Hosea 4:1 - De Beebaa Dabu

¹ De gau Israel, nnoho mai hagalaangona muna a Tagi Maolunga; go hiidinga Tagi Maolunga e dahi ana mee e hai baasi ange ai gi dangada e nnoho i de henua. Gu deai dangada e hai hegau i de mee abodonu, aabe se aloha, gai dangada i honga de henua gu dee iloo de Maadua.

Hosea 4:1 Referans Kwoze

Jeremiah 4:22

⌊Tagi Maolunga e hagadaba,⌋ “Ogu dangada ni dangada llodo ssenga; gilaadeu e dee iloo au. Gilaadeu ni dama llodo ssenga; gilaadeu e dee tonu ange. Gilaadeu e heiangi i de hai mee baubau, gai e dee iloo i de hai tanuaa.”

Micah 6:2

Denga mounga, hagalaangona muna a Tagi Maolunga e hagabaubau ai goodou; denga dagelo o henua i lalo e daakodo laa ga hano ai, goodou hagalaangona. Go hiidinga Tagi Maolunga e dahi ana mee e hai baasi ange ai gi dono huaadangada; ia e hagadaumee ange donu gi Israel.

1 Corinthians 15:34

Goodou aahe ange ma gi maanetonu, gai goodou gi dee aahe ange gi haisala. Go hiidinga hanu goodou e dee iloo donu de Maadua. Gai au e tala adu de mee nei gi dookaa ai goodou.

Romans 1:28

Gai go hiidinga gilaadeu tee llodo e daohi i olaadeu lodo de muna abodonu i dagodo o de Maadua, deelaa ai, ia gu tili ange gilaadeu gi haia denga maanadu llodo ssenga aama de hai denga dahulinga e dee heohi de hai.

Hosea 12:2

Tagi Maolunga e dahi ana mee e hagabaubau ai Judah, ia e hagaduasala naa Jacob gi bei dagodo o ana haingaa mee, ma de hagao ange ia gi bei dagodo o ana hegau.

Jeremiah 25:31

De leo o de hellumi gu dae loo gi de bido laa o henua i lalo, go hiidinga Tagi Maolunga gu hagabaubau denga huaahenua. Ia e hagamodu naa muna o dangada alodahi; ma de daa gi maakau de gau baubau i de gadilaasa,’ ” go Tagi Maolunga e hagadaba.

Jeremiah 5:4

Gai au ne hagadaba, “De gau nei ni dangada hagaau aloha; gilaadeu e llodo ssenga; go hiidinga gilaadeu e dee iloo haiava o Tagi Maolunga, ma hainga a delaadeu Maadua.

Isaiah 34:1

Denga huaahenua, goodou hagapaa mai hagalaangona; denga huaadangada, nnoho mai hagalaangona! De henua ma mee alodahi i ono elunga gi hagalaangona, go henua i lalo ma mee alodahi iai.

Isaiah 1:18

Loomai, gidaadeu ga hagamodu de mee nei, go Tagi Maolunga e hagadaba. E dee galemu naa donu de mmea oodou haisala bei scarlet, gai e hai naa ga tea bei denga snow; e dee galemu naa donu de mmea oodou haisala bei crimson, gai e hai naa ga tea bei huluhulu o ssiibi.

Revelation 2:29

Be goai e hanu ono dalinga, gai ia gi hagalaangona muna a de Hagasaalunga ⌊Dabu⌋ e tala ange gi denga nohoanga dabu.

Revelation 2:11

Be goai e hanu ono dalinga, gai ia gi hagalaangona muna a de Hagasaalunga ⌊Dabu⌋ e tala ange gi denga nohoanga dabu. Be goai e kii e dee duu ange donu gi de lua magau.

John 8:55

Goodou e dee iloo ia, gai au e iloo donu ia. Noo au e hagadaba bolo au e dee iloo ia, gai au gu se dangada hadu muna bei oodou dagodo, aagai au e iloo donu ia ma de daohi ana muna.

Amos 7:16

Deenei ai, koe gi hagalaangona muna a Tagi Maolunga. Koe ne hai mai, ‘Aude basa pelaabisi gi hai baasi ange ai gi Israel, aude agoago gi hai baasi ange ai gi de huaabodu o Isaac.’

Hosea 5:1

De gau haimeedabu, nnoho mai hagalaangona muna nei! Dangada o Israel, goodou nnoho mai hagalaangona! Huaabodu o denga hodooligi, nnoho mai hagalaangona! De hagaduasala nei e hai adu donu gi goodou; go hiidinga goodou ne hagasengalia i Mizpah, gai dahi sele gu doha i honga de mounga go Tabor.

Jeremiah 34:4

Aagai koe Zedekiah, de hodooligi o Judah, hagalangona muna a Tagi Maolunga. E hagadaba Tagi Maolunga: Koe e dee magau naa i de gadilaasa,

Jeremiah 19:3

ga hai ange, ‘Denga hodooligi o Judah ma dangada o Jerusalem, goodou hagalaangona muna a Tagi Maolunga. E hagadaba Tagi o denga hagabuulinga hebagi, de Maadua o Israel: Tilo, au e gaamai naa dahi hai ngadaa laumalie gi honga de mommee nei. Dangada alodahi e langona mee nei e kii naa olaadeu dalinga.

Jeremiah 9:20

Denga haahine, goodou hagalaangona muna a Tagi Maolunga, huugea oodou dalinga hagalaangona ai ana muna. Agoagona ange oodou damaa hine i de hai e hai ai tangi see, gai goodou hagadau agoagona i de hai tau ange gi de magau.

