssala? Koe ne hagailiili gilaadeu, aagai gilaadeu tee langona iho de mmae; koe ne hagahai ngadaa gilaadeu, aagai gilaadeu tee llodo e hai de mee heohi. Gilaadeu ne hagamakaga olaadeu lodo bei de hadu, ma tee llodo e daahuli olaadeu lodo.

Isaiah 1:5

Gu aha gu hai ai gi duudagi doodou hagailiilia? Gai gu aha gu duudagi ai doodou hagamaanege? De biho alodahi gu magi, gai de lodo alodahi gu baageaa.