Hosea 4:5 - De Beebaa Dabu

⁵ Goodou e baakuu i de laangi ma de boo, gai denga pelaabisi e baakuu hogi madali goodou. Gai au e oha naa doo dinana.

Hosea 4:5 Referans Kwoze

Hosea 2:2

“Hagaseegina doodou dinana, hagaseegina ia, go hiidinga ia e dee go dogu bodu, gai au e dee go dono bodu. Ia gi dugua gee ana dahulinga hai be se manu, aama ana hegau dagodo haisala.

Jeremiah 15:8

Au e hai naa gi kii ange de soa haahine gu maakau olaadeu bodu, i denga gelegele i gabugabu tai. Au e gaamai tangada daa dangada gi hai baasi ange gi dinana o alaadeu dama daane i de madohi lua o de laangi. Au e daa hagalele naa donu huu dagu hai gi duu ange gi gilaadeu de mee hagamanavasaa ma de hagamaatagu.

Galatians 4:26

Aagai Jerusalem i de langi laa e ilaage, deenei tinana odaadeu alodahi.

Zechariah 13:2

E hagadaba Tagi o denga hagabuulinga hebagi: De laangi laa gai au e aau naa ingoo o denga diinonga mai i de henua, gi dee aahe ange ai dangada gi manadua. Gai au e hai naa hogi gi hulo gee mai i honga de henua denga pelaabisi ma hagasaalunga hakino gee.

Zechariah 11:8

Gai au ne daa ga maakau de gau hagaloosi dogodolu laa i e dahi malama. Au tee maua de golomagi ogu lodo i gilaadeu, gai gilaadeu ne kino i de au.

Jeremiah 50:12

deelaa ai, doodou dinana e kona naa de dogaa; gai de ia ne hanaua goodou e hagangadi mee ina naa. Ia e hai naa ga maolalo ange i denga huaahenua, gai se vao, se henua e deai vai iai, gai se lodo henua.

Jeremiah 23:9

Dagodo o denga pelaabisi: Gu mmae mmao ogu lodo; ogu ivi alodahi gu bolebole. Au gu bei tangada gu unu laa ma gu senga, ma tangada gu dagina laa i denga uvaini, i hiidinga o Tagi Maolunga aama hiidinga o ana muna dabu.

Isaiah 50:1

E hagadaba Tagi Maolunga, “I hee iai de beebaa maavae a doodou dinana, aagu ne gaavadu ga hai ai ia gi hano gee? Gai goai aagu ne hagao ange goodou aagena e hagao ai agu muli? Tilo, go hiidinga oodou haisala oodou ne hagao ai gi daha, gai go oodou haisala ne hidi mai ai de hano gee o doodou dinana.

Ezekiel 14:3

“Tama a tangada, denga daane naa e daudali i denga diinonga i olaadeu lodo, ma de daumaha ange gi de mee e haia ga haisala gilaadeu. E aha, e heohi dagu dugu ange gilaadeu gi siilia mai dahi mee daudahi gi de au?

Hosea 2:5

Delaadeu dinana se hine hai be se manu, de hine ne hanaua gilaadeu e hagadookaa ana dahulinga. Ia ne hagadaba, ‘Au ga hano nei e ssala ogu dau soa, e gaamai laa agu gai ma vai e unu, ma agu wool ma flax, ma agu lolo aama agu mee e unu.’

Hosea 5:5

De hagamaolunga o Israel gu hagabaubau donu huu gilaadeu; Dangada o Israel ma Ephraim gu baakuu i lodo olaau haisala; Judah gu baakuu hogi madali gilaadeu.