Jeremiah 7:28

Deenei ai, hai ange gi gilaadeu, Deenei de huaahenua tee hagallongo ange laa gi Tagi Maolunga delaadeu Maadua, gai tee hagallongo ange gi dana haelenga. Gai de muna abodonu gu lilo; gai gilaadeu gu dee pasa ai hogi.

Jeremiah 6:13

Mai i tangada maolalo ga dae ai gi tangada maolunga, go gilaadeu alodahi e nnoo ange laa gi mee e maua i hegau dee heohi; gai mai i denga pelaabisi ga dae ai gi de gau haimeedabu, gilaadeu alodahi e hai hegau i de hadu muna.

Jeremiah 4:28

Henua i lalo e tangi naa, gai lo te langi i lunga e hagagohu, go hiidinga gu lava i dagu tala, ma de hagatau mee nei; au e dee sui naa donu dagu maanadu, aabe e ahe dagu maanadu.”

Jeremiah 2:4

Dangada o Jacob, ma aamuli alodahi o Israel. Goodou hagalaangona muna a Tagi Maolunga.

Isaiah 66:5

Hagalaangona muna a Tagi Maolunga, goodou e bolebole i doodou maatagu i ana muna: “Oodou daina e kino i goodou, ma de vvae gee goodou i hiidinga dogu ingoo, gu hagataba: ‘Goodou hagamahamaha ina Tagi Maolunga, gi gidee ai e gimaadeu doodou malangilangi!’ Aagai gilaadeu e dookaa naa donu.

Isaiah 34:8

Go hiidinga Tagi Maolunga e dahi ana laangi e sui ange ai alaadeu hegau, gai se ngadau e sui ange ai alaadeu hegau i hiidinga o Zion.

Isaiah 28:14

Deenei ai, denga dagi o Jerusalem e doo mee laa, goodou hagalaangona muna a Tagi Maolunga.

Isaiah 5:3

Goodou e nnoho laa i Jerusalem ma dangada o Judah, goodou hagamodu ina omaau muna ma dagu veelengaa grape.

Isaiah 1:10

Goodou denga dagi o Sodom, hagalaangona muna a Tagi Maolunga; de huaadangada o Gomorrah, goodou hagalaangona agoago a demaadeu Maadua!

1 Kings 22:19

Gai Micaiah ne hai ange hogi, “Deenei ai, koe gi hagalaangona muna a Tagi Maolunga: au ne gidee Tagi Maolunga e noho i honga dono nohoanga hodooligi, gai denga hagabuulinga o de langi e tuu i dono baasi madau ma dono baasi masui.

Isaiah 59:4

Gu deai donu dangada e daalaa de muna abodonu i de masavaa hagamodu muna e deai hogi e gaavange tangada gi de hainga i de muna abodonu. Dangada alodahi gu hagadonu alaadeu ngadi muna e hagadaumee ai ma alaadeu muna hadu; gilaadeu e hagahale denga hai ngadaa, ma de hai gi sula de baubau.

Isaiah 59:8

Gilaadeu e dee tonu ange gi dagodo o de nnoho baba, gilaadeu e dee hai hegau donu i de heohi. Gilaadeu gu hai olaadeu haiava gi pigo; gai dangada e seesee i lodo haiava nei e dee tonu ange gi dagodo o de noho baba.

Jeremiah 9:3

“Olaadeu alelo e bei de mee hholu e baba ange laa e tili ai denga muna hhadu; gai e dee go de mee abodonu e ssula i honga de henua. Gilaadeu e hagadaga ange donu de baubau, gai gu dee iloo donu au, go Tagi Maolunga e hagadaba.

Jeremiah 51:5

Gai de Maadua, go Tagi o denga hagabuulinga hebagi, tigi tili donu Israel ma Judah, e dee galemu donu delaadeu henua gu honu i de haisala i mada luu mada o de Ia Dabu o Israel.

Joel 1:2

Denga daane maatua, goodou hagalaangona muna nei, alodahi e nnoho i honga de henua, hagalaangona. Gu hanu laa hegau bee nei ne hai i doodou masavaa, aabe go de masavaa o odaadeu dubuna madagidagi?

Psalm 81:9

Aude dugua dahi diinonga daudahi i oo daha, aude daumaha ange gi dahi diinonga gee.

Jeremiah 2:9

Deenei ai, au e hagabuu adu naa ssala gi goodou, go Tagi Maolunga e hagadaba. Au e hagabuu ange naa ssala gi dama a oodou dama.

Jeremiah 9:7

Deelaa ai, e hagadaba Tagi o denga hagabuulinga hebagi: “Tilo, au e hagagilimalali naa ma de hagatale ange olaadeu dagodo, gai ni aha ange naa aagu e hai, i hiidinga o haisala o ogu dangada?

Jeremiah 11:7

Mai i de masavaa aagu ne hagassao mai ai oodou dubuna i Egypt ga dae mai ai gi anailaa nei, gai tee modu dagu hagakana ange gilaadeu, ma de hai ange, “Goodou hagallongo mai gi de au.”

Ezekiel 16:35

Deenei ai, de hine hai be se manu, koe gi hagalaangona muna a Tagi Maolunga!

Hosea 5:4

Alaadeu hegau hakino gee gu daohi gilaadeu gi dee aahe mai gi delaadeu Maadua. Go hiidinga gilaadeu e llodo mmao i de hai be se manu, gai gilaadeu gu dee iloo Tagi Maolunga.

Hosea 12:3

Ia ne poo de gubu vae o dono daina daane i de masavaa oona i lo te dinae ai o dono dinana, gai ia ne hebagi ange gi de Maadua i de masavaa oona ne madua ai.

Amos 3:1

De gau Israel, goodou hagalaangona muna a Tagi Maolunga e hai baasi adu ai gi goodou, ma e hai baasi ange ai gi denga huaabodu alodahi aagu ne hagassao mai i de henua go Egypt